ਗੁਜਰਾਤ :ਸੌਰਾਸ਼ਟਰ ਦੇ ਗੜ੍ਹਡਾ 'ਚ ਲਾੜੇ ਵੱਲੋਂ ਹਾਥੀ 'ਤੇ ਤਲਵਾਰ ਲੈ ਕੇ ਡਾਂਸ ਕਰਨ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। 23 ਫਰਵਰੀ ਨੂੰ ਬੋਟਾਦ ਜ਼ਿਲ੍ਹੇ ਦੇ ਗੜ੍ਹਡਾ ਵਿਖੇ ਨਿਕਲੀ ਬਰਾਤ ਦਾ ਵੀਡੀਓ ਗੁਜਰਾਤ ਦੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਹੈ। ਵਿਸ਼ਾਲ ਬਰਾਤ ਵਿੱਚ ਲਾੜਾ ਹਾਥੀ ਉੱਤੇ ਨੱਚਦਾ ਨਜ਼ਰ ਆਇਆ। ਵੀਡੀਓ ਵਿੱਚ ਕਾਰਾਂ ਦਾ ਕਾਫਲਾ ਪੈਸਿਆਂ ਦੀ ਬਰਸਾਤ ਕਰਦਾ ਨਜ਼ਰ ਆ ਰਿਹਾ ਹੈ। ਉਹੀ ਲਾੜਾ ਹੱਥ ਵਿੱਚ ਤਲਵਾਰ ਲੈ ਕੇ ਹਾਥੀ ਦੇ ਉੱਪਰ ਚੜ੍ਹ ਕੇ ਨੱਚਦਾ ਨਜ਼ਰ ਵੇਖਿਆ ਗਿਆ।
ਹਾਲਾਂਕਿ, ਪਹਿਲੇ ਸਮਿਆਂ ਵਿੱਚ, ਜਦੋਂ ਕਿਸੇ ਰਾਜੇ ਦਾ ਵਿਆਹ ਹੁੰਦਾ ਸੀ, ਤਾਂ ਉਹ ਹਾਥੀ ਉੱਤੇ ਬੈਠ ਕੇ ਬਰਾਤ ਕੱਢਦਾ ਸੀ, ਪਰ ਸਮੇਂ ਦੇ ਨਾਲ-ਨਾਲ ਹਰ ਰਿਵਾਜ਼ ਬਦਲਦੇ ਗਏ। ਦੂਜੇ ਪਾਸੇ, ਵਿਆਹ ਦੇ ਸੀਜ਼ਨ 'ਚ ਹਰ ਕੋਈ ਆਪਣੇ ਵਿਆਹ ਨੂੰ ਯਾਦਗਾਰ ਬਣਾਉਣ ਲਈ ਨਵੇਂ ਤੋਂ ਨਵੇਂ ਤਰੀਕੇ ਅਪਣਾ ਰਿਹਾ ਹੈ।
ਅਨੌਖੇ ਤਰੀਕੇ ਨਾਲ ਕੱਢੀ ਬਰਾਤ :ਗੜ੍ਹਡਾ 'ਚ ਲਾੜੇ ਦੇ ਵਿਆਹ ਦੀ ਬਰਾਤ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਇਸ ਬਰਾਤ ਵਿੱਚ ਕਾਰਾਂ ਦਾ ਕਾਫਲਾ ਦੇਖਿਆ ਗਿਆ, ਉੱਥੇ ਹੀ, ਲਾੜਾ ਤਲਵਾਰ ਲੈ ਕੇ ਨੱਚਦਾ ਨਜ਼ਰ ਆਇਆ। ਗੜ੍ਹਡਾ ਵਾਸੀਆਂ ਲਈ ਇਹ ਬਰਾਤ ਕਾਫੀ ਵੱਖਰੀ ਤੇ ਯਾਦਗਾਰੀ ਪਲ ਵਾਂਗ ਸੀ। ਪਿੰਡ ਵਾਲਿਆਂ ਨੂੰ ਲੱਗਾ ਜਿਵੇਂ ਕੋਈ ਰਾਜੇ ਦੇ ਵਿਆਹ ਦੀ ਬਰਾਤ ਨਿਕਲ ਰਹੀ ਹੋਵੇ। ਇਸ ਹਾਥੀ ਦੀ ਸਵਾਰੀ ਦੇ ਪਿੱਛੇ ਕਾਰਾਂ ਦਾ ਕਾਫਲਾ ਆ ਰਿਹਾ ਸੀ। ਇਸ ਬਰਾਤ ਨੂੰ ਦੇਖਣ ਲਈ ਆਸ-ਪਾਸ ਦੇ ਪਿੰਡਾਂ ਤੋਂ ਵੀ ਲੋਕ ਪੁੱਜੇ। ਗੜ੍ਹਡਾ ਦੇ ਰਸਤੇ 'ਚ ਵਿਆਹ ਦਾ ਅਜਿਹਾ ਮਾਹੌਲ ਦੇਖਣ ਨੂੰ ਮਿਲਿਆ, ਜੋ ਪਹਿਲਾਂ ਕਦੇ ਨਹੀਂ ਦੇਖਿਆ ਗਿਆ। ਕੁਝ ਬਾਰਾਤੀ ਆਪਣੀ ਕਾਰ ਦੇ ਉੱਪਰ ਚੜ੍ਹ ਕੇ ਪੈਸਿਆਂ ਦੀ ਬਰਸਾਤ ਕਰ ਰਹੇ ਸਨ।