ਰਾਮ ਵਿਲਾਸ ਪਾਸਵਾਨ ਨੂੰ ਅਲਾਟ ਕੀਤਾ ਬੰਗਲਾ ਕਰਵਾਇਆ ਖਾਲੀ, ਸਾਲਭਰ ਪਹਿਲਾਂ ਮਿਲਿਆ ਸੀ ਨੋਟਿਸ

ਸਾਬਕਾ ਕੇਂਦਰੀ ਮੰਤਰੀ ਰਾਮ ਵਿਲਾਸ ਪਾਸਵਾਨ ਜਿਸ ਰਿਹਾਇਸ਼ ਚ ਰਹਿ ਰਹੇ ਸੀ ਸਰਕਾਰ ਨੇ ਅੱਜ ਉਸ ਨੂੰ ਕਰਵਾ ਲਿਆ ਹੈ। ਇੱਕ ਸਾਲ ਪਹਿਲਾਂ ਮਕਾਨ ਖਾਲੀ ਕਰਨ ਦਾ ਨੋਟਿਸ ਦਿੱਤਾ ਗਿਆ ਸੀ। ਸਰਕਾਰ ਨੇ ਆਪਣੇ ਹੁਕਮਾਂ ਨੂੰ ਲਾਗੂ ਕਰਨ ਲਈ ਅੱਜ ਟੀਮ ਵੀ ਭੇਜੀ ਸੀ। ਰਾਮ ਵਿਲਾਸ ਪਾਸਵਾਨ ਦਾ ਅਕਤੂਬਰ 2020 ਵਿੱਚ 74 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਸੀ।

ਨਵੀਂ ਦਿੱਲੀ: ਚਿਰਾਗ ਪਾਸਵਾਨ(Lok Sabha MP Chirag Paswan) ਨੇ ਰਾਮ ਵਿਲਾਸ ਪਾਸਵਾਨ (Ram Vilas Paswan) ਨੂੰ ਅਲਾਟ ਕੀਤਾ ਬੰਗਲਾ ਖਾਲੀ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਅਧਿਕਾਰਤ ਸੂਤਰਾਂ ਨੇ ਦੱਸਿਆ ਕਿ ਕੇਂਦਰੀ ਆਵਾਸ ਅਤੇ ਸ਼ਹਿਰੀ ਮਾਮਲਿਆਂ ਦੇ ਮੰਤਰਾਲੇ ਦੇ ਅਧੀਨ ਡਾਇਰੈਕਟੋਰੇਟ ਆਫ ਅਸਟੇਟ ਦੀ ਟੀਮ ਦੇ ਉੱਥੇ ਪਹੁੰਚਣ ਤੋਂ ਤੁਰੰਤ ਬਾਅਦ ਲੁਟੀਅਨਜ਼ ਦਿੱਲੀ ਦੇ ਜਨਪਥ ਸਥਿਤ ਬੰਗਲੇ ਤੋਂ ਫਰਨੀਚਰ ਅਤੇ ਘਰੇਲੂ ਸਮਾਨ ਨੂੰ ਲਿਜਾਣ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ।

ਲੋਕ ਜਨਸ਼ਕਤੀ ਪਾਰਟੀ (Lok Janshakti Party) ਦੇ ਅਧਿਕਾਰਤ ਪਤੇ 12 ਜਨਪਥ ਬੰਗਲੇ ਤੋਂ ਸਾਮਾਨ ਲੈ ਕੇ ਦੋ ਟਰੱਕ ਨਿਕਲੇ। ਜਦਕਿ ਤਿੰਨ ਜਣੇ ਬੰਗਲੇ ਦੇ ਸਾਹਮਣੇ ਖੜ੍ਹੇ ਸਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਬੰਗਲਾ ਕੇਂਦਰੀ ਮੰਤਰੀਆਂ ਲਈ ਹੈ। ਸਰਕਾਰੀ ਰਿਹਾਇਸ਼ ਵਿੱਚ ਰਹਿਣ ਵਾਲਿਆਂ ਨੂੰ ਇਸ ਨੂੰ ਖਾਲੀ ਕਰਨ ਲਈ ਕਿਹਾ ਗਿਆ ਹੈ।

ਸਾਬਕਾ ਕੇਂਦਰੀ ਮੰਤਰੀ ਰਾਮ ਵਿਲਾਸ ਪਾਸਵਾਨ ਦੀ ਮੌਤ ਤੋਂ ਬਾਅਦ ਚਿਰਾਗ ਪਾਸਵਾਨ ਅਤੇ ਉਨ੍ਹਾਂ ਦੇ ਚਾਚਾ ਪਸ਼ੂਪਤੀ ਕੁਮਾਰ ਪਾਰਸ ਵਿਚਾਲੇ ਮਤਭੇਦਾਂ ਕਾਰਨ ਲੋਜਪਾ ਦੋਫਾੜ ਹੋ ਗਈ ਸੀ। ਦੋਵੇਂ ਹੀ ਲੋਜਪਾ ਦੀ ਅਗਵਾਈ ਲਈ ਅੜੇ ਹਨ। ਇਸ ਬੰਗਲੇ ਦਾ ਇਸਤੇਮਾਲ ਪਾਰਟੀ ਦੀਆਂ ਜਥੇਬੰਦਕ ਮੀਟਿੰਗਾਂ ਅਤੇ ਹੋਰ ਸਬੰਧਤ ਸਮਾਗਮਾਂ ਲਈ ਬਾਕਾਇਦਾ ਕੀਤੀ ਜਾਂਦੀ ਸੀ। ਦੇਸ਼ ਦੇ ਪ੍ਰਮੁੱਖ ਦਲਿਤ ਨੇਤਾਵਾਂ ਵਿੱਚੋਂ ਇੱਕ ਰਾਮ ਵਿਲਾਸ ਪਾਸਵਾਨ ਦੀ ਅਕਤੂਬਰ 2020 ਵਿੱਚ 74 ਸਾਲ ਦੀ ਉਮਰ ਵਿੱਚ ਮੌਤ ਹੋ ਗਈ ਸੀ। ਉਹ 1989 ਤੋਂ ਕਈ ਕੇਂਦਰੀ ਸਰਕਾਰਾਂ ਵਿੱਚ ਮੰਤਰੀ ਰਹੇ ਹਨ।

ਇਹ ਵੀ ਪੜੋ:ਪੱਤਰਕਾਰਾਂ ਦੇ ਸਵਾਲ 'ਤੇ ਭੜਕੇ ਰਾਮਦੇਵ, ਕਿਹਾ- ‘ਕਰਲੇ ਕੈ ਕਰੇਂਗਾ, ਚੁੱਪ ਕਰ ਜਾ, ਜੇ ਹੋਰ ਪੁਛੇਗਾ ਤਾਂ ਨਹੀਂ ਹੋਵੇਗਾ ਠੀਕ’