Sony ਪਿਕਚਰਜ਼ ਨਾਲ Zee ਐਂਟਰਟੇਨਮੈਂਟ ਦਾ ਹੋਵੇਗਾ ਰਲੇਵਾਂ

Zee ਐਂਟਰਟੇਨਮੈਂਟ 'ਤੇ ਸੀਰੀਅਲ ਦੇ ਦਰਸ਼ਕਾਂ ਨੂੰ ਦੱਸ ਦੇਈਏ ਕਿ ਬਹੁਤ ਜਲਦ ਉਨ੍ਹਾਂ ਦੇ ਪ੍ਰੋਗਰਾਮਾਂ ਦਾ ਪਤਾ ਠਿਕਾਣਾ ਬਦਲ ਜਾਵੇਗਾ। Zee Entertainment Enterprises Limited ਦਾ ਰਲੇਵਾਂ ਹੁਣ Sony Pictures Networks India ਨਾਲ ਹੋ ਜਾਵੇਗਾ। Zee ਐਂਟਰਟੇਨਮੈਂਟ ਦੇ ਬੋਰਡ ਵੱਲੋਂ ਰਲੇਵੇਂ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

ਹੈਦਰਾਬਾਦ: Zee Entertainment Enterprises Limited (ZEEL) ਨੇ Sony Pictures Networks India (SPNI) ਅਤੇ ZEEL ਦੇ ਰਲੇਵੇਂ ਨੂੰ ਸਿਧਾਂਤਕ ਮਨਜ਼ੂਰੀ ਦੇ ਦਿੱਤੀ ਹੈ। ਬੁੱਧਵਾਰ ਨੂੰ ਇਸ ਫੈਸਲੇ ਦੀ ਘੋਸ਼ਣਾ ਕਰਦੇ ਹੋਏ, Zee ਐਂਟਰਟੇਨਮੈਂਟ ਐਂਟਰਪ੍ਰਾਈਜਜ਼ ਲਿਮਿਟਡ ਨੇ ਕਿਹਾ ਕਿ ਉਸਦੇ ਨਿਰਦੇਸ਼ਕ ਮੰਡਲ ਨੇ 21 ਸਤੰਬਰ 2021 ਨੂੰ ਹੋਈ ਬੋਰਡ ਮੀਟਿੰਗ ਵਿੱਚ Sony Pictures Networks India (SPNI) ਅਤੇ ZEEL ਵਿਚਕਾਰ ਰਲੇਵੇਂ ਦੇ ਪ੍ਰਸਤਾਵ ਨੂੰ ਸਰਬਸੰਮਤੀ ਨਾਲ ਮਨਜ਼ੂਰੀ ਦਿੱਤੀ ਹੈ।

ਰਲੇਵੇਂ ਤੋਂ ਬਾਅਦ, ਜ਼ੀ ਐਂਟਰਟੇਨਮੈਂਟ ਕੋਲ 47.07 ਪ੍ਰਤੀਸ਼ਤ ਅਤੇ ਸੋਨੀ ਪਿਕਚਰਜ਼ ਦੇ ਕੋਲ 52.93 ਪ੍ਰਤੀਸ਼ਤ ਕੰਪਨੀ ਦੀ ਹਿੱਸੇਦਾਰੀ ਹੋਵੇਗੀ। ਸਮਝੌਤੇ ਤਹਿਤ, ਦੋਵੇਂ ਕੰਪਨੀਆਂ ਦੇ ਟੀਵੀ ਕਾਰੋਬਾਰ, ਡਿਜੀਟਲ ਸੰਪਤੀਆਂ, ਉਤਪਾਦਨ ਸੰਚਾਲਨ ਅਤੇ ਪ੍ਰੋਗਰਾਮ ਲਾਇਬ੍ਰੇਰੀ ਨੂੰ ਵੀ ਮਿਲਾ ਦਿੱਤਾ ਜਾਵੇਗਾ। ਰਲੇਵੇਂ ਤੋਂ ਬਾਅਦ, ਸੋਨੀ ਪਿਕਚਰਜ਼ ਐਂਟਰਟੇਨਮੈਂਟ ਕੰਪਨੀ ਵਿੱਚ 1.575 ਅਰਬ ਡਾਲਰ ਬਿਲੀਅਨ ਯਾਨੀ ਕਰੀਬ 11,605.94 ਕਰੋੜ ਰੁਪਏ ਦਾ ਨਿਵੇਸ਼ ਕਰੇਗੀ।

ਅਸਤੀਫਾ ਦੇਣ ਦੇ ਦਬਾਅ ਦਾ ਸਾਹਮਣਾ ਕਰ ਰਹੇ ਪੁਨੀਤ ਗੋਇਨਕਾ ਲਈ ਰਾਹਤ ਦੀ ਖਬਰ ਇਹ ਹੈ ਕਿ ਉਹ ਰਲੇਵੇਂ ਵਾਲੀ ਕੰਪਨੀ ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਸੀਈਓ ਬਣੇ ਰਹਿਣਗੇ। ਰਿਪੋਰਟਾਂ ਦੇ ਅਨੁਸਾਰ, ਪੁਨੀਤ ਗੋਇਨਕਾ 'ਤੇ ਕੰਪਨੀ ਦੇ ਦੋ ਸ਼ੇਅਰਧਾਰਕਾਂ, ਇਨਵੇਸਕੋ ਅਤੇ OAFI ਗਲੋਬਲ ਚਾਈਨਾ ਫੰਡ LLC ਦੁਆਰਾ ਅਹੁਦਾ ਛੱਡਣ ਲਈ ਦਬਾਅ ਪਾਇਆ ਜਾ ਰਿਹਾ ਸੀ। ਜ਼ੀ ਐਂਟਰਟੇਨਮੈਂਟ ਦੇ ਬੋਰਡ ਨੇ ਕਿਹਾ ਹੈ ਕਿ ਰਲੇਵੇਂ ਨਾਲ ਸ਼ੇਅਰਧਾਰਕਾਂ ਅਤੇ ਹਿੱਸੇਦਾਰਾਂ ਦੇ ਹਿੱਤਾਂ ਨੂੰ ਕੋਈ ਨੁਕਸਾਨ ਨਹੀਂ ਹੋਵੇਗਾ। ਸੌਦੇ ਦੇ ਅਨੁਸਾਰ, ਸੰਯੁਕਤ ਕੰਪਨੀ ਵਿੱਚ SPNI ਸ਼ੇਅਰਧਾਰਕਾਂ ਦੀ ਹਿੱਸੇਦਾਰੀ ਵੱਧ ਹੋਵੇਗੀ।

ਇਹ ਵੀ ਪੜ੍ਹੋ:#Newyearresolution ਪਹਿਲੀ ਤਨਖ਼ਾਹ ਵਿੱਚ ਹੀ ਕਰੋ, ਕਰੋੜਪਤੀ ਬਣਨ ਦਾ ਪ੍ਰਬੰਧ...