ਸ਼ਿਵਪੁਰੀ: ਜ਼ਿਲ੍ਹੇ ਦੇ ਕਰੇੜਾ ਵਿੱਚ ਲੁਟੇਰਿਆਂ ਹੌਂਸਲੇ ਇਸ ਕਦਰ ਬੁਲੰਦ ਹਨ। ਕਿ ਖੁੱਲ੍ਹੇ ਆਮ ਲੁਟੇਰੇ ਲੁੱਟ ਦੀਆਂ ਵਾਰਦਾਤਾ ਨੂੰ ਅੰਜਾਮ ਦੇ ਰਹੇ ਹਨ। ਲੁਟੇਰਿਆ ਨੇ ਇੱਕ ਏ.ਟੀ.ਐੱਮ. ਨੂੰ ਬੰਬ ਨਾਲ ਉਡਾ ਦਿੱਤਾ। ਲੁਟੇਰੇ ਏਟੀਐੱਮ ਮਸ਼ੀਨ ਤੋਂ ਨਕਦੀ ਲੁੱਟਣ ਦੀ ਕੋਸ਼ਿਸ਼ ਕਰ ਰਹੇ ਸਨ। ਧਮਾਕਾ ਇੰਨਾ ਜ਼ਬਰਦਸਤ ਸੀ, ਕਿ ਏਟੀਐੱਮ ਮਸ਼ੀਨ ਦੇ ਨਾਲ ਸ਼ਟਰ ਵੀ ਉੱਡ ਗਿਆ। ਇਹ ਘਟਨਾ ਮੰਗਲਵਾਰ ਦੀ ਰਾਤ ਦੇ ਕਰੀਬ 2 ਵਜੇ ਦੀ ਹੈ।
ਘਟਨਾ ਤੋਂ ਬਾਅਦ ਪੁਲਿਸ ਮੌਕੇ 'ਤੇ ਪਹੁੰਚ ਗਈ
ਧਮਾਕੇ ਦੀ ਆਵਾਜ਼ ਸੁਣ ਕੇ ਸੜਕ 'ਤੇ ਗਸ਼ਤ ਕਰ ਰਹੀ ਪੁਲਿਸ ਤੁਰੰਤ ਮੌਕੇ 'ਤੇ ਪਹੁੰਚ ਗਈ। ਪੁਲਿਸ ਨੂੰ ਇੱਥੋਂ ਦੇ ਏ.ਟੀ.ਐੱਮ. ਵਿੱਚ ਮੌਕੇ 'ਤੇ 6 ਲੱਖ 72 ਹਜ਼ਾਰ 5 ਸੌ ਰੁਪਏ ਬਾਹਰ ਖਿਲਰੇ ਹੋਏ ਬਰਾਮਦ ਹੋਏ।
ਲੁਟੇਰਿਆਂ ਵੱਲੋਂ ਏਟੀਐੱਮ ਵਿੱਚੋਂ ਕਿੰਨੀ ਨਕਦੀ ਲੁੱਟੀ ਗਈ ਹੈ, ਇਸ ਬਾਰੇ ਹਾਲੇ ਕੋਈ ਜਾਣਕਾਰੀ ਨਹੀਂ ਹੈ। ਪੁਲਿਸ ਦਾ ਕਹਿਣਾ ਹੈ, ਮੌਕੇ ‘ਤੇ ਆਉਣ ਕਾਰਨ ਲੁਟੇਰੇ ਏਟੀਐੱਮ ਦੀ ਸਾਰੀ ਨਕਦੀ ਲੁੱਟਣ ਵਿੱਚ ਸਫ਼ਲ ਨਹੀਂ ਹੋ ਸਕੇ।