ਜੈਸਲਮੇਰ: ਬਾਰਡਰ ਜ਼ਿਲ੍ਹੇ ਜੈਸਲਮੇਰ ਦੇ ਪੋਖਰਣ ਫੀਲਡ ਫਾਈਰਿੰਗ ਰੇਂਜ ਵਿੱਚ ਅਭਿਆਸ ਦੌਰਾਨ 105 ਐਮਐਮ ਗੰਨ ਦਾ ਗੋਲਾ ਟਾਰਗੇਟ ਤੋਂ ਪਹਿਲਾਂ ਹੀ ਫਟ ਗਿਆ, ਜਿਸ ਵਿੱਚ ਬੀਐਸਐਫ ਦਾ ਇੱਕ ਜਵਾਨ ਸ਼ਹੀਦ ਹੋ ਗਿਆ ਹੈ, ਉੱਥੇ 3 ਹੋਰ ਫੱਟੜ ਹੋ ਗਏ।
ਮਿਲੀ ਜਾਣਕਾਰੀ ਮੁਤਾਬਕ ਗੁਜਰਾਤ ਦੇ ਭੁਜ ਤੋਂ ਬੀਐਸਐਫ਼ ਦੀ 1077ਵੀਂ ਬਟਾਲੀਅਨ ਪੋਖਰਣ ਫੀਲਡ ਫਾਈਰਿੰਗ ਰੇਂਜ ਵਿੱਚ ਅਭਿਆਸ ਦੇ ਲਈ ਹੋਈ ਹੈ। ਬੀਤੀ ਦੇਰ ਰਾਤ ਤੋਪਖਾਨਾ ਅਭਿਆਸ ਦੌਰਾਨ 105 ਮਿਲੀਮੀਟਰ ਬੰਦੂਕ ਨਾਲ ਇਹ ਹਾਦਸਾ ਵਾਪਰਿਆ। ਇਸ ਵਿੱਚ ਬੀਐਸਐਫ ਦੇ ਇੱਕ ਜਵਾਨ 32 ਸਾਲਾ ਸਤੀਸ਼ ਕੁਮਾਰ ਪੁੱਤਰ ਛਤਰਪਾਲ ਸਿੰਘ ਨਿਵਾਸੀ ਆਗਰਾ, ਉੱਤਰ ਪ੍ਰਦੇਸ਼ ਦੀ ਮੌਤ ਹੋ ਗਈ। ਜਦਕਿ ਦੋ ਜਵਾਨ ਜ਼ਖਮੀ ਦੱਸੇ ਜਾ ਰਹੇ ਹਨ। ਉਹ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ ਸੀ ਅਤੇ ਮੁੱਢਲੀ ਸਹਾਇਤਾ ਤੋਂ ਬਾਅਦ ਜੋਧਪੁਰ ਰੈਫਰ ਕਰ ਦਿੱਤਾ ਗਿਆ ਹੈ।
ਪੋਖਰਣ ਫੀਲਡ ਫਾਈਰਿੰਗ ਰੇਂਜ 'ਚ ਟਾਰਗੇਟ ਤੋਂ ਪਹਿਲਾਂ ਫ਼ਟਿਆ ਗੋਲਾ, ਬੀਐਸਐਫ਼ ਜਵਾਨ ਸ਼ਹੀਦ