ਲੰਡਨ/ਕੀਵ: ਰੂਸ ਵੱਲੋਂ ਯੂਕਰੇਨ 'ਤੇ ਫੌਜੀ ਕਾਰਵਾਈ (Russia attack Ukraine)ਸ਼ੁਰੂ ਕਰਨ ਦੇ ਨਾਲ ਹੀ ਵੀਰਵਾਰ ਤੜਕੇ ਸਾਈਬਰ ਹਮਲੇ ਤੋਂ ਬਾਅਦ ਯੂਕਰੇਨ ਦੀਆਂ ਪ੍ਰਮੁੱਖ ਸਰਕਾਰੀ ਵੈੱਬਸਾਈਟਾਂ ਨੂੰ ਬੰਦ ਕਰ ਦਿੱਤਾ ਗਿਆ। ਇਕ ਰਿਪੋਰਟ ਮੁਤਾਬਕ ਸਾਈਬਰ ਹਮਲੇ ਤੋਂ ਬਾਅਦ ਯੂਕਰੇਨ ਦੀ ਕੈਬਨਿਟ, ਵਿਦੇਸ਼ ਮੰਤਰਾਲੇ, ਬੁਨਿਆਦੀ ਢਾਂਚਾ, ਸਿੱਖਿਆ ਅਤੇ ਹੋਰ ਮੰਤਰਾਲਿਆਂ ਦੀਆਂ ਵੈੱਬਸਾਈਟਾਂ ਪੂਰੀ ਤਰ੍ਹਾਂ ਨਾਲ ਬੰਦ (Cyber attacks on Ukrainian websites) ਕਰ ਦਿੱਤੀਆਂ ਗਈਆਂ ਹਨ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਹੈਕਿੰਗ ਤੋਂ ਕੁਝ ਘੰਟੇ ਪਹਿਲਾਂ ਯੂਕਰੇਨ 'ਚ ਸੈਂਕੜੇ ਕੰਪਿਊਟਰਾਂ 'ਤੇ ਡਾਟਾ ਵਾਈਪ ਕੀਤਾ ਗਿਆ ਸੀ।
ਸਾਈਬਰ ਸੁਰੱਖਿਆ ਫਰਮ ਮੈਂਡੀਅੰਟ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਅਤੇ ਚੀਫ ਟੈਕਨਾਲੋਜੀ ਅਫਸਰ ਚਾਰਲਸ ਕਾਰਮੈਕਲ ਨੇ ਕਿਹਾ, "ਸਾਨੂੰ ਅੱਜ ਯੂਕਰੇਨ ਵਿੱਚ ਕਈ ਵਪਾਰਕ ਅਤੇ ਸਰਕਾਰੀ ਸੰਸਥਾਵਾਂ 'ਤੇ ਇੱਕ ਵਿਨਾਸ਼ਕਾਰੀ ਮਾਲਵੇਅਰ ਹਮਲੇ ਦੀ ਸੂਚਨਾ ਮਿਲੀ ਹੈ।" ਇਸ ਤੋਂ ਪਹਿਲਾਂ ਅਮਰੀਕੀ ਅਧਿਕਾਰੀਆਂ ਨੇ ਵੀ ਚਿਤਾਵਨੀ ਦਿੱਤੀ ਸੀ ਕਿ ਰੂਸ ਵੱਲੋਂ ਯੂਕਰੇਨ 'ਚ ਫੌਜੀ (ukraine crisis) ਕਾਰਵਾਈ ਦੇ ਨਾਲ ਹੀ ਸਾਈਬਰ ਆਪਰੇਸ਼ਨ ਵੀ ਕੀਤਾ ਜਾਵੇਗਾ। ਰਾਸ਼ਟਰਪਤੀ ਜੋ ਬਾਈਡਨ ਨੇ ਪਿਛਲੇ ਮਹੀਨੇ ਕਿਹਾ ਸੀ ਕਿ ਜੇਕਰ ਯੂਕਰੇਨ ਵਿੱਚ ਰੂਸ ਵਾਧੂ ਸਾਈਬਰ ਹਮਲੇ ਕਰਦਾ ਹੈ ਤਾਂ ਅਮਰੀਕਾ ਵੀ ਆਪਣੇ ਸਾਈਬਰ ਕਾਰਵਾਈਆਂ ਨਾਲ ਜਵਾਬ ਦੇਵੇਗਾ