ਨਿਹੰਗ ਸਿੰਘ ਨੂੰ ਮਿਲੀ ਜ਼ਮਾਨਤ

ਸਿੰਘੂ ਸਰਹੱਦ 'ਤੇ ਮੁਰਗਾ ਨਾ ਦੇਣ ਕਾਰਨ ਕਿਸੇ ਵਿਅਕਤੀ ਦੀ ਲੱਤ ਤੋੜਨ ਦੇ ਦੋਸ਼ੀ ਨਿਹੰਗ ਸਿੱਖ ਨੂੰ ਸ਼ਨੀਵਾਰ ਨੂੰ ਅਦਾਲਤ ਨੇ 30,000 ਰੁਪਏ ਦੀ ਜ਼ਰਮਾਨੇ 'ਤੇ ਜ਼ਮਾਨਤ ਦੇ ਦਿੱਤੀ ਹੈ।

ਸੋਨੀਪਤ: ਸਿੰਘੂ ਬਾਰਡਰ (Singhu Border) 'ਤੇ ਮੁਰਗਾ ਨਾ ਦੇਣ 'ਤੇ ਲੱਤ ਤੋੜਨ ਦੇ ਦੋਸ਼ੀ ਨਿਹੰਗ ਸਰਦਾਰ ਨੂੰ ਅਦਾਲਤ 'ਚ ਪੇਸ਼ ਕੀਤਾ ਗਿਆ। ਜਿਸ ਤੋਂ ਬਾਅਦ ਅਦਾਲਤ ਨੇ ਦੋਸ਼ੀ ਨਿਹੰਗ ਨਵੀਨ ਨੂੰ 30 ਹਜ਼ਾਰ ਦੇ ਨਿੱਜੀ ਜ਼ਰਮਾਨੇ 'ਤੇ ਜ਼ਮਾਨਤ ਦੇ ਦਿੱਤੀ। ਇਸ ਦੇ ਨਾਲ ਹੀ ਅਦਾਲਤ ਤੋਂ ਬਾਹਰ ਆਉਣ ਤੋਂ ਬਾਅਦ ਦੋਸ਼ੀ ਨਵੀਨ ਨੇ ਮੀਡੀਆ ਨੂੰ ਬਿਆਨ ਦਿੱਤਾ। ਨਵੀਨ ਨੇ ਕਿਹਾ ਕਿ ਪੂਰੇ ਮਾਮਲੇ ਵਿੱਚ ਉਨ੍ਹਾਂ ਦਾ ਕੋਈ ਕਸੂਰ ਨਹੀਂ ਹੈ।

ਦੱਸ ਦੇਈਏ ਕਿ ਸੋਨੀਪਤ ਕੁੰਡਲੀ ਬਾਰਡਰ (Sonipat Kundli Border) 'ਤੇ ਚੱਲ ਰਹੇ ਕਿਸਾਨ ਅੰਦੋਲਨ 'ਚ ਨਿਹੰਗ ਨਵੀਨ ਆਪਣੀ ਸੇਵਾ ਕਰ ਰਹੇ ਸਨ। ਦੋਸ਼ ਹੈ ਕਿ ਨਵੀਨ ਨੇ ਚਿਕਨ ਸਪਲਾਈ ਕਰਨ ਵਾਲੇ ਮਨੋਜ ਨਾਂ ਦੇ ਵਿਅਕਤੀ 'ਤੇ ਚਿਕਨ ਨਾ ਦੇਣ 'ਤੇ ਹਮਲਾ ਕੀਤਾ। ਇਸ ਦੇ ਨਾਲ ਹੀ ਨਿਹੰਗ ਜਥੇਬੰਦੀਆਂ ਨੇ ਉਨ੍ਹਾਂ 'ਤੇ ਆਰਐਸਐਸ (RSS) ਅਤੇ ਸਰਕਾਰ ਦੇ ਆਦਮੀ ਹੋਣ ਦਾ ਦੋਸ਼ ਵੀ ਲਾਇਆ ਸੀ। ਅਦਾਲਤ ਤੋਂ ਬਾਹਰ ਆਉਣ ਤੋਂ ਬਾਅਦ ਨਵੀਨ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਸ ਨੇ ਮੁਰਗੇ ਲਈ ਕੁੱਟਮਾਰ ਨਹੀਂ ਕੀਤੀ ਅਤੇ ਨਾ ਹੀ ਕਿਸੇ ਤੋਂ ਪੈਸੇ ਲਏ ਹਨ। ਉਸ 'ਤੇ ਲੱਗੇ ਸਾਰੇ ਦੋਸ਼ ਬੇਬੁਨਿਆਦ ਹਨ।

ਇਸ ਪੂਰੇ ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਨਵੀਨ ਦੇ ਵਕੀਲ ਯੋਗੇਸ਼ ਨੇ ਦੱਸਿਆ ਕਿ ਨਵੀਨ ਦਾ ਪੱਖ ਵੀ ਅਦਾਲਤ ਦੇ ਸਾਹਮਣੇ ਰੱਖਿਆ ਗਿਆ ਸੀ। ਜਿਸ ਤੋਂ ਬਾਅਦ ਦੋਸ਼ੀ ਨਵੀਨ ਨੂੰ 30 ਹਜ਼ਾਰ ਦੇ ਜ਼ਰਮਾਨੇ 'ਤੇ ਜ਼ਮਾਨਤ ਮਿਲ ਗਈ ਹੈ।