ਰੋਹਤਕ : ਦੇਸ਼ ਨੂੰ ਦਹਿਲਾ ਦੇਣ ਵਾਲਾ ਹੈਦਰਾਬਾਦ ਰੇਪ ਕਾਂਡ ਤੋਂ ਬਾਅਦ ਚਾਰ ਦੋਸ਼ੀਆਂ ਨੂੰ ਪੁਲਿਸ ਮੁਕਾਬਲੇ ਵਿੱਚ ਮਾਰ ਦਿੱਤੇ ਜਾਣ ਤੋਂ ਬਾਅਦ ਹੈਦਰਾਬਾਦ ਪੁਲਿਸ ਦੀ ਜਿੱਥੇ ਵਾਹ-ਵਾਹ, ਵਾਹ-ਵਾਹ ਹੋ ਰਹੀ ਹੈ, ਉੱਥੇ ਹੀ ਦੂਸਰੇ ਪਾਸੇ ਰੋਹਤਕ ਦੀ ਪੀਜ਼ਾ ਬੀਨ ਕੰਪਨੀ ਨੇ ਹੈਦਰਾਬਾਦ ਪੁਲਿਸ ਤੋਂ ਖ਼ੁਸ਼ ਹੋ ਕੇ 5 ਲੱਖ ਰੁਪਏ ਦੇ ਇਨਾਮ ਦਾ ਐਲਾਨ ਕੀਤਾ ਹੈ।
ਹੈਦਰਾਬਾਦ ਦੀ ਨਿਰਭਿਆ ਨੂੰ ਨਿਆ ਦਵਾਉਣ ਵਾਲੀ ਹੈਦਰਾਬਾਦ ਪੁਲਿਸ ਦੀ ਚਾਰੋਂ ਪਾਸੇ ਸਹਾਰਨਾ ਹੋ ਰਹੀ ਹੈ। ਪੀਜ਼ਾ ਬੀਨ ਕੰਪਨੀ ਨੇ ਹੈਦਰਾਬਾਦ ਪੁਲਿਸ ਨੂੰ 5 ਲੱਖ ਰੁਪਏ ਦੇਣ ਦਾ ਐਲਾਨ ਤੱਕ ਕਰ ਦਿੱਤਾ ਹੈ।
ਕੰਪਨੀ ਨੇ ਹੈਦਰਾਬਾਦ ਪੁਲਿਸ ਦੇ ਬਹਾਦਰੀ ਵਾਲੇ ਕਾਰਨਾਮੇ ਤੋਂ ਖ਼ੁਸ਼ ਹੋ ਕੇ 5 ਲੱਖ ਰੁਪਏ ਦੇਣ ਦਾ ਐਲਾਨ ਕੀਤਾ ਹੈ। ਇਹੀ ਨਹੀਂ ਕੰਪਨੀ ਨੇ ਐਲਾਨ ਕੀਤਾ ਹੈ ਕਿ ਅੱਗੇ ਵੀ ਜੇ ਪੁਲਿਸ ਅਤੇ ਫ਼ੌਜ ਵੱਲੋਂ ਇਸ ਤਰ੍ਹਾਂ ਦੇ ਬਹਾਦਰੀ ਦੇ ਕਾਰਨਾਮੇ ਕੀਤੇ ਜਾਣਗੇ ਤਾਂ ਕੰਪਨੀ ਜਵਾਨਾਂ ਨੂੰ ਇਸੇ ਤਰ੍ਹਾਂ ਇਨਾਮ ਦਿੰਦੀ ਰਹੇਗੀ।
