ਸ਼੍ਰੀ ਗੰਗਾਨਗਰ: ਭਾਰਤ-ਪਾਕਿਸਤਾਨ ਸਰਹੱਦ 'ਤੇ ਪਾਕਿਸਤਾਨ ਵੱਲੋਂ ਨਸ਼ਿਆਂ ਦੀ ਤਸਕਰੀ ਕਰਨ ਦੀ ਕੋਸ਼ਿਸ਼ ਦੇ ਤਹਿਤ ਡਰੋਨ ਦੀ ਮੂਵਮੈਂਟ ਦੇਖੀ ਗਈ। ਪਹਿਲਾਂ ਵੀ ਸਰਹੱਦ ਪਾਰ ਤੋਂ ਅਜਿਹੀਆਂ ਗਤੀਵਿਧੀਆਂ ਨੂੰ ਅੰਜਾਮ ਦਿੱਤਾ ਜਾਦਾ ਰਿਹਾ ਹੈ। ਇਹ ਮਾਮਲਾ 7 ਅਤੇ 8 ਫਰਵਰੀ ਦੀ ਦਰਮਿਆਨੀ ਰਾਤ ਦਾ ਹੈ। ਡਰੋਨ ਨੂੰ ਸ਼੍ਰੀਕਰਨਪੁਰ ਇਲਾਕੇ ਦੇ ਪਿੰਡ 24 ਓ BOP ਪਿੱਲਰ ਨੰਬਰ 322 'ਤੇ ਦੇਖਿਆ ਗਿਆ। ਜਿਸ 'ਤੇ ਚੌਕਸ ਜਵਾਨਾਂ ਨੇ ਤੁਰੰਤ ਕਾਰਵਾਈ ਕੀਤੀ ਅਤੇ ਡਰੋਨ 'ਤੇ ਫਾਇਰਿੰਗ ਕਰ ਦਿੱਤੀ।
ਦੱਸਿਆ ਜਾ ਰਿਹਾ ਹੈ ਕਿ ਬੀਐਸਐਫ ਵੱਲੋਂ ਕੀਤੀ ਗਈ ਗੋਲੀਬਾਰੀ ਤੋਂ ਬਾਅਦ ਡਰੋਨ ਵਾਪਸ ਪਾਕਿਸਤਾਨ ਵੱਲ ਮੁੜ ਗਿਆ। ਜਿਸ ਤੋਂ ਬਾਅਦ ਬੀਐਸਐਫ ਨੇ ਇਲਾਕੇ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ। ਪਿਛਲੇ ਹਫਤੇ ਵੀ ਸ਼੍ਰੀਕਰਨਪੁਰ ਇਲਾਕੇ 'ਚ ਇਕ ਡਰੋਨ ਦੇਖਿਆ ਗਿਆ ਸੀ, ਜਿਸ 'ਤੇ ਬੀ.ਐੱਸ.ਐੱਫ. ਨੇ ਗੋਲੀਬਾਰੀ ਕੀਤੀ ਸੀ ਅਤੇ ਉਸ ਤੋਂ ਬਾਅਦ ਤਲਾਸ਼ੀ ਮੁਹਿੰਮ 'ਚ ਇਕ ਸ਼ੱਕੀ ਵਿਅਕਤੀ ਨੂੰ ਕਾਬੂ ਕੀਤਾ ਗਿਆ ਸੀ। ਇਸ ਦੌਰਾਨ ਖੇਤ ਵਿੱਚ ਪਏ ਹੈਰੋਇਨ ਦੇ ਦੋ ਪੈਕੇਟ ਵੀ ਬਰਾਮਦ ਹੋਏ ਸੀ।
ਜਿਆਦਾਤਰ ਪੰਜਾਬ ਤੋਂ ਆਉਂਦੇ ਹਨ ਤਸਕਰ: ਪਾਕਿਸਤਾਨੀ ਤਸਕਰ ਅਕਸਰ ਹੀ ਡਰੋਨ ਰਾਹੀਂ ਹੈਰੋਇਨ ਦੀ ਖੇਪ ਭਾਰਤੀ ਸਰਹੱਦ ਵਿੱਚ ਸੁੱਟ ਦਿੰਦੇ ਹਨ। ਜਿਸ ਦੀ ਡਲਿਵਰੀ ਜ਼ਿਆਦਾਤਰ ਪੰਜਾਬ ਦੇ ਸਮੱਗਲਰ ਲੈਣ ਆਉਂਦੇ ਹਨ। ਕਿਸੇ ਖਾਸ ਥਾਂ 'ਤੇ ਸੁੱਟੀ ਹੈਰੋਇਨ ਦੀ ਖੇਪ ਨੂੰ ਤਸਕਰ ਚੁੱਕਣ ਦੀ ਕੋਸ਼ਿਸ਼ ਕਰਦੇ ਹਨ। ਕਈ ਵਾਰ ਬੀਐਸਐਫ ਜਵਾਨਾਂ ਦੀ ਮੁਸਤੈਦੀ ਕਾਰਨ ਇਹ ਤਸਕਰ ਫੜੇ ਵੀ ਜਾਂਦੇ ਹਨ। ਹਾਲ ਹੀ ਵਿੱਚ ਭਾਰਤੀ ਤਸਕਰਾਂ ਅਤੇ ਬੀਐਸਐਫ ਦਰਮਿਆਨ ਗੋਲੀਬਾਰੀ ਦੀ ਘਟਨਾ ਵੀ ਸਾਹਮਣੇ ਆਈ ਸੀ।
BSF ਚਲਾਉਦਾ ਹੈ ਸਪੈਸ਼ਲ ਸਰਚ ਆਪ੍ਰੇਸ਼ਨ:ਸਾਲਾਂ ਤੋਂ ਪਾਕਿਸਤਾਨ ਵੱਲੋਂ ਨਾਪਾਕ ਕੋਸ਼ਿਸ਼ਾਂ ਕੀਤੀਆਂ ਜਾਦੀਆਂ ਰਹੀਆਂ ਹਨ। ਇਸ ਦੇ ਮੱਦੇਨਜ਼ਰ ਬੀਐਸਐਫ ਸਰਹੱਦੀ ਇਲਾਕਿਆਂ ਵਿੱਚ ਡਰੋਨ ਵਿਰੋਧੀ ਅਭਿਆਸ ਅਤੇ ਸਰਚ ਆਪਰੇਸ਼ਨ ਵੀ ਕਰਦੀ ਹੈ। ਜਿਸ ਤਹਿਤ ਪੂਰੇ ਇਲਾਕੇ ਦਾ ਇੱਕ ਤਰ੍ਹਾਂ ਨਾਲ ਪੁਨਰ ਨਿਰਮਾਣ ਕੀਤਾ ਜਾਦਾ ਹੈ। ਇਲਾਕੇ ਦੇ ਸਰਪੰਚ ਅਤੇ ਅਹੁਦੇਦਾਰ ਨੂੰ ਵੀ ਇਸ ਮੁਹਿੰਮਾਂ ਵਿੱਚ ਸ਼ਾਮਿਲ ਕੀਤਾ ਜਾਦਾ ਹੈ।
ਇਹ ਵੀ ਪੜ੍ਹੋ:-190 Hindus were stopped at Wagah border: ਪਾਕਿਸਤਾਨ ਸਰਕਾਰ ਨੇ ਭਾਰਤ ਆ ਰਹੇ 190 ਹਿੰਦੂਆਂ ਨੂੰ ਵਾਹਗਾ ਬਾਰਡਰ ‘ਤੇ ਰੋਕਿਆ
