Jaishankar on Indias G20: ਵਿਦੇਸ਼ ਮੰਤਰੀ ਜੈਸ਼ੰਕਰ ਦਾ ਵੱਡਾ ਬਿਆਨ, ਕਿਹਾ- 'ਬਹੁਤ ਸਾਰੇ ਲੋਕ ਹੈਰਾਨ ਹਨ ਕਿ ਭਾਰਤ ਨੇ ਮੈਂਬਰ ਦੇਸ਼ਾਂ ਨੂੰ ਇਕਜੁੱਟ ਕਿਵੇਂ ਕੀਤਾ'

ਵਿਦੇਸ਼ ਮੰਤਰੀ ਐੱਸ ਜੈਸ਼ੰਕਰ ਨੇ ਨਿਊਯਾਰਕ 'ਚ ਜੀ-20 ਨਵੀਂ ਦਿੱਲੀ ਦੇ ਐਲਾਨ ਪੱਤਰ ਦੀ ਆਮ ਸਹਿਮਤੀ 'ਤੇ ਕਿਹਾ ਕਿ ਬਹੁਤ ਸਾਰੇ ਲੋਕ ਅਜੇ ਵੀ ਹੈਰਾਨ ਹਨ ਕਿ ਭਾਰਤ ਨੇ ਸਾਰਿਆਂ ਨੂੰ ਕਿਵੇਂ ਇਕਜੁੱਟ ਕੀਤਾ। (Jaishankar on Indias G20)

ਨਿਊਯਾਰਕ: ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਭਾਰਤ ਦੀ ਪ੍ਰਧਾਨਗੀ ਹੇਠ ਹੋਈ ਜੀ-20 ਦੀ ਸਫ਼ਲਤਾ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਜਦੋਂ ਭਾਰਤ ਸਾਰਿਆਂ ਨੂੰ ਇਕੱਠੇ ਕਰਨ ਵਿੱਚ ਕਾਮਯਾਬ ਰਿਹਾ ਤਾਂ ਬਹੁਤ ਸਾਰੇ ਲੋਕ ਹੈਰਾਨ ਰਹਿ ਗਏ। ਖਾਸ ਤੌਰ 'ਤੇ ਜੀ-20 ਸੰਮੇਲਨ ਦੀ ਸਮਾਪਤੀ 'ਤੇ ਅਪਣਾਏ ਗਏ ਨਵੀਂ ਦਿੱਲੀ ਘੋਸ਼ਣਾ ਪੱਤਰ ਦੇ ਸਾਰੇ 83 ਪੈਰਿਆਂ 'ਤੇ ਸਾਰੇ ਮੈਂਬਰ ਦੇਸ਼ 100 ਫੀਸਦੀ ਸਹਿਮਤੀ ਸਨ।

ਜੀ-20 ਸੰਮੇਲਨ ਦੀ ਸਫਲਤਾ ਤੋਂ ਬਹੁਤ ਸਾਰੇ ਲੋਕ ਹੈਰਾਨ: ਇਹ ਭਾਰਤ ਦੀ ਪ੍ਰਧਾਨਗੀ ਦੀਆਂ ਸਭ ਤੋਂ ਵੱਡੀਆ ਪ੍ਰਾਪਤੀਆਂ ਵਿੱਚੋਂ ਇੱਕ ਹੈ, ਕਿਉਂਕਿ ਇਸ ਨੇ ਪੱਛਮੀ ਦੇਸ਼ਾਂ, ਚੀਨ, ਰੂਸ ਤੋਂ ਲੈ ਕਿ ਦੂਜੇ ਵਿਕਾਸਸ਼ੀਲ ਦੇਸ਼ਾਂ ਨੂੰ ਹਰ ਮੁੱਦੇ 'ਤੇ ਇੱਕ ਸਾਥ ਲੈ ਕਿ ਆਂਦਾ ਹੈ, ਜਿਸ ਵਿੱਚ ਰੂਸ-ਯੂਕਰੇਨ ਦੇ ਯੁੱਧ ਵਰਗੇ ਧਰੁਵੀਕਰਨ ਦੇ ਮੁੱਦੇ ਵੀ ਸ਼ਾਮਿਲ ਸਨ। ਨਿਊਯਾਰਕ 'ਚ ਥਿੰਕ ਟੈਂਕ ਈਵੈਂਟ 'ਸਾਊਥ ਰਾਈਜ਼ਿੰਗ -ਪਾਰਟਨਰਸ਼ਿਪ, ਇੰਸਟੀਚਿਊਸ਼ਨਜ਼ ਐਂਡ ਆਈਡੀਆਜ਼' 'ਚ ਬੋਲਦਿਆਂ ਜੈਸ਼ੰਕਰ ਨੇ ਕਿਹਾ, 'ਬਹੁਤ ਸਾਰੇ ਲੋਕ ਅਜੇ ਵੀ ਜੀ-20 ਸੰਮੇਲਨ ਦੀ ਸਫਲਤਾ ਤੋਂ ਹੈਰਾਨ ਹਨ ਕਿ ਅਸੀਂ ਸੱਚਮੁੱਚ ਸਾਰਿਆਂ ਨੂੰ ਇਕੱਠੇ ਲਿਆਏ। ਮੈਨੂੰ ਨਹੀਂ ਲੱਗਦਾ ਕਿ ਉਹਨਾਂ ਨੂੰ ਇਸਦੀ ਉਮੀਦ ਸੀ। ਲੋਕਾਂ ਦਾ ਇੱਕ ਸਮੂਹ ਅਜੇ ਵੀ ਹੈਰਾਨ ਹੋਵੇਗਾ, ਕਿ ਇਹ ਕਿਵੇਂ ਹੋਇਆ। ਉਨ੍ਹਾਂ ਅੱਗੇ ਕਿਹਾ ਕਿ ਭਾਰਤ ਦੀ ਪ੍ਰਧਾਨਗੀ ਹੇਠ ਹੋਏ ਜੀ-20 ਦਾ ਮੁੱਖ ਉਦੇਸ਼ 'ਗਲੋਬਲ ਵਾਧੇ ਅਤੇ ਵਿਕਾਸ' 'ਤੇ ਧਿਆਨ ਕੇਂਦਰਿਤ ਕਰਨਾ ਸੀ। ਜਿਸ ਮੁੱਖ ਉਦੇਸ਼ ਲਈ ਇਹ ਸਮੂਹ ਬਣਾਇਆ ਗਿਆ ਹੈ।

ਦੂਜਾ ਭਾਗ, ਜਿਸ ਬਾਰੇ ਮੈਂ ਸੋਚਦਾ ਹਾਂ ਕਿ ਇੱਥੇ ਮੇਰੇ ਨਾਲ ਕੁਝ ਲੋਕ ਸ਼ਾਮਲ ਹਨ, ਜੋ ਇਸ ਗੱਲ ਦੀ ਸ਼ਲਾਘਾ ਕਰਦੇ ਹਨ ਕਿ ਸਾਨੂੰ ਗਲੋਬਲ ਸਾਊਥ 'ਤੇ ਧਿਆਨ ਕੇਂਦਰਿਤ ਕਰਨ ਲਈ G20 ਮਿਲਿਆ ਹੈ। ਜਿਸ ਕੰਮ ਲਈ ਜੀ-20 ਬਣਾਇਆ ਗਿਆ ਸੀ। ਇਸ ਤੋਂ ਪਹਿਲਾਂ ਵਿਦੇਸ਼ ਮੰਤਰੀ ਨੇ ਨਿਊਯਾਰਕ ਵਿੱਚ ‘ਇੰਡੀਆ-ਯੂਐਨ ਫਾਰ ਗਲੋਬਲ ਸਾਊਥ, ਡਿਲੀਵਰਿੰਗ ਫਾਰ ਡਿਵੈਲਪਮੈਂਟ’ ਪ੍ਰੋਗਰਾਮ ਨੂੰ ਵੀ ਸੰਬੋਧਨ ਕੀਤਾ। ਇੱਥੇ ਉਨ੍ਹਾਂ ਕਿਹਾ ਕਿ ਜੀ-20 ਦੀ ਪ੍ਰਧਾਨਗੀ ਭਾਰਤ ਲਈ ਚੁਣੌਤੀਪੂਰਨ ਸੀ ਕਿਉਂਕਿ ਬਹੁਤ ਜਿਆਦਾ ਪੂਰਬ-ਪੱਛਮ ਅਤੇ ਉੱਤਰ-ਦੱਖਣੀ ਧਰੁਵੀਕਰਨ ਸੀ।

ਜੀ-20 ਦੀ ਪ੍ਰਧਾਨਗੀ ਚੁਣੌਤੀਪੂਰਨ: ਵਿਦੇਸ਼ ਮੰਤਰੀ ਜੈਸ਼ੰਕਰ ਨੇ ਕਿਹਾ ਕਿ ਅਸਲ ਵਿੱਚ ਇਸ ਦੀ ਪ੍ਰਧਾਨਗੀ ਚੁਣੌਤੀਪੂਰਨ ਸੀ, ਕਿਉਂਕਿ ਅਸੀਂ ਧਰੁਵੀਕਰਨ ਦੇ ਨਾਲ-ਨਾਲ ਉੱਤਰ-ਦੱਖਣੀ ਵੰਡ ਦਾ ਵੀ ਸਾਹਮਣਾ ਕਰ ਰਹੇ ਸੀ। ਹਾਲਾਂਕਿ, ਪ੍ਰਧਾਨ ਦੇ ਰੂਪ ਵਿੱਚ, ਅਸੀਂ ਬਹੁਤ ਪੱਕੇ ਸੀ। ਇਹ ਯਕੀਨੀ ਬਣਾਉਣ ਲਈ ਕਿ G20 ਉਹ ਸੰਗਠਨ ਹੈ, ਜਿਸ ਤੋਂ ਦੁਨੀਆ ਨੂੰ ਬਹੁਤ ਸਾਰੀਆਂ ਉਮੀਦਾਂ ਹਨ, ਅਤੇ ਇਹ ਆਪਣੇ ਅਸਲ ਏਜੰਡੇ 'ਤੇ ਵਾਪਸ ਆਉਣ ਦੇ ਯੋਗ ਹੈ। ਜੈਸ਼ੰਕਰ ਨੇ ਜ਼ੋਰ ਦੇ ਕੇ ਕਿਹਾ ਕਿ ਭਾਰਤ ਦੀ ਜੀ-20 ਦੀ ਪ੍ਰਧਾਨਗੀ ਦਾ ਮੁੱਖ ਏਜੰਡਾ ਗਲੋਬਲ ਵਾਧਾ ਅਤੇ ਵਿਕਾਸ ਹੈ।