World Tiger Day : ਭਾਰਤ 'ਚ ਵਧੀ ਚੀਤਿਆਂ ਦੀ ਗਿਣਤੀ

ਭਾਰਤ 'ਚ ਚੀਤਿਆਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਹੈ। ਇਨ੍ਹਾਂ ਦੀ ਗਿਣਤੀ ਉਮੀਦ ਨਾਲੋਂ ਵੱਧ ਵੇਖੀ ਗਈ ਹੈ। ਅੱਜ ਵਿਸ਼ਵ ਚੀਤਾ ਦਿਵਸ ਮਨਾਇਆ ਜਾ ਰਿਹਾ ਹੈ। ਇਸ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਚੀਤਿਆਂ ਦੀ ਗਿਣਤੀ ਦਾ ਐਲਾਨ ਕੀਤਾ।

ਨਵੀਂ ਦਿੱਲੀ : ਅੱਜ ਵਿਸ਼ਵ ਚੀਤਾ ਦਿਵਸ ਮਨਾਇਆ ਜਾ ਰਿਹਾ ਹੈ। ਇਸ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦਿੱਲੀ ਵਿੱਚ ਚੀਤਿਆਂ ਦੇ 2018 ਦਾ ਆਂਕੜਿਆਂ ਦਾ ਐਲਾਨ ਕੀਤਾ।

ਪੀਐਮ ਮੋਦੀ ਵੱਲੋਂ ਐਲਾਨ ਕੀਤੇ ਗਏ ਆਂਕੜਿਆਂ ਮੁਤਾਬਕ ਭਾਰਤ ਵਿੱਚ ਚੀਤਿਆਂ ਦੀ ਗਿਣਤੀ ਪਹਿਲਾਂ ਨਾਲੋਂ ਦੁੱਗਣੀ ਹੋ ਗਈ ਹੈ। ਪੀਐਮ ਮੋਦੀ ਨੇ ਦੱਸਿਆ ਕਿ ਦੇਸ਼ ਵਿੱਚ ਚੀਤਿਆਂ ਦੀ ਗਿਣਤੀ 2,967 ਹੈ। ਪੀਐਮ ਮੋਦੀ ਨੇ ਕਿਹਾ ਕਿ ਇਹ ਸਵੈ -ਸੰਕਲਪ ਲਈ ਬੇਹਤਰੀਨ ਉਦਾਹਰਨ ਹੈ।

ਇਸ ਤੋਂ ਇਲਾਵਾ ਮੱਧ ਪ੍ਰਦੇਸ਼ ਵਿੱਚ ਇਸ ਸਾਲ ਚੀਤਿਆਂ ਦੀ ਗਿਣਤੀ ਵਿੱਚ 30 ਤੋਂ 35 ਫੀਸਦੀ ਵਾਧਾ ਹੋਣ ਦਾ ਖ਼ਦਸ਼ਾ ਪ੍ਰਗਟ ਕੀਤਾ ਗਿਆ ਹੈ। ਜੰਗਲਾਤ ਵਿਭਾਗ ਦੇ ਅਧਿਕਾਰੀਆਂ ਮੁਤਾਬਕ ਪਿਛਲੇ ਕੁਝ ਸਾਲਾਂ ਦੌਰਾਨ ਚੀਤਿਆਂ ਲਈ ਸੁਰੱਖਿਆ ਅਤੇ ਬਚਾਅ ਕਾਰਜ ਲਗਾਤਾਰ ਜਾਰੀ ਰਹਿਣ ਨਾਲ ਇਸ ਸਾਲ ਇਹ ਗਿਣਤੀ 400 ਤੱਕ ਪਹੁੰਚ ਸਕਦੀ ਹੈ। ਜ਼ਿਕਰਯੋਗ ਹੈ ਕਿ ਮੱਧ ਪ੍ਰਦੇਸ਼ ਨੂੰ ਪਹਿਲਾਂ " ਟਾਈਗਰ ਸਟੇਟ " ਦੇ ਨਾਂਅ ਨਾਲ ਵੀ ਜਾਣਿਆ ਜਾਂਦਾ ਸੀ। ਚੀਤਿਆਂ ਦੀ ਪਿਛਲੀ ਗਿਣਤੀ ਸਾਲ 2014 ਵਿੱਚ ਕੀਤੀ ਗਈ ਸੀ। ਉਸ ਸਮੇਂ ਆਂਕੜੇ ਬੇਹਦ ਨਿਰਾਸ਼ ਕਰਨ ਵਾਲੇ ਸਨ।

ਜੰਗਲਾਤ ਮੰਤਰੀ ਉਮੰਗ ਸਿੰਘਰ ਮੰਨਦੇ ਹਨ ਕਿ ਚੀਤਿਆਂ ਦੀ ਅਬਾਦੀ ਚੰਗੀ ਤਰ੍ਹਾਂ ਵੱਧ ਰਹੀ ਹੈ। ਹੁਣ ਚਿਤਿਆਂ ਦਾ ਸ਼ਿਕਾਰ ਘੱਟ ਗਿਆ ਹੈ ਅਤੇ ਇਸ ਨਾਲ ਚੀਤਿਆਂ ਦੀ ਗਿਣਤੀ ਵਧਣ ਦੀ ਉਮੀਦ ਹੈ।

ਫੋਟੋ

ਦੱਸਣਯੋਗ ਹੈ ਕਿ ਸਾਲ 2010 ਦੇ ਆਂਕੜਿਆਂ ਮੁਤਾਬਕ ਸੂਬੇ ਵਿੱਚ ਕੁਲ 257 ਚੀਤੇ ਸਨ। ਉਸ ਤੋਂ ਬਾਅਦ ਚੀਤਿਆਂ ਦੀ ਸੁਰੱਖਿਆ ਅਤੇ ਬਚਾਅ ਕਾਰਜ ਉੱਤੇ ਸਰਕਾਰ ਵੱਲੋਂ ਖ਼ਾਸ ਧਿਆਨ ਦਿੱਤਾ ਗਿਆ। ਸਾਲ 2014 ਦੇ ਆਂਕੜਿਆਂ ਮੁਤਾਬਰਕ ਚੀਤਿਆਂ ਦੀ ਗਿਣਤੀ ਵਿੱਚ ਲਗਭਗ 20 ਫੀਸਦੀ ਵਾਧਾ ਹੋਇਆ ਸੀ। ਸਾਲ 2018 ਦੇ ਆਂਕੜਿਆਂ ਮੁਤਾਬਕ ਇਸ ਵਾਰ ਚਿਤਿਆਂ ਦੀ ਗਿਣਤੀ 308 ਤੋਂ ਵੱਧ ਕੇ 2,967 ਤੱਕ ਪੁੱਜ ਗਈ ਹੈ।

ਜੰਗਲੀ ਜੀਵਾਂ ਦੇ ਮਾਹਰਾਂ ਦਾ ਮੰਨਣਾ ਹੈ ਕਿ ਦੇਸ਼ ਵਿੱਚ ਰਾਸ਼ਟਰੀ ਜੰਗਲ ਅਤੇ ਜੀਵਾਂ ਦੀ ਸੁਰੱਖਿਆ ਵਧਾਉਣ ਕਾਰਨ ਹੀ ਇਹ ਸੰਭਵ ਹੋ ਸਕੀਆ ਹੈ। ਇਸ ਦੇ ਨਾਲ ਹੀ ਚੀਤਿਆਂ ਦੀ ਲੁਪਤ ਹੋਈਆਂ ਨਸਲਾਂ ਨੂੰ ਬਚਾਉਣ ਦੀ ਦਿਸ਼ਾ ਵਿੱਚ ਕੰਮ ਜਾਰੀ ਹੈ।