ਪੱਛਮੀ ਚੰਪਾਰਨ: ਬਿਹਾਰ ਦੇ ਪੱਛਮੀ ਚੰਪਾਰਨ ’ਚ ਗੰਡਕ ਨਦੀ ਪਾਰ ਕਰਕੇ ਖੇਤੀ ਲਈ ਜਾ ਰਹੇ ਕਿਸਾਨਾਂ ਨਾਲ ਭਰੀ ਕਿਸ਼ਤੀ ਪਲਟ ਗਈ (Boat Capsized In West Champaran)। ਹਾਦਸੇ 'ਚ 24 ਲੋਕਾਂ ਦੇ ਡੁੱਬਣ ਦਾ ਖਦਸ਼ਾ ਜਤਾਇਆ ਜਾ ਰਿਹਾ ਹੈ। ਮੌਕੇ ਤੋਂ ਤਿੰਨ ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਿਸ਼ਤੀ ਚਾਲਕਾਂ ਸਮੇਤ 24 ਮਜ਼ਦੂਰ ਕਿਸ਼ਤੀ ’ਤੇ ਟਰੈਕਟਰ ਲੱਦ ਕੇ ਗੰਨਾ ਛਿਲਣ ਜਾ ਰਹੇ ਸੀ। ਅਚਾਨਕ ਸੰਤੁਲਨ ਵਿਗੜ ਗਿਆ ਅਤੇ ਕਿਸ਼ਤੀ ਗੰਡਕ ਨਦੀ ਵਿੱਚ ਡੁੱਬ ਗਈ। NDRF ਦੀ ਟੀਮ ਨੇ ਮੌਕੇ 'ਤੇ ਪਹੁੰਚ ਕੇ ਲਾਪਤਾ ਲੋਕਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਇਹ ਹਾਦਸਾ ਬੇਟੀਆ-ਗੋਪਾਲਗੰਜ ਸਰਹੱਦ 'ਤੇ ਸਥਿਤ ਭਗਵਾਨਪੁਰ ਪਿੰਡ ਨੇੜੇ ਵਾਪਰਿਆ। ਫਿਲਹਾਲ ਸਥਾਨਕ ਗੋਤਾਖੋਰਾਂ ਦੀ ਮਦਦ ਨਾਲ ਲਾਪਤਾ ਲੋਕਾਂ ਦੀ ਭਾਲ ਜਾਰੀ ਹੈ। ਇਸ ਦੇ ਨਾਲ ਹੀ ਐਸਡੀਓ ਅਤੇ ਐਸਡੀਪੀਓ ਵੀ ਮੌਕੇ ‘ਤੇ ਪਹੁੰਚ ਗਏ ਹਨ।