ਰਾਏਪੁਰ/ ਛੱਤੀਸਗੜ੍ਹ: ਛੱਤੀਸਗੜ੍ਹ ਦੀ ਰਾਜਧਾਨੀ ਰਾਏਪੁਰ ਵਿੱਚ ਤਿੰਨ ਦਿਨਾਂ ਕਾਂਗਰਸ ਦਾ ਸੈਸ਼ਨ ਕਰਵਾਇਆ ਗਿਆ, ਜੋ ਕਿ ਅੱਜ ਸੰਪਨ ਹੋਵੇਗਾ ਹੈ। ਇਸ ਮੌਕੇ ਰਾਹੁਲ ਗਾਂਧੀ ਨੇ ਆਪਣੇ ਭਾਸ਼ਣ ਦੌਰਾਨ ਆਰਐਸਐਸ ਉੱਤੇ ਜੰਮ ਕੇ ਨਿਸ਼ਾਨੇ ਸਾਧੇ। ਇਸ ਤੋਂ ਇਲਾਵਾ ਕਾਂਗਰਸ ਨੇ ਕਿਹਾ ਕਿ "ਉਨ੍ਹਾਂ ਦਾ ਟੀਚਾ ਹੈ ਕਿ MSME ਜ਼ਰੀਏ ਰੋਜ਼ਗਾਰ, ਮਹਿੰਗਾਈ ਉੱਤੇ ਲਗਾਮ, ਆਰਥਿਕ ਅਸਮਾਨਤਾ ਖ਼ਤਮ, ਅੰਨਦਾਤਾ ਭੁੱਖੇ ਪੇਟ ਨਾ ਰਹੇ, ਲੋਕਾਂ ਦੇ ਅਧਿਕਾਰਾਂ ਦੀ ਰੱਖਿਆ ਕਰਨਾ ਅਤੇ ਲੋਕਤੰਤਰ ਦੀ ਰੱਖਿਆ ਹੈ।"
ਕਾਂਗਰਸ ਦਾ ਰਾਜਨੀਤਿਕ ਸੰਕਲਪ -
- ਸਾਲ 2014 ਤੋਂ ਬਾਅਦ, ਭਾਜਪਾ ਨੇ ਦਲ ਬਦਲ ਕਰਵਾਏ, ਵਿਧਾਇਕਾਂ ਨੂੰ ਖਰੀਦਿਆ। ਸਰਕਾਰਾਂ ਨੂੰ ਡੇਗਿਆ। ਕਾਂਗਰਸ ਇਸ ਤਰ੍ਹਾਂ ਦੀ ਪ੍ਰਥਾ ਨੂੰ ਖ਼ਤਮ ਕਰਨ ਲਈ ਸੰਵਿਧਾਨ ਵਿੱਚ ਸੋਧ ਕਰੇਗੀ।
- ਡੇਟਾ ਸੁਰੱਖਿਆ 'ਤੇ ਫੋਕਸ ਹੈ। ਲੋਕਾਂ ਦੀ ਸਰਕਾਰੀ ਨਿਗਰਾਨੀ ਖ਼ਤਮ ਹੋਣੀ ਚਾਹੀਦੀ ਹੈ ਅਤੇ ਡੇਟਾ ਸਿਕਿਉਰਿਟੀ ਨੂੰ ਲੈ ਕੇ ਕਾਨੂੰਨ ਲਾਗੂ ਕਰਨ ਦੀ ਜ਼ਰੂਰਤ ਹੈ।
- ਹੇਟ ਸਪੀਚ ਜਾਂ ਵਿਵਾਦਿਤ ਪੋਸਟਾਂ ਨੂੰ ਸਾਂਝਾ ਕਰਨ ਲਈ ਕਾਂਗਰਸ ਇੱਕ ਕਾਨੂੰਨ ਲਾਗੂ ਕਰੇਗੀ।
- ਸਿਹਤ ਸੇਵਾ ਦੇ ਅਧਿਕਾਰ ਹੇਠ, ਕਾਂਗਰਸ ਹਰ ਨਾਗਰਿਕ ਨੂੰ ਸਿਹਤ ਸੇਵਾਵਾਂ ਦੇ ਅਧਿਕਾਰ ਦੀ ਗਾਰੰਟੀ ਦੇਵੇਗੀ। ਚਿਰੰਜੀਵੀ ਸਕੀਮ ਨਾਲ ਰਾਜਸਥਾਨ 10 ਲੱਖ ਤੱਕ ਦੇ ਮੁਫਤ ਇਲਾਜ ਵਾਲੀ ਸਕੀਮ ਨੂੰ ਲਾਗੂ ਕੀਤਾ ਜਾਵੇਗਾ।
ਵਿਦੇਸ਼ੀ ਨੀਤੀ 'ਤੇ ਕਾਂਗਰਸ ਦੇ ਸੈਸ਼ਨ ਵਿਚ ਪ੍ਰਸਤਾਵ -
- ਸੰਯੁਕਤ ਰਾਸ਼ਟਰ ਦੀ ਸੁਰੱਖਿਆ ਪ੍ਰੀਸ਼ਦ ਵਿੱਚ ਭਾਰਤ ਦੀ ਸਥਾਈ ਸੀਟ ਲਈ ਯਤਨ ਕੀਤੇ ਜਾਣਗੇ।
- ਵਿਦੇਸ਼ ਮੰਤਰਾਲੇ ਅਤੇ ਭਾਰਤੀ ਵਿਦੇਸ਼ੀ ਸੇਵਾ ਦਾ ਵਿਸਥਾਰ ਵਿੱਚ ਵਾਧਾ ਕੀਤਾ ਜਾਵੇਗਾ।
- ਪਰਮਾਣੂ ਮੁਕਤ ਸੰਸਾਰ ਲਈ ਯਤਨ ਕੀਤੇ ਜਾਣਗੇ।
- ਅਮਰੀਕਾ, ਚੀਨ, ਅਫਗਾਨਿਸਤਾਨ, ਬੰਗਲਾਦੇਸ਼ ਭੂਟਾਨ ਨੂੰ ਲੈ ਕੇ ਨਵੀਆਂ ਨੀਤੀਆਂ ਤਿਆਰ ਕੀਤੀਆਂ ਜਾਣਗੀਆਂ।
- ਜੰਮੂ-ਕਸ਼ਮੀਰ ਦੀ ਸਥਿਤੀ ਵਿੱਚ ਸੁਧਾਰ ਕਰਨ ਦੀ ਕੋਸ਼ਿਸ਼ ਕਰਨੀ ਪਏਗੀ, ਤਾਂ ਕਿ ਅੱਤਵਾਦੀ ਘਟਨਾਵਾਂ ਕਾਬੂ ਵਿੱਚ ਆਉਣ।
- ਕਾਂਗਰਸ ਦੇ ਨੇਤਾ ਸਲਮਾਨ ਖੁਰਸ਼ੀਦ ਨੇ ਕਿਹਾ ਹੈ ਕਿ "ਵਿਦੇਸ਼ੀ ਨੀਤੀ ਦੀ ਸਾਡੀ ਜ਼ਿੰਦਗੀ ਵਿਚ ਬਹੁਤ ਮਹੱਤਵ ਹੈ। ਅਸੀਂ ਆਪਣੇ ਆਪ ਨੂੰ ਰਾਜਨੀਤਿਕ ਜਾਂ ਆਰਥਿਕ ਮੁੱਦਿਆਂ ਨੂੰ ਦੁਨੀਆਂ ਤੋਂ ਵੱਖ ਨਹੀਂ ਕਰ ਸਕਦੇ। ਹੁਣ ਹਾਲ ਹੀ ਵਿੱਚ ਬੀਬੀਸੀ ਨਾਲ ਕੀ ਕੀਤਾ ਗਿਆ ਹੈ, ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਦਾ ਵਿਦੇਸ਼ ਨੀਤੀ 'ਤੇ ਡੂੰਘਾ ਪ੍ਰਭਾਵ ਹੁੰਦਾ ਹੈ।"