ਮੁੰਬਈ: ਸੁਸ਼ਾਂਤ ਸਿੰਘ ਰਾਜਪੂਤ (Sushant Singh Rajput) ਦੀ ਮੌਤ ਦੇ ਮਾਮਲੇ ਵਿੱਚ ਸੀਬੀਆਈ (CBI) ਦਿਸ਼ਾ ਸਾਲੀਅਨ ਦੀ ਮੌਤ ਦੀ ਜਾਂਚ ਕਰ ਰਹੀ ਸੀ। ਜਾਂਚ ਏਜੰਸੀ ਨੇ ਹੁਣ ਦਿਸ਼ਾ ਸਾਲਿਆਨ ਦੀ ਮੌਤ ਨੂੰ ਇੱਕ ਦੁਰਘਟਨਾ ਦੱਸਦੇ ਹੋਏ ਜਾਂਚ ਖਤਮ ਕਰ ਦਿੱਤੀ ਹੈ। ਦਿਸ਼ਾ ਸਾਲੀਅਨ, 28, ਇੱਕ ਮਸ਼ਹੂਰ ਮੈਨੇਜਰ ਸੀ, ਜਿਸ ਨੇ ਕੁਝ ਸਮਾਂ ਸੁਸ਼ਾਂਤ ਸਿੰਘ ਰਾਜਪੂਤ ਨਾਲ ਕੰਮ ਕੀਤਾ ਸੀ। ਉਹ ਕਥਿਤ ਤੌਰ 'ਤੇ 8 ਜਾਂ 9 ਜੂਨ 2020 ਦੀ ਅੱਧੀ ਰਾਤ ਨੂੰ ਮੁੰਬਈ ਦੇ ਮਲਾਡ ਵਿੱਚ ਗਲੈਕਸੀ ਰੀਜੈਂਟ ਬਿਲਡਿੰਗ ਦੀ 14ਵੀਂ ਮੰਜ਼ਿਲ ਤੋਂ ਡਿੱਗ ਗਈ ਸੀ।
ਮੀਡੀਆ ਰਿਪੋਰਟਾਂ ਮੁਤਾਬਿਕ ਸੀਬੀਆਈ ਦੀ ਜਾਂਚ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਦਿਸ਼ਾ ਦੀ ਮੌਤ ਇੱਕ ਦੁਰਘਟਨਾ ਸੀ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਦਿਸ਼ਾ ਨੇ ਸ਼ਰਾਬ ਪੀਤੀ ਹੋਈ ਸੀ ਅਤੇ ਸੰਤੁਲਨ ਗੁਆਉਣ ਕਾਰਨ ਉਹ ਡਿੱਗ ਗਈ। ਸੀਬੀਆਈ ਅਧਿਕਾਰੀ ਦੇ ਹਵਾਲੇ ਨਾਲ ਕਿਹਾ ਗਿਆ, 'ਜਾਂਚ ਦੌਰਾਨ ਪਤਾ ਲੱਗਾ ਹੈ ਕਿ ਦਿਸ਼ਾ ਨੇ ਆਪਣੇ ਜਨਮ ਦਿਨ 'ਤੇ ਘਰ 'ਚ ਇਕ ਛੋਟਾ ਜਿਹਾ ਸਮਾਗਮ ਰੱਖਿਆ ਸੀ। ਦਿਸ਼ਾ ਨੇ ਪਾਰਟੀ 'ਚ ਡ੍ਰਿੰਕ ਕੀਤੀ ਸੀ ਅਤੇ ਇਸ ਕਾਰਨ ਉਸ ਦਾ ਸੰਤੁਲਨ ਵਿਗੜ ਗਿਆ ਅਤੇ ਉਹ ਫਲੈਟ ਤੋਂ ਡਿੱਗ ਗਈ।