ਨਵੀਂ ਦਿੱਲੀ: ਮਸ਼ਹੂਰ ਯੂਟਿਊਬਰ ਗੌਰਵ ਤਨੇਜਾ ਅੱਜ ਆਪਣਾ ਜਨਮਦਿਨ ਮਨਾਉਣ ਲਈ ਨੋਇਡਾ ਦੇ ਸੈਕਟਰ 51 ਮੈਟਰੋ ਵਿੱਚ ਆਉਣ ਵਾਲੇ ਸਨ। ਜਿਸ ਦੀ ਜਾਣਕਾਰੀ ਉਸ ਦੀ ਪਤਨੀ ਰਿਤੂ ਤਨੇਜਾ ਨੇ ਯੂ-ਟਿਊਬ ਰਾਹੀਂ ਆਪਣੇ ਦੋਸਤਾਂ ਨੂੰ ਦਿੱਤੀ। ਅਜਿਹੀ ਸਥਿਤੀ ਪੈਦਾ ਹੋ ਗਈ ਕਿ ਗੌਰਵ ਤਨੇਜਾ ਦੇ ਹਜ਼ਾਰਾਂ ਦੋਸਤ ਸੈਕਟਰ 51 ਮੈਟਰੋ ਦੇ ਆਸ-ਪਾਸ ਪਹੁੰਚ ਗਏ।
ਗੌਰਵ ਤਨੇਜਾ ਦੇ ਆਉਣ ਤੋਂ ਪਹਿਲਾਂ ਹੀ ਉੱਥੇ ਹਾਲਾਤ ਵਿਗੜਨ ਲੱਗੇ ਅਤੇ ਲੋਕਾਂ ਨੇ ਭੀੜ ਦੀ ਵੀਡੀਓ ਬਣਾ ਕੇ ਵਾਇਰਲ ਕਰ ਦਿੱਤੀ। ਖਾਸ ਕਰਕੇ ਉਨ੍ਹਾਂ ਲੋਕਾਂ ਵੱਲੋਂ ਜੋ ਜਾਮ ਵਿੱਚ ਫਸੇ ਹੋਏ ਸਨ। ਮਾਮਲੇ ਦਾ ਨੋਟਿਸ ਲੈਂਦਿਆਂ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਧਾਰਾ 144 ਦੀ ਉਲੰਘਣਾ ਕਰਨ ਦੇ ਦੋਸ਼ 'ਚ ਗੌਰਵ ਤਨੇਜਾ ਨੂੰ ਗ੍ਰਿਫ਼ਤਾਰ ਕਰਕੇ ਧਾਰਾ 188 ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।
ਦਰਅਸਲ ਜ਼ਿਲ੍ਹੇ ਵਿੱਚ ਧਾਰਾ 144 ਲਾਗੂ ਹੈ। ਇਸ ਦੇ ਬਾਵਜੂਦ ਗੌਰਵ ਤਨੇਜਾ ਆਪਣਾ ਜਨਮਦਿਨ ਮਨਾਉਣ ਨੋਇਡਾ ਆਏ ਸਨ। ਇਸ ਕਾਰਨ ਨੋਇਡਾ ਦੀਆਂ ਸੜਕਾਂ 'ਤੇ ਭਾਰੀ ਭੀੜ ਇਕੱਠੀ ਹੋ ਗਈ। ਗੌਰਵ ਤਨੇਜਾ ਦੇ ਪ੍ਰਸ਼ੰਸਕ ਉਨ੍ਹਾਂ ਦਾ ਜਨਮਦਿਨ ਨੋਇਡਾ ਮੈਟਰੋ 'ਚ ਮਨਾ ਰਹੇ ਸਨ।