ਨਵੀਂ ਦਿੱਲੀ: ਕਾਂਗਰਸ ਪਾਰਟੀ 'ਤੇ ਹਮਲੇ ਦਾ ਨਵਾਂ ਦੌਰ ਸ਼ੁਰੂ ਕਰਦੇ ਹੋਏ, ਭਾਰਤੀ ਜਨਤਾ ਪਾਰਟੀ ਨੇ ਐਤਵਾਰ ਨੂੰ 'ਕਾਂਗਰਸ ਫਾਈਲਾਂ' (ਭਾਜਪਾ ਨੇ ਕਾਂਗਰਸ ਫਾਈਲਾਂ ਦਾ ਪਹਿਲਾ ਐਪੀਸੋਡ ਜਾਰੀ ਕੀਤਾ) ਨਾਮਕ ਵੀਡੀਓ ਮੁਹਿੰਮ ਸ਼ੁਰੂ ਕੀਤੀ। ਭਾਜਪਾ ਦੇ ਅਧਿਕਾਰਤ ਟਵਿੱਟਰ ਹੈਂਡਲ ਤੋਂ ਟਵੀਟ ਕੀਤਾ ਗਿਆ, 'ਕਾਂਗਰਸ ਫਾਈਲਾਂ ਦਾ ਪਹਿਲਾ ਐਪੀਸੋਡ ਦੇਖੋ, ਕਿਵੇਂ ਕਾਂਗਰਸ ਦੇ ਸ਼ਾਸਨ 'ਚ ਇਕ ਤੋਂ ਬਾਅਦ ਇਕ ਭ੍ਰਿਸ਼ਟਾਚਾਰ ਅਤੇ ਘੁਟਾਲੇ ਹੋਏ।'
ਵੀਡੀਓ ਸੰਦੇਸ਼: 'ਕਾਂਗਰਸ ਮਤਲਬ ਭ੍ਰਿਸ਼ਟਾਚਾਰ' ਸਿਰਲੇਖ ਵਾਲੇ ਇੱਕ ਵੀਡੀਓ ਸੰਦੇਸ਼ ਵਿੱਚ, ਭਾਜਪਾ ਨੇ ਕਿਹਾ, "ਕਾਂਗਰਸ ਨੇ ਆਪਣੇ 70 ਸਾਲਾਂ ਦੇ ਸ਼ਾਸਨ ਵਿੱਚ ਜਨਤਾ ਤੋਂ 48,20,69,00,00,000 ਰੁਪਏ ਲੁੱਟੇ ਹਨ।" ਇਹ ਪੈਸਾ ਸੁਰੱਖਿਆ ਅਤੇ ਵਿਕਾਸ ਖੇਤਰਾਂ ਲਈ ਵਰਤਿਆ ਜਾ ਸਕਦਾ ਸੀ।
ਭ੍ਰਿਸ਼ਟਾਚਾਰ ਦਾ ਪਰਦਾਫਾਸ਼: ਵੀਡੀਓ ਸੰਦੇਸ਼ 'ਚ ਕਿਹਾ ਗਿਆ ਹੈ, 'ਇਸ ਰਕਮ ਨਾਲ 24 ਆਈਐੱਨਐੱਸ ਵਿਕਰਾਂਤ, 300 ਰਾਫੇਲ ਜੈੱਟ ਬਣਾਏ ਜਾ ਸਕਦੇ ਸਨ ਜਾਂ ਖਰੀਦੇ ਜਾ ਸਕਦੇ ਸਨ, 1000 ਮੰਗਲ ਮਿਸ਼ਨ ਕੀਤੇ ਜਾ ਸਕਦੇ ਸਨ ਪਰ ਦੇਸ਼ ਨੂੰ ਕਾਂਗਰਸ ਦੇ ਭ੍ਰਿਸ਼ਟਾਚਾਰ ਦੀ ਕੀਮਤ ਚੁਕਾਉਣੀ ਪਈ ਅਤੇ ਇਹ ਤਰੱਕੀ ਦੀ ਦੌੜ 'ਚ ਪਛੜ ਗਿਆ।'' ਭਾਜਪਾ ਨੇ 2004 ਤੋਂ 2014 ਤੱਕ ਦੇ ਕਾਂਗਰਸ ਦੇ ਕਾਰਜਕਾਲ ਨੂੰ 'ਗੁੰਮਿਆ ਹੋਇਆ ਦਹਾਕਾ' ਕਰਾਰ ਦਿੱਤਾ ਹੈ।
ਭ੍ਰਿਸ਼ਟਾਚਾਰ ਨੂੰ ਅਣਦੇਖਿਆ ਕੀਤਾ: 'ਪੂਰੇ 70 ਸਾਲਾਂ ਨੂੰ ਪਾਸੇ ਰੱਖ ਕੇ ਜੇਕਰ ਅਸੀਂ 2004-14 ਦੇ ਪਿਛਲੇ ਕਾਰਜਕਾਲ 'ਤੇ ਨਜ਼ਰ ਮਾਰੀਏ ਤਾਂ ਇਹ 'ਗੁੰਮਿਆ ਹੋਇਆ ਦਹਾਕਾ' ਸੀ। ਭਾਜਪਾ ਨੇ ਦੋਸ਼ ਲਾਇਆ ਕਿ 'ਇਸ ਸਮੇਂ ਦੌਰਾਨ ਮਨਮੋਹਨ ਸਿੰਘ ਦੀ ਅਗਵਾਈ ਵਾਲੀ ਸਰਕਾਰ ਸੀ, ਜਿਸ ਨੇ ਆਪਣੇ ਸ਼ਾਸਨ ਦੌਰਾਨ ਹੋ ਰਹੇ ਸਾਰੇ ਭ੍ਰਿਸ਼ਟਾਚਾਰ ਨੂੰ ਵੇਖ ਕਟ ਅੱਖਾਂ ਬਮਦ ਕਰ ਲਈਆਂ ਸਨ। ਉਨ੍ਹਾਂ ਦਿਨਾਂ 'ਚ ਅਖ਼ਬਾਰ ਭ੍ਰਿਸ਼ਟਾਚਾਰ ਦੀਆਂ ਖ਼ਬਰਾਂ ਨਾਲ ਭਰੇ ਰਹਿੰਦੇ ਸਨ, ਜਿਨ੍ਹਾਂ ਨੂੰ ਦੇਖ ਕੇ ਹਰ ਭਾਰਤੀ ਦਾ ਸਿਰ ਸ਼ਰਮ ਨਾਲ ਝੁਕ ਜਾਂਦਾ ਸੀ।
ਘੁਟਾਲਿਆਂ ਦਾ ਜ਼ਿਕਰ: ਵੀਡੀਓ ਵਿੱਚ ਕਿਹਾ ਗਿਆ ਹੈ ਕਿ '1.86 ਲੱਖ ਕਰੋੜ ਰੁਪਏ ਦਾ ਕੋਲਾ ਘੁਟਾਲਾ, 1.76 ਲੱਖ ਕਰੋੜ ਰੁਪਏ ਦਾ 2ਜੀ ਸਪੈਕਟਰਮ ਘੁਟਾਲਾ, 10 ਲੱਖ ਕਰੋੜ ਰੁਪਏ ਦਾ ਮਨਰੇਗਾ ਘੁਟਾਲਾ, 70,000 ਕਰੋੜ ਰੁਪਏ ਦਾ ਰਾਸ਼ਟਰਮੰਡਲ ਘੁਟਾਲਾ, ਇਟਲੀ ਨਾਲ ਹੈਲੀਕਾਪਟਰ ਸੌਦੇ ਵਿੱਚ 362 ਕਰੋੜ ਰੁਪਏ ਦੀ ਰਿਸ਼ਵਤ' 12 ਕਰੋੜ ਰੁਪਏਦੀ ਰਿਸ਼ਵਤ । ਰੇਲਵੇ ਬੋਰਡ ਦੇ ਚੇਅਰਮੈਨ ਲਈ ਕਰੋੜਾਂ ਦੀ ਰਿਸ਼ਵਤ ਦੇ ਮਾਮਲੇ ਸਾਹਮਣੇ ਆਏ ਹਨ।
ਭ੍ਰਿਸ਼ਟਾਚਾਰ ਦੀ ਫਿਲਮ ਬਾਕੀ: ਵੀਡੀਓ ਸੰਦੇਸ਼ ਦੇ ਅੰਤ 'ਚ ਭਾਜਪਾ ਨੇ ਕਿਹਾ, 'ਇਹ ਸਿਰਫ ਕਾਂਗਰਸ ਦੀ ਭ੍ਰਿਸ਼ਟਾਚਾਰ ਦੀ ਝਾਕੀ ਹੈ, ਫਿਲਮ ਅਜੇ ਖਤਮ ਨਹੀਂ ਹੋਈ'। ਇਸ ਤੋਂ ਪਹਿਲਾਂ ਕਾਂਗਰਸ ਨੇ ਵੀ ਅਡਾਨੀ ਮੁੱਦੇ 'ਤੇ ਭਾਜਪਾ 'ਤੇ ਹਮਲਾ ਬੋਲਿਆ ਸੀ ਅਤੇ 'ਹਮ ਅਡਾਨੀ ਕੇ ਹੈ ਕੌਨ' ਮੁਹਿੰਮ ਦੇ ਤਹਿਤ ਕਈ ਸਵਾਲ ਕੀਤੇ ਸਨ। ਕਾਂਗਰਸ ਪਾਰਟੀ ਨੇ ਦੋਸ਼ ਲਾਇਆ ਸੀ ਕਿ ਭਾਜਪਾ ਨੇ ਵੱਖ-ਵੱਖ ਪ੍ਰਾਜੈਕਟਾਂ ਵਿੱਚ ਅਡਾਨੀ ਗਰੁੱਪ ਨੂੰ ‘ਏਕਾਧਿਕਾਰ’ ਦਿੱਤਾ ਹੈ।
ਇਹ ਵੀ ਪੜ੍ਹੋ:Indian MP to Germany : ਰਾਹੁਲ ਗਾਂਧੀ ਮਾਮਲੇ 'ਤੇ ਟਿੱਪਣੀ ਤੋਂ ਬਾਅਦ ਜਰਮਨੀ ਨੂੰ ਮਿਲਿਆ 'ਜੈਸੇ ਨੂੰ ਤੈਸੇ' ਵਾਲਾ ਜਵਾਬ
