ਕੇਂਦਰੀ ਮੰਤਰੀ ਵੱਲੋਂ ਉੱਤਰ ਭਾਰਤੀਆਂ 'ਤੇ ਕੀਤੀ ਟਿਪੱਣੀ 'ਤੇ ਪ੍ਰਿਅੰਕਾ ਗਾਂਧੀ ਦਾ ਤਿੱਖਾ ਵਾਰ

ਕੇਂਦਰੀ ਮੰਤਰੀ ਸੰਤੋਸ਼ ਗੰਗਵਾਰ ਵੱਲੋਂ ਦਿੱਤੇ ਗਏ ਭੜਕਾਉ ਬਿਆਨ- ਦੇਸ਼ ਵਿੱਚ ਨੌਕਰੀ ਤਾਂ ਹੈ, ਪਰ ਉੱਤਰ ਭਾਰਤੀਆਂ ਵਿੱਚ ਕੰਮ ਕਰਨ ਦੀ ਲ਼ਈ ਯੋਗਤਾਵਾਂ ਦੀ ਘਾਟ ਹੈ, 'ਤੇ ਪ੍ਰਿਅੰਕਾ ਗਾਂਧੀ ਨੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ।

ਨਵੀਂ ਦਿੱਲੀ: ਕੇਂਦਰੀ ਮੰਤਰੀ ਸੰਤੋਸ਼ ਗੰਗਵਾਰ ਦੇ ਬੇਰੁਜ਼ਗਾਰ ਨੌਜਵਾਨਾਂ ਨੂੰ ਲੈ ਕੇ ਦਿੱਤੇ ਬਿਆਨ 'ਤੇ ਵਿਰੋਧੀ ਧਿਰ ਨੇ ਤਿੱਖੇ ਵਾਰ ਕੀਤੇ ਹਨ। ਸੰਤੋਸ਼ ਗੰਗਵਾਰ ਨੇ ਬਰੇਲੀ ਵਿੱਚ ਇੱਕ ਪ੍ਰੋਗਰਾਮ ਦੌਰਾਨ ਕਿਹਾ ਕਿ ਅੱਜ ਦੇਸ਼ ਵਿੱਚ ਨੌਕਰੀਆਂ ਦੀ ਕੋਈ ਘਾਟ ਨਹੀਂ ਹੈ ਪਰ ਉੱਤਰ ਭਾਰਤ ਦੇ ਨੌਜਵਾਨਾਂ ਵਿੱਚ ਉਹ ਯੋਗਤਾ ਨਹੀਂ ਹੈ ਕਿ ਉਨ੍ਹਾਂ ਨੂੰ ਕੰਮ ਦਿੱਤਾ ਜਾ ਸਕੇ। ਸੰਤੋਸ਼ ਗੰਗਵਾਰ ਦੇ ਇਸ ਬਿਆਨ 'ਤੇ ਕਾਂਗਰਸ ਜਨਰਲ ਸੈਕਟਰੀ ਪ੍ਰਿਅੰਕਾ ਗਾਂਧੀ ਅਤੇ ਬਸਪਾ ਮੁਖੀ ਮਾਇਆਵਤੀ ਨੇ ਸਰਕਾਰ ‘ਤੇ ਤਿੱਖੀ ਪ੍ਰਤਿਕਿਰਿਆ ਦਿੱਤੀ ਹੈ।

ਫ਼ੋਟੋ।

ਪ੍ਰਿਯੰਕਾ ਗਾਂਧੀ ਨੇ ਗੰਗਵਾਰ ਦੇ ਬਿਆਨ 'ਤੇ ਟਵੀਟ ਕੀਤਾ, "ਤੁਹਾਡੀ 5 ਸਾਲਾਂ ਦੀ ਸਰਕਾਰ ਹੈ। ਤੁਸੀਂ ਨੌਕਰੀਆਂ ਨਹੀਂ ਬਣਾ ਸਕਦੇ, ਜਿਹੜੀਆਂ ਨੌਕਰੀਆਂ ਸੀ, ਉਹ ਸਰਕਾਰ ਵੱਲੋਂ ਲਿਆਂਦੀ ਆਰਥਿਕ ਮੰਦੀ ਦੇ ਚਲਦੇ ਖੋਹੀਆਂ ਜਾ ਰਹੀਆਂ ਹਨ।" ਉਨ੍ਹਾਂ ਲਿਖਿਆ, "ਨੌਜਵਾਨ ਰਾਹ ਵੇਖ ਰਹੇ ਸੀ ਕਿ ਸਰਕਾਰ ਕੁਝ ਚੰਗਾ ਕਰੇ, ਜੋ ਨਹੀਂ ਕੀਤਾ ਗਿਆ। ਤੁਸੀਂ ਉੱਤਰ ਭਾਰਤੀਆਂ ਦਾ ਅਪਮਾਨ ਕਰਕੇ ਬਚ ਨਹੀਂ ਸਕਦੇ। ਇਹ ਕੰਮ ਨਹੀਂ ਕਰੇਗਾ।"

ਦੂਜੇ ਪਾਸੇ, ਬਸਪਾ ਮੁਖੀ ਮਾਇਆਵਤੀ ਨੇ ਵੀ ਟਵੀਟ ਕਰ ਕਿਹਾ, "ਦੇਸ਼ ਵਿੱਚ ਛਾਈ ਆਰਥਿਕ ਮੰਦੀ ਦੇ ਵਿਚਕਾਰ ਕੇਂਦਰੀ ਮੰਤਰੀਆਂ ਦੇ ਵੱਖ-ਵੱਖ ਹਾਸੋਹੀਣੇ ਬਿਆਨਾਂ ਤੋਂ ਬਾਅਦ ਹੁਣ ਦੇਸ਼ ਅਤੇ ਖ਼ਾਸਕਰ ਉੱਤਰ ਭਾਰਤੀਆਂ ਦੀ ਬੇਰੁਜ਼ਗਾਰੀ ਨੂੰ ਦੂਰ ਕਰਨ ਦੀ ਥਾਂ ਇਹ ਕਹਿਣ ਕਿ ਇੱਥੇ ਰੁਜ਼ਗਾਰ ਦੀ ਘਾਟ ਨਹੀਂ ਬਲਕਿ ਯੋਗਤਾ ਦੀ ਘਾਟ ਹੈ। ਇਹ ਬਹੁਤ ਸ਼ਰਮਿੰਦਾ ਵਾਲੀ ਗੱਲ ਹੈ। ਇਸਦੇ ਲਈ ਦੇਸ਼ ਨੂੰ ਮੁਆਫੀ ਮੰਗਣੀ ਚਾਹੀਦੀ ਹੈ।"

ਹਾਲਾਂਕਿ ਸੰਤੋਸ਼ ਗੰਗਵਾਰ ਨੇ ਬਿਆਨ 'ਤੇ ਹੰਗਾਮਾ ਹੋਣ ਤੋਂ ਬਾਅਦ ਆਪਣਾ ਸਪਸ਼ਟੀਕਰਨ ਦਿੱਤਾ ਹੈ। ਸੰਤੋਸ਼ ਗੰਗਵਾਰ ਨੇ ਕਿਹਾ, "ਜੋ ਮੈਂ ਕਿਹਾ ਉਸ ਦਾ ਵੱਖਰਾ ਮਤਲਬ ਸੀ। ਦੇਸ਼ ਵਿਚ ਹੁਨਰ ਦੀ ਘਾਟ ਹੈ ਅਤੇ ਸਰਕਾਰ ਨੇ ਇਸ ਦੇ ਲਈ ਹੁਨਰ ਵਿਕਾਸ ਮੰਤਰਾਲਾ ਵੀ ਖੋਲ੍ਹਿਆ ਹੈ। ਇਸ ਮੰਤਰਾਲੇ ਦਾ ਕੰਮ ਬੱਚਿਆਂ ਨੂੰ ਨੌਕਰੀਆਂ ਦੇ ਮੁਤਾਬਕ ਸਿਖਿਅਤ ਕਰਨਾ ਹੈ।"