#Happy B'Day Dada: ਸੌਰਵ ਗਾਂਗੁਲੀ ਦੇ ਜਨਮਦਿਨ 'ਤੇ ਕੈਫ਼ ਨੇ ਇਸ ਤਰ੍ਹਾਂ ਦਿੱਤੀ ਵਧਾਈ

ਸੌਰਵ ਗਾਂਗੁਲੀ ਅੱਜ ਆਪਣਾ 47ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦੇ ਜਨਮਦਿਨ ਮੁਹੰਮਦ ਕੈਫ਼ ਅਤੇ ਵੀਰੇਂਦਰ ਸਹਿਵਾਗ ਨੇ ਖ਼ਾਸ ਅੰਦਾਜ਼ ਨਾਲ ਉਨ੍ਹਾਂ ਨੂੰ ਵਧਾਈ ਦਿੱਤੀ।

ਨਵੀਂ ਦਿੱਲੀ: ਦੁਨੀਆਂ 'ਚ ਅਜਿਹੇ ਬਹੁਤ ਖ਼ਿਡਾਰੀ ਹੋਏ ਹਨ, ਜਿਨ੍ਹਾਂ ਨੇ ਵਧੀਆ ਪ੍ਰਦਰਸ਼ਨ ਦੇ ਬੱਲਬੂਤੇ 'ਤੇ ਆਪਣਾ ਨਾਂਅ ਰੌਸ਼ਨ ਕੀਤਾ ਹੈ। ਅਜਿਹੇ ਘੱਟ ਖ਼ਿਡਾਰੀ ਹੀ ਹਨ, ਜਿਨ੍ਹਾਂ ਨੇ ਆਪਣਾ ਨਾਂਅ ਰੌਸ਼ਨ ਕਰਨ ਦੇ ਨਾਲ-ਨਾਲ ਦੂਸਰਿਆਂ ਦੀ ਕਾਬਲੀਅਤ ਨੂੰ ਵੀ ਪਰਖਿਆ ਹੋਵੇ। ਇਹ ਦੋਵੇਂ ਖ਼ੂਬੀਆਂ ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ 'ਚ ਸੀ। ਸੌਰਵ ਗਾਂਗੁਲੀ ਅੱਜ ਆਪਣਾ 47ਵਾਂ ਜਨਮਦਿਨ ਮਨਾ ਰਹੇ ਹਨ। 8 ਜੁਲਾਈ, 1973 ਨੂੰ ਜੰਮੇ ਸੌਰਵ ਗਾਂਗੁਲੀ ਹੀ ਸਨ, ਜਿਨ੍ਹਾਂ ਨੇ ਧੋਨੀ ਨੂੰ ਪਹਿਲੀ ਵਾਰ ਮੌਕਾ ਦਿੱਤਾ ਸੀ।

ਇਹ ਗੱਲ ਦਸੰਬਰ 2004 ਦੀ ਹੈ। ਗਾਂਗੁਲੀ ਨੇ ਧੋਨੀ ਨੂੰ ਪਹਿਲਾ ਮੌਕਾ ਬੰਗਲਾਦੇਸ਼ ਦੇ ਖ਼ਿਲਾਫ਼ ਵਨ ਡੇਅ ਸੀਰੀਜ਼ 'ਚ ਦਿੱਤਾ ਸੀ। ਉਹ ਇਹ ਸੀਰੀਜ਼ 'ਚ ਕੁਝ ਖ਼ਾਸ ਨਹੀਂ ਕਰ ਪਾਏ ਸਨ। ਹਾਲਾਂਕਿ, ਫ਼ਿਰ ਵੀ ਗਾਂਗੁਲੀ ਨੇ ਧੋਨੀ ਨੂੰ ਮੌਕਾ ਦਿੱਤਾ ਅਤੇ ਪਾਕਿਸਤਾਨ ਖ਼ਿਲਾਫ਼ ਉਨ੍ਹਾਂ ਆਪਣੇ ਅਗਲੇ ਮੈਚ 'ਚ 148 ਦੌੜਾਂ ਦੀ ਪਾਰੀ ਖੇਡੀ।

ਗਾਂਗੁਲੀ ਦੇ ਜਨਮਦਿਨ 'ਤੇ ਭਾਰਤੀ ਟੀਮ ਦੇ ਸਾਬਕਾ ਖ਼ਿਡਾਰੀ ਵੀਰੇਂਦਰ ਸਹਿਵਾਗ ਨੇ ਖ਼ਾਸ ਅੰਦਾਜ਼ 'ਚ ਉਨ੍ਹਾਂ ਵਧਾਈ ਦਿੱਤੀ ਹੈ।

ਗਾਂਗੁਲੀ ਦੀ ਖ਼ਾਸ ਗੱਲ ਇਹ ਸੀ ਕਿ ਉਹ ਖ਼ਿਡਾਰੀਆਂ ਦਾ ਕਾਫ਼ੀ ਸਮਰਥਨ ਕਰਦੇ ਸਨ। ਇੱਕ ਸ਼ੋਅ ਦੌਰਾਨ ਮੁਹੰਮਦ ਕੈਫ਼ ਨੇ ਕਿਹਾ ਸੀ, 'ਗਾਂਗੁਲੀ ਅਜਿਹੇ ਕਪਤਾਨ ਸਨ, ਜਿਨ੍ਹਾਂ ਦੇ ਪਿੱਛੇ ਪੂਰੀ ਟੀਮ ਖੜੀ ਰਹਿੰਦੀ ਸੀ। ਖ਼ਿਡਾਰੀ ਨੂੰ ਪਤਾ ਹੁੰਦਾ ਸੀ ਉਨ੍ਹਾਂ 'ਤੇ ਕਪਤਾਨ ਦਾ ਭਰੋਸਾ ਹੈ। ਦਿਲ ਕਰਦਾ ਸੀ, ਇਸ ਕਪਤਾਨ ਲਈ ਕੀ ਕਰਦਾਂ।'

ਕੈਫ਼ ਨੇ ਵੀ ਗਾਂਗੁਲੀ ਨੂੰ ਮਜ਼ਾਕੀਆ ਅੰਦਾਜ਼ 'ਚ ਉਨ੍ਹਾਂ ਦੇ ਜਨਮਦਿਨ 'ਤੇ ਵਧਾਈ ਦਿੱਤੀ।