ਕੇਜਰੀਵਾਲ ਨੇ PM ਨੂੰ ਲਿਖਿਆ ਪੱਤਰ, ਵੈਕਸੀਨੇਸ਼ਨ ਦੀ ਘਾਟ ਦੂਰ ਕਰਨ ਦਾ ਦਿੱਤਾ ਸੁਝਾਅ

ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਇੱਕ ਪੱਤਰ ਲਿਖਿਆ ਹੈ। ਇਸ ਪੱਤਰ ਦੇ ਜ਼ਰੀਏ ਅਰਵਿੰਦ ਕੇਜਰੀਵਾਲ ਨੇ ਪ੍ਰਧਾਨ ਮੰਤਰੀ ਨੂੰ ਟੀਕੇ ਦੀ ਘਾਟ ਨੂੰ ਦੂਰ ਕਰਨ ਲਈ ਸੁਝਾਅ ਦਿੱਤੇ ਹਨ।

ਨਵੀਂ ਦਿੱਲੀ: ਰਾਜਧਾਨੀ ਦਿੱਲੀ ਵਿੱਚ ਟੀਕੇ ਦੀ ਕਮੀ ਜਾਰੀ ਹੈ। ਕੋਵੈਕਿਸਨ ਦੀ ਸਿਰਫ ਇੱਕ ਦਿਨ ਦੀ ਖੁਰਾਕ ਬਚੀ ਹੈ, ਜਦੋਂਕਿ ਕੋਵਿਸ਼ਿਲਡ ਦੇ ਅਗਲੇ ਤਿੰਨ-ਚਾਰ ਦਿਨ ਬਾਕੀ ਹਨ। ਵੈਕਸਿਨ ਦੀ ਇਹ ਘਾਟ ਦੇਸ਼ ਦੇ ਕਈ ਹੋਰ ਰਾਜਾਂ ਵਿੱਚ ਵੀ ਮਹਿਸੂਸ ਕੀਤੀ ਜਾ ਰਹੀ ਹੈੈ। ਇਸ ਦੇ ਮੱਦੇਨਜ਼ਰ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਇੱਕ ਪੱਤਰ ਲਿਖ ਕੇ ਟੀਕੇ ਦਾ ਉਤਪਾਦਨ ਵਧਾਉਣ ਲਈ ਕੁਝ ਸੁਝਾਅ ਦਿੱਤੇ ਹਨ।

ਕੇਜਰੀਵਾਲ ਨੇ PM ਨੂੰ ਲਿਖਿਆ ਪੱਤਰ

ਜੰਗੀ ਪੱਧਰ 'ਤੇ ਟੀਕਾਕਰਨ ਦੀ ਜ਼ਰੂਰਤਇਸ ਪੱਤਰ ਵਿਚ ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਹੈ ਕਿ ਸਿਰਫ ਦੋ ਕੰਪਨੀਆਂ ਦੇ ਉਤਪਾਦਨ ਨਾਲ ਪੂਰੇ ਦੇਸ਼ ਨੂੰ ਟੀਕਾ ਦੇਣਾ ਸੰਭਵ ਨਹੀਂ ਹੈ। ਇਸ ਲਈ ਟੀਕੇ ਦੇ ਫਾਰਮੂਲੇ ਨੂੰ ਦੂਜੀਆਂ ਕੰਪਨੀਆਂ ਨਾਲ ਵੀ ਸਾਂਝਾ ਕੀਤਾ ਜਾਣਾ ਚਾਹੀਦਾ ਹੈ ਅਤੇ ਟੀਕਾ ਬਣਾਉਣ ਦੇ ਸਮਰੱਥ ਭਾਰਤ ਦੀਆਂ ਕਈ ਹੋਰ ਕੰਪਨੀਆਂ ਨੂੰ ਵੀ ਟੀਕੇ ਬਣਾਉਣ ਦੀ ਆਗਿਆ ਦਿੱਤੀ ਜਾਣੀ ਚਾਹੀਦੀ ਹੈ. ਮੁੱਖ ਮੰਤਰੀ ਨੇ ਕਿਹਾ ਹੈ ਕਿ ਮੌਜੂਦਾ ਸਮੇਂ ਜੰਗੀ ਪੱਧਰ 'ਤੇ ਟੀਕੇ ਲਗਾਉਣ ਦੀ ਜ਼ਰੂਰਤ ਹੈ।