ਨਵੀਂ ਦਿੱਲੀ: ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਅੱਜ ਵੀਡੀਓ ਕਾਨਫਰੰਸ ਰਾਹੀਂ ਸੱਤ ਸੂਬਿਆਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿੱਚ ਬੀਆਰਓ ਵੱਲੋਂ ਬਣਾਏ ਗਏ 44 ਪੁਲਾਂ ਨੂੰ ਦੇਸ਼ ਨੂੰ ਸਮਰਪਿਤ ਕਰਨਗੇ। ਇਸ ਦੌਰਾਨ ਤਵਾਂਗ ਲਈ ਨੇਚਿਫੁ ਟਨਲ ਦਾ ਨੀਂਹ ਪੱਥਰ ਵੀ ਰੱਖਿਆ ਜਾਵੇਗਾ। ਇਸ਼ ਦੀ ਜਾਣਕਾਰੀ ਰੱਖਿਆ ਮੰਤਰਾਲੇ ਨੇ ਟਵੀਟ ਕਰ ਦਿੱਤੀ।
ਇਨ੍ਹਾਂ ਸਾਰੇ ਪੁਲਾਂ ਨੂੰ ਬੀਆਰਓ ਨੇ ਤਿਆਰ ਕੀਤਾ ਹੈ। ਇਹ ਪੁਲ ਰੱਖਿਆ ਖੇਤਰ ਲਈ ਮਹੱਤਵ ਰੱਖਦੇ ਹਨ। ਇਨ੍ਹਾਂ ਪੁਲਾਂ ਦੇ ਨਿਰਮਾਣ ਨਾਲ ਸੁਰੱਖਿਆ ਬਲਾਂ ਨੂੰ ਹਥਿਆਰ ਲੈ ਜਾਣ 'ਚ ਮਦਦ ਮਿਲੇਗੀ। ਮਨਾਲੀ ਲੇਹ ਮਾਰਗ ਸਭ ਤੋਂ ਲੰਮਾ ਦਾਰਚਾ 'ਚ ਭਾਗਾ ਨਦੀ 'ਤੇ ਬਣਾਇਆ ਗਿਆ ਹੈ। ਇਸ ਦੀ ਲੰਬਾਈ 360 ਮੀਟਰ ਹੈ। ਹਜ਼ਾਰ ਫੀਟ ਦੀ ਉਚਾਈ 'ਤੇ ਇਸ ਪੁਲ ਦਾ ਨਿਰਮਾਣ ਕੀਤਾ ਗਿਆ ਹੈ।