ਨਵੀਂ ਦਿੱਲੀ: ਵਸੰਤ ਕੁੰਜ ਉੱਤਰੀ ਪੁਲਿਸ ਸਟੇਸ਼ਨ ਨੇ ਮਹੀਪਾਲਪੁਰ ਇਲਾਕੇ ਦੇ ਇਕ ਹੋਟਲ 'ਚ ਚੱਲ ਰਹੇ ਸੈਕਸ ਰੈਕੇਟ ਦਾ ਪਰਦਾਫਾਸ਼ ਕੀਤਾ ਹੈ। ਪੁਲਿਸ ਟੀਮ ਨੇ 7 ਉਜ਼ਬੇਕਿਸਤਾਨੀ ਲੜਕੀਆਂ ਅਤੇ ਹੋਟਲ ਮੈਨੇਜਰ ਸਮੇਤ ਤਿੰਨ ਹੋਰ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਮੁਲਜ਼ਮਾਂ ਨੂੰ ਫੜਨ ਲਈ ਪੁਲਿਸ ਨੇ ਥਾਣੇ ਵਿੱਚ ਤਾਇਨਾਤ ਹੈੱਡ ਕਾਂਸਟੇਬਲ ਨੂੰ ਗਾਹਕ ਬਣ ਕੇ ਹੋਟਲ ਭੇਜਿਆ ਸੀ। ਜਿਸ ਮਗਰੋਂ ਕਾਰਵਾਈ ਕੀਤੀ ਗਈ।
ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਐੱਸਐੱਚਓ ਵਸੰਤ ਕੁੰਜ ਉੱਤਰੀ ਦੀ ਟੀਮ ਨੂੰ ਸੂਚਨਾ ਮਿਲੀ ਸੀ ਕਿ ਮਹੀਪਾਲਪੁਰ ਦੇ ਹੋਟਲ ਏਵਨ 'ਚ ਸੈਕਸ ਰੈਕੇਟ ਚੱਲ ਰਿਹਾ ਹੈ। ਜਿਸ 'ਚ ਕਈ ਵਿਦੇਸ਼ੀ ਲੜਕੀਆਂ ਸ਼ਾਮਲ ਹਨ। ਸੂਚਨਾ ਦੀ ਪੁਸ਼ਟੀ ਕਰਨ ਲਈ ਥਾਣੇ 'ਚ ਤਾਇਨਾਤ ਹੈੱਡ ਕਾਂਸਟੇਬਲ ਨੂੰ ਗਾਹਕ ਵਜੋਂ ਹੋਟਲ ਭੇਜਿਆ ਗਿਆ। ਜਿੱਥੇ ਹੈੱਡ ਕਾਂਸਟੇਬਲ ਦੀ ਮੁਲਾਕਾਤ ਹੋਟਲ 'ਚ ਮੌਜੂਦ ਪ੍ਰਦੀਪ ਅਤੇ ਲਾਲੇਂਦਰ ਕੁਮਾਰ ਨਾਲ ਹੋਈ। ਇਸ ਦੌਰਾਨ ਹੋਟਲ ਮੈਨੇਜਰ ਨੇ ਹੋਟਲ ਵਿੱਚ ਵਿਦੇਸ਼ੀ ਲੜਕੀਆਂ ਦੀ ਮੌਜੂਦਗੀ ਬਾਰੇ ਦੱਸਿਆ ਅਤੇ ਦੱਸਿਆ ਕਿ ਉਨ੍ਹਾਂ ਨੂੰ ਉਸੇ ਕਮਰੇ ਦੀ ਬੁੱਕ ਕਰਵਾਈ ਜਾਵੇਗੀ।
ਇਸ ਤੋਂ ਬਾਅਦ ਹੈੱਡ ਕਾਂਸਟੇਬਲ ਤਿਆਰ ਹੋ ਗਿਆ। ਜਿਸ ਤੋਂ ਬਾਅਦ ਪ੍ਰਦੀਪ ਉਸ ਨੂੰ ਹੋਟਲ ਲੈ ਗਿਆ। ਜਿੱਥੇ ਉਸ ਨੂੰ ਉਜ਼ਬੇਕਿਸਤਾਨ ਦੀਆਂ ਕੁੜੀਆਂ ਦਿਖਾਈਆਂ ਗਈਆਂ। ਹੈੱਡ ਕਾਂਸਟੇਬਲ ਨੂੰ ਇਕ ਲੜਕੀ ਪਸੰਦ ਆਈ ਅਤੇ ਉਸ ਨੇ ਪੈਸੇ ਦੇ ਦਿੱਤੇ। ਜਿਸ ਤੋਂ ਬਾਅਦ ਉਸ ਨੇ ਆਪਣੀ ਟੀਮ ਨੂੰ ਮੋਬਾਈਲ 'ਤੇ ਮਿਸ ਕਾਲ ਦੇ ਕੇ ਜਾਣਕਾਰੀ ਦੀ ਪੁਸ਼ਟੀ ਕੀਤੀ। ਇਸ ਤੋਂ ਬਾਅਦ ਐਸਐਚਓ ਵਸੰਤ ਕੁੰਜ ਉੱਤਰੀ ਨੇ ਆਪਣੀ ਟੀਮ ਦੇ ਨਾਲ ਹੋਟਲ ਵਿੱਚ ਛਾਪਾ ਮਾਰਿਆ।
ਦਿੱਲੀ ਪੁਲਿਸ ਨੇ 7 ਵਿਦੇਸ਼ੀ ਕੁੜੀਆਂ ਨੂੰ ਫੜਿਆ:ਪੁਲਿਸ ਟੀਮ ਨੇ ਮੈਨੇਜਰ ਨਰਿੰਦਰ, ਪ੍ਰਦੀਪ, ਲਾਲੇਂਦਰ, ਸਾਬੁਲ ਅੰਸਾਰੀ ਅਤੇ 7 ਵਿਦੇਸ਼ੀ ਕੁੜੀਆਂ ਨੂੰ ਹੋਟਲ ਤੋਂ ਫੜਿਆ। ਪੁਲਿਸ ਨੇ ਲੜਕੀਆਂ ਨੂੰ ਹੋਟਲ ਤੱਕ ਲੈ ਕੇ ਜਾਣ ਲਈ ਵਰਤੀ ਗਈ ਗੱਡੀ ਵੀ ਜ਼ਬਤ ਕਰ ਲਈ ਹੈ। ਪੁਲਿਸ ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਹੋਟਲ ਦੇ ਰਜਿਸਟਰ ਵਿੱਚ ਇਨ੍ਹਾਂ ਕੁੜੀਆਂ ਦੀ ਕੋਈ ਐਂਟਰੀ ਨਹੀਂ ਕੀਤੀ ਗਈ। ਫਿਲਹਾਲ ਮੁਲਜ਼ਮ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ :-Punjab Budget Session Live Updates: ਸੀਐਮ ਮਾਨ ਤੇ ਵਿਰੋਧੀ ਧਿਰ ਵਿਚਾਲੇ ਬਹਿਸ
