ਰਾਹੁਲ ਗਾਂਧੀ 'ਤੇ ਕੀਤੀ ਟਿੱਪਣੀ ਲਈ ਮੁਆਫ਼ੀ ਮੰਗਣ ਸੱਤੀ: ਸਾਬਕਾ ਕਾਂਗਰਸੀ ਪ੍ਰਧਾਨ ਸੁੱਖੂ

ਭਾਜਪਾ ਸੂਬਾਈ ਪ੍ਰਧਾਨ ਸਤਪਾਲ ਸੱਤੀ ਨੇ ਸੋਲਨ ਵਿੱਚ ਜਨਸਭਾ ਨੂੰ ਸੰਬੋਧਨ ਕਰਦਿਆ ਰਾਹੁਲ ਗਾਂਧੀ ਨੂੰ ਕੱਢੀਆਂ ਸੀ ਗਾਲ੍ਹਾਂ। ਵਰਤੀ ਇਤਰਾਜਯੋਗ ਸ਼ਬਦਾਵਲੀ। ਸਾਬਕਾ ਕਾਂਗਰਸੀ ਪ੍ਰਧਾਨ ਸੁਖਵਿੰਦਰ ਸਿੰਘ ਸੁੱਖੂ ਨੇ ਜਤਾਇਆ ਵਿਰੋਧ।

ਸ਼ਿਮਲਾ: ਲੋਕਸਭਾ ਚੋਣਾਂ ਜਿਵੇਂ-ਜਿਵੇਂ ਨੇੜ੍ਹੇ ਆ ਰਹੀਆਂ ਹਨ, ਨੇਤਾ ਸਰੇਆਮ ਆਪਣੀ ਮਰਿਆਦਾ ਦੀਆਂ ਹੱਦਾਂ ਪਾਰ ਕਰ ਰਹੇ ਹਨ। ਇਹੋ ਜਿਹਾ ਕੁੱਝ ਕਰਦੇ ਹੋਏ ਵੇਖੇ ਗਏ ਭਾਜਪਾ ਸੂਬਾ ਪ੍ਰਧਾਨ ਸਤਪਾਲ ਸੱਤੀ। ਉਨ੍ਹਾਂ ਨੇ ਸੋਲਨ ਜ਼ਿਲ੍ਹੇ ਦੇ ਬੱਦੀ ਵਿਖੇ ਰਾਮਸ਼ਹਿਰ 'ਚ ਇੱਕ ਜਨਸਭਾ ਨੂੰ ਸੰਬੋਧਤ ਕਰਦਿਆ ਇਤਰਾਜਯੋਗ ਸ਼ਬਦਾਂ ਦੀ ਵਰਤੋਂ ਕੀਤੀ। ਇਹ ਗ਼ਲਤ ਸ਼ਬਦਾਵਲੀ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਵਿਰੁੱਧ ਵਰਤੀ ਗਈ।

ਦੱਸ ਦਈਏ ਕਿ ਇਸ 'ਤੇ ਸਾਬਕਾ ਕਾਂਗਰਸੀ ਪ੍ਰਧਾਨ ਸੁਖਵਿੰਦਰ ਸਿੰਘ ਸੁੱਖੂ ਨੇ ਵਿਰੋਧ ਜਤਾਇਆ ਹੈ। ਉਨ੍ਹਾਂ ਕਿਹਾ ਕਿ ਭਾਜਪਾ ਸੂਬਾ ਪ੍ਰਧਾਨ ਸਤਪਾਲ ਨੂੰ ਆਪਣੀ ਭਾਸ਼ਾ 'ਤੇ ਕੰਟਰੋਲ ਰੱਖਣਾ ਚਾਹੀਦਾ ਹੈ। ਸੁੱਖੂ ਨੇ ਸੱਤੀ ਵਲੋਂ ਰਾਹੁਲ ਗਾਂਧੀ 'ਤੇ ਦਿੱਤੀ ਇਤਰਾਜਯੋਗ ਟਿੱਪਣੀ ਲਈ ਮੁਆਫ਼ੀ ਮੰਗਣੀ ਪਵੇਗੀ, ਨਹੀਂ ਤਾਂ ਕਾਂਗਰਸ ਆਉਣ ਵਾਲੇ ਸਮੇਂ ਵਿੱਚ ਉਨ੍ਹਾਂ ਦਾ ਘਿਰਾਓ ਕਰੇਗੀ।ਦੱਸਣਯੋਗ ਹੈ ਕਿ ਸੱਤੀ ਦੀ ਭਾਸ਼ਾ ਇਨ੍ਹੀਂ ਜ਼ਿਆਦਾ ਗ਼ਲਤ ਸੀ ਕਿ ਇੱਕ ਜ਼ਿੰਮੇਵਾਰ ਮੀਡੀਆ ਸੰਸਥਾਨ ਹੋਣ ਦੇ ਨਾਤੇ ਨਾ ਤਾਂ ਉਸ ਨੂੰ ਸੁਣਾ ਸਕਦੇ ਹਾਂ ਤੇ ਨਾਂ ਹੀ ਸ਼ਬਦਾਂ ਵਿੱਚ ਲਿਖਿਆ ਦਾ ਸਕਦਾ ਹੈ। ਸੱਤੀ ਵਲੋਂ ਵਰਤੀ ਗ਼ਲਤ ਸ਼ਬਦਾਵਲੀ 'ਤੇ ਜਨਸਭਾ 'ਚ ਮੌਜੂਦ ਨੇਤਾ ਹੱਸਣ ਲੱਗੇ। ਉਸ ਦੌਰਾਨ ਜਨਸਭਾ ਵਿੱਚ ਵੱਡੀ ਗਿਣਤੀ 'ਚ ਮਹਿਲਾਵਾਂ ਵੀ ਮੌਜੂਦ ਸਨ।