ਨਵੀਂ ਦਿੱਲੀ: ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (ਸੀਬੀਐਸਈ) ਨੇ ਦਸਵੀਂ ਜਮਾਤ ਦੇ ਕੰਪਾਰਟਮੈਂਟ ਪੇਪਰ (Compartment paper) ਅਤੇ ਪ੍ਰਾਈਵੇਟ ਵਿਦਿਆਰਥੀਆਂ (Private students) ਦੀਆਂ ਪ੍ਰੀਖਿਆਵਾਂ (Exams) ਦੇ ਨਤੀਜੇ (results) ਐਲਾਨ ਦਿੱਤੇ ਹਨ। ਵਿਦਿਆਰਥੀ ਸੀਬੀਐਸਈ (CBSE ) ਦੀ ਅਧਿਕਾਰਤ ਵੈਬਸਾਈਟ www.cbse.nic.in ‘ਤੇ ਜਾ ਕੇ ਨਤੀਜਾ ਦੇਖ ਸਕਦੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਇਹ ਪ੍ਰੀਖਿਆ 25 ਅਗਸਤ ਤੋਂ 8 ਸਤੰਬਰ ਤੱਕ offline ਹੋਈ ਸੀ। ਪ੍ਰੀਖਿਆ ਲਈ ਦੇਸ਼-ਵਿਦੇਸ਼ ਵਿੱਚ 1428 ਪ੍ਰੀਖਿਆ ਕੇਂਦਰ (Examination Center) ਸਥਾਪਤ ਕੀਤੇ ਗਏ ਸਨ। ਦਸਵੀਂ ਦੀ ਕੰਪਾਰਟਮੈਂਟ ਪ੍ਰੀਖਿਆ ਵਿੱਚ 1,05,298 ਵਿਦਿਆਰਥੀ ਰਜਿਸਟਰ ਹੋਏ ਸਨ।
ਜਿਨ੍ਹਾਂ ਵਿੱਚ 68 ਹਜ਼ਾਰ 311 ਰੈਗੂਲਰ ਵਿਦਿਆਰਥੀ ਰਜਿਸਟਰਡ ਸਨ। ਇਸ ਵਿੱਚ 60 ਹਜ਼ਾਰ 522 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ ਸੀ। ਇਸ ਦੇ ਨਾਲ ਹੀ 36 ਹਜ਼ਾਰ 457 ਵਿਦਿਆਰਥੀ ਪ੍ਰਾਈਵੇਟ ਤੋਂ ਰਜਿਸਟਰਡ ਹੋਏ, ਜਿਨ੍ਹਾਂ ਵਿੱਚੋਂ 28 ਹਜ਼ਾਰ 847 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ।