ਹਰਿਦੁਆਰ:ਜ਼ਿਲ੍ਹਾ ਮੈਜਿਸਟਰੇਟ ਸੀ.ਰਵੀ ਸ਼ੰਕਰ ਨੇ ਕੁੰਭ ਕੋਰੋਨਾ ਜਾਂਚ ਧੋਖਾਧੜੀ ਮਾਮਲੇ ਵਿੱਚ ਕੇਸ ਦਰਜ ਕਰਨ ਦੇ ਆਦੇਸ਼ ਦਿੱਤੇ ਹਨ। ਇਸ ਮਾਮਲੇ ਵਿੱਚ, ਦਿੱਲੀ ਦੀ ਮੈਕਸ ਕਾਰਪੋਰੇਟ ਸਰਵਿਸ ਲੈਬ ਖ਼ਿਲਾਫ਼ ਕੇਸ ਦਰਜ ਕੀਤਾ ਜਾਵੇਗਾ। ਇਹ ਕਾਰਵਾਈ ਪੰਜਾਬ ਵਿੱਚ ਰਹਿੰਦੇ ਇੱਕ ਵਿਅਕਤੀ ਵੱਲੋਂ ਕੀਤੀ ਸ਼ਿਕਾਇਤ ਤੋਂ ਬਾਅਦ ਕੀਤੀ ਗਈ ਹੈ।
ਹਰਿਦੁਆਰ ਮਹਾਕੁੰਭ ਵਿੱਚ ਕੋਰੋਨਾ ਜਾਂਚ ਦੇ ਨਾਮ ‘ਤੇ ਧੋਖਾਧੜੀ ਦੇ ਕੇਸ ਦੀ ਜਾਂਚ ਲਈ 10 ਲੈਬਾਂ ਨੂੰ ਅਧਿਕਾਰ ਦਿੱਤਾ ਗਿਆ ਸੀ। ਇਹਨਾਂ ਵਿੱਚੋਂ ਡਾ. ਲਾਲ ਚੰਦਨੀ ਲੈਬ ਅਤੇ ਨਲਵਾ ਲੈਬਾਰਟਰੀਜ਼ ‘ਤੇ ਬਹੁਤ ਜ਼ਿਆਦਾ ਧੋਖਾਧੜੀ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਦੇਹਰਾਦੂਨ ਵਿੱਚ ਮਾਮਲੇ ਦੀ ਜਾਂਚ ਕਰਨ ਤੋਂ ਬਾਅਦ ਪ੍ਰਸ਼ਾਸਨ ਵੱਲੋਂ ਹਰਿਦੁਆਰ ਜ਼ਿਲ੍ਹਾ ਅਧਿਕਾਰੀ ਨੂੰ ਜਾਂਚ ਲਈ ਦਿੱਤਾ ਗਿਆ ਸੀ। ਜਿਸ ਤੋਂ ਬਾਅਦ ਜ਼ਿਲ੍ਹਾ ਮੈਜਿਸਟਰੇਟ ਸੀ.ਰਵੀ ਸ਼ੰਕਰ ਨੇ ਤਿੰਨ ਮੈਂਬਰਾਂ ਦੀ ਕਮੇਟੀ ਬਣਾਈ। ਜ਼ਿਲ੍ਹਾ ਮੈਜਿਸਟਰੇਟ ਵੱਲੋਂ ਅੱਜ ਇਸ ਮਾਮਲੇ ਵਿੱਚ ਕੇਸ ਦਰਜ ਕਰਨ ਦੇ ਆਦੇਸ਼ ਦਿੱਤੇ ਗਏ ਹਨ।
ਹਰਿਦੁਆਰ ਕੁੰਭ ਵਿੱਚ ਟੈਸਟ ਘੁਟਾਲੇ ਦਾ ਪਰਦਾਫਾਸ਼ ਪੰਜਾਬ ਵਿੱਚ ਰਹਿੰਦੇ ਐਲ.ਆਈ.ਸੀ. ਏਜੰਟ ਰਾਹੀਂ ਹੋਇਆ ਹੈ। ਫਰੀਦਕੋਟ ਦੇ ਵਸਨੀਕ ਵਿਪਨ ਮਿੱਤਲ ਨੇ ਹਰਿਦੁਆਰ ਕੁੰਭ ਵਿੱਚ ਕੋਵਿਡ ਜਾਂਚ ਘੁਟਾਲੇ ਦਾ ਪਰਦਾਫਾਸ਼ ਕੀਤਾ। ਵਿਪਿਨ ਮਿੱਤਲ ਦੇ ਅਨੁਸਾਰ, ਉਸ ਨੂੰ ਉੱਤਰਾਖੰਡ ਦੀ ਇੱਕ ਲੈਬ ਤੋਂ ਫੋਨ ਆਇਆ। ਜਿਸ ਵਿੱਚ ਉਸ ਨੂੰ ਦੱਸਿਆ ਗਿਆ ਸੀ, ਕਿ ਆਪ ਦੀ ਰਿਪੋਰਟ ਨਿਗੇਟਿਵ ਆਈ ਹੈ। ਇਹ ਸੁਣਦਿਆਂ ਹੀ ਉਹ ਹੈਰਾਨ ਰਹਿ ਗਏ।