ਮੁੰਬਈ: ਇਹ ਅਹਿਮਦਨਗਰ ਦੇ ਨਿੰਬਾਰੀ ਪਿੰਡ ਦੇ ਵਾਸੀ ਯੁਵਰਾਜ ਜਨਾਰਦਨ ਪਵਾਰ ਹੈ। ਜੇ ਤੁਸੀ ਉਸ ਦੀ ਸਿੱਖਿਆ ਬਾਰੇ ਪੁੱਛੋ ਤਾਂ ਤੁਹਾਨੂੰ ਪਤਾ ਚਲ ਜਾਵੇਗਾ ਕਿ ਉਹ ਇੰਜੀਨੀਅਰਿੰਗ ਦੇ ਤੀਜੇ ਸਾਲ ਵਿੱਚ ਪੜ੍ਹ ਰਿਹਾ ਹੈ। ਹਾਲਾਂਕਿ, ਇਸ ਟ੍ਰਿਕ ਨੂੰ ਸੁਣ ਕੇ ਤੁਸੀ ਹੈਰਾਨ ਹੋ ਜਾਵੋਗੇ।
ਇੱਕ ਪਲਸਰ ਮੋਟਰਸਾਈਕਲ ਦੇ ਇੰਜਨ ਦੀ ਵਰਤੋਂ ਕਰਦਿਆਂ ਯੁਵਰਾਜ ਨੇ ਘਰੇਲੂ ਸਮਾਨਾਂ ਦੀ ਵਰਤੋਂ ਕਰਦਿਆਂ ਇੱਕ ਚਾਰ ਪਹੀਏ ਵਾਲੀ ਗੱਡੀ ਬਣਾ ਦਿੱਤੀ। 10 ਵੀਂ ਜਮਾਤ ਵਿੱਚ ਪੜ੍ਹਣ ਵਾਲੇ ਭਰਾ ਪ੍ਰਤਾਪ ਨੇ ਇਸ ਕੰਮ 'ਚ ਉਨ੍ਹਾਂ ਦੀ ਮਦਦ ਕੀਤੀ। ਉਹ ਲੌਕਡਾਊਣ ਦੌਰਾਨ ਕੁਝ ਦਿਲਚਸਪ ਕਰਨਾ ਚਾਹੁੰਦਾ ਸੀ. ਇਹੀ ਕਾਰਨ ਹੈ ਕਿ ਉਨ੍ਹਾਂ ਨੇ 150 ਸੀਸੀ ਦੀ ਬਾਈਕ ਨੂੰ ਵਿੰਟੇਜ ਕਾਰ 'ਚ ਬਦਲ ਦਿੱਤਾ। ਇਸ ਅਨੋਖੇ ਕੰਮ ਨਾਲ ਪੂਰਾ ਪਰਿਵਾਰ ਖੁਸ਼ ਹੈ।
ਯੁਵਰਾਜ ਨੇ ਦੋਪਹੀਆ ਵਾਹਨ ਨੂੰ ਵਿੰਟੇਜ ਕਾਰ 'ਚ ਕੀਤਾ ਤਬਦੀਲ ਯੁਵਰਾਜ ਦੀ ਮਾਂ ਅਨੁਰਾਧਾ ਪਵਾਰ ਨੇ ਦੱਸਿਆ, "ਮੈਨੂੰ ਇਹ ਬਹੁਤ ਮੁਸ਼ਕਲ ਲੱਗਦਾ ਹੈ, ਮੈਨੂੰ ਮਾਣ ਹੈ ... ਮੇਰੇ ਬੇਟੇ ਵੱਲੋਂ ਬਣਾਈ ਗਈ ਕਾਰ ਵਿੱਚ ਬੈਠਣ ਦੀ ਖ਼ੁਸ਼ੀ ਸ਼ਬਦਾਂ ਤੋਂ ਪਰੇ ਹੈ। ਉਸ ਨੇ ਬਹੁਤ ਘੱਟ ਉਮਰ 'ਚ ਇਸ ਕਾਰ ਨੂੰ ਬਣਾਇਆ ਹੈ। ਉਹ ਆਪਣੇ ਤੀਜੇ ਸਾਲ 'ਚ ਹੈ ਤੇ ਆਪਣੀ ਪੜ੍ਹਾਈ ਪੂਰੀ ਕਰਨ ਤੋਂ ਪਹਿਲਾਂ ਹੀ ਉਨ੍ਹੇ ਇਨ੍ਹੀਂ ਚੰਗੀ ਕਾਰ ਬਣਾ ਲਈ ਹੈ।"
ਇਸ ਕਾਰ ਵਿੱਚ ਆਰਾਮ ਨਾਲ 4 ਲੋਕ ਬੈਠ ਸਕਦੇ ਹਨ। ਦੋਪਹੀਆ ਇੰਜਣ ਹੋਣ ਦੇ ਬਾਵਜੂਦ ਇਸ ਕਾਰ ਨੂੰ ਬੈਕ ਗੇਅਰ ਵਿੱਚ ਰੱਖਿਆ ਜਾ ਸਕਦਾ ਹੈ। ਇਸ 'ਚ 4 ਲੋਕ ਅਰਾਮ ਨਾਲ ਬੈਠ ਸਕਦੇ ਹਨ ਅਤੇ ਇਹ 70 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲ ਸਕਦੀ ਹੈ।
ਇੰਜੀਨੀਅਰ ਯੁਵਰਾਜ ਪਵਾਰ ਨੇ ਦੱਸਿਆ, "ਮੇਰੀ ਸ਼ੁਰੂ ਤੋਂ ਹੀ ਕਾਰਾਂ 'ਚ ਦਿਲਚਸਪੀ ਸੀ। ਮੈਂ ਸੋਚਿਆ ਕਿ ਅਸੀਂ ਇੱਕ ਕਾਰ ਬਣਾ ਸਕਦੇ ਹਾਂ। ਇਸ ਲਈ ਮੈਂ ਇਸ ਕਾਰ ਨੂੰ ਬਣਾਉਣ ਦੀ ਕੋਸ਼ਿਸ਼ ਕੀਤੀ। ਜਦੋਂ ਮੈਂ ਰਾਜਸਥਾਨ ਦੀ ਯਾਤਰਾ 'ਚ ਗਿਆ ਤਾਂ ਮੈਂ ਉਥੇ ਅਜਾਇਬ ਘਰ ਵਿੱਚ ਸ਼ਾਹੀ ਕਾਰਾਂ ਵੇਖੀਆਂ ਉਸ ਸਮੇਂ ਮੈਂ ਸੋਚਿਆ ਸੀ ਕਿ ਮੇਰੇ ਮਾਪਿਆਂ ਨੂੰ ਵੀ ਅਜਿਹੀਆਂ ਸ਼ਾਹੀ ਕਾਰਾਂ ਵਿੱਚ ਸਫ਼ਰ ਕਰਨਾ ਚਾਹੀਦਾ ਹੈ ਅਤੇ ਮੈਂ ਕਾਰ ਬਣਾਉਣ ਦੀ ਕੋਸ਼ਿਸ਼ ਕੀਤੀ। ਮੈਂ ਇਹ ਕਰ ਸਕਿਆ ਕਿਉਂਕਿ ਮੇਰੇ ਪਿਤਾ ਨੇ ਮੇਰੀ ਮਦਦ ਕੀਤੀ। ਹਾਲਾਂਕਿ, ਕਾਰ ਇੱਕ ਪੁਰਾਣੀ ਕਾਰ ਵਰਗੀ ਜਾਪਦੀ ਹੈ ਪਰ ਇਸ ਦੀਆਂ ਵਿਸ਼ੇਸ਼ਤਾਵਾਂ ਬਿਲਕੁਲ ਨਵੀਆਂ ਹਨ। ਇਸ ਦਾ ਮਤਲਬ ਹੈ ਕਿ ਤੁਸੀ ਕਾਰ ਨੂੰ ਰਿਮੋਟ ਦੀ ਵਰਤੋਂ ਕਰਕੇ ਚਾਲੂ ਤੇ ਬੰਦ ਕਰ ਸਕਦੇ ਹੋ ਤੇ ਬੋਨਟ ਵੀ ਖੋਲ੍ਹ ਸਕਦੇ ਹੋ।"
ਯੁਵਰਾਜ ਨੇ ਅਜੇ ਤੱਕ ਆਪਣੀ ਇੰਜੀਨੀਅਰਿੰਗ ਦੀ ਪੜ੍ਹਾਈ ਪੂਰੀ ਨਹੀਂ ਕੀਤੀ ਹੈ ਪਰ ਉਸ ਨੇ ਇੰਜੀਨੀਅਰਾਂ ਸਾਹਮਣੇ ਇੱਕ ਚੰਗੀ ਮਿਸਾਲ ਸਾਹਮਣੇ ਰੱਖੀ ਹੈ ਜੋ ਆਪਣੀ ਇੰਜੀਨੀਅਰਿੰਗ ਦੀ ਡਿਗਰੀ ਦੇ ਨਾਲ ਨਾਲ ਬਹੁਤ ਕੁਝ ਨਹੀਂ ਕਰ ਰਹੇ ਹੈ। ਯੁਵਰਾਜ ਦੀ ਇਸ ਪ੍ਰਾਪਤੀ ਦਾ ਕਾਰਨ ਉਨ੍ਹਾਂ ਨੇ ਇੱਕ ਅਸਲ ਇੰਜੀਨੀਅਰ ਕਿਹਾ ਜਾਂਦਾ ਹੈ।
