ਪਟਨਾ: ਅੱਜ ਬਿਹਾਰ ਵਿੱਚ ਪਹਿਲੇ ਪੜਾਅ ਦੇ ਤਹਿਤ 16 ਜ਼ਿਲ੍ਹਿਆਂ ਵਿੱਚ 71 ਸੀਟਾਂ 'ਤੇ ਵੋਟਿੰਗ ਹੋ ਰਹੀ ਹੈ। ਇਸ ਵਿਚਕਾਰ ਪੀਐਮ ਮੋਦੀ ਤੇ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਇੱਕ ਵਾਰ ਫਿਰ ਚੋਣ ਦੰਗਲ ਵਿੱਚ ਉਤਰਨਗੇ। ਜਾਣਕਾਰੀ ਅਨੁਸਾਰ ਪੀਐਮ ਮੋਦੀ ਤਿੰਨ ਰੈਲੀਆਂ ਨੂੰ ਸੰਬੋਧਨ ਕਰਨਗੇ। ਉੱਥੇ ਹੀ ਸਾਂਸਦ ਰਾਹੁਲ ਗਾਂਧੀ 2 ਰੈਲੀਆਂ ਨੂੰ ਸੰਬੋਧਨ ਕਰਨਗੇ।
ਪੀਐਮ ਮੋਦੀ ਨੇ ਅੱਜ ਹੋਣ ਵਾਲੀ ਚੋਣ ਰੈਲੀ ਤੋਂ ਪਹਿਲਾਂ ਟਵੀਟ ਕੀਤਾ। ਉਨ੍ਹਾਂ ਕਿਹਾ ਕਿ ਇੱਕ ਵਾਰ ਫਿਰ ਬਿਹਾਰ ਵਾਸੀਆਂ ਵਿੱਚ ਰਹੁੰਗਾ। ਦਰਭੰਗਾ, ਮੁਜੱਫ਼ਰਪੁਰ ਤੇ ਰਾਜਧਾਨੀ ਪਟਨਾ ਦੀਆਂ ਰੈਲੀਆਂ ਵਿੱਚ ਉਨ੍ਹਾਂ ਨੂੰ ਸਿੱਧੇ ਸੰਵਾਦ ਦਾ ਮੌਕਾ ਮਿਲੇਗਾ। ਤੁਸੀਂ ਸਾਰੇ ਇਨ੍ਹਾਂ ਰੈਲੀਆਂ ਨਾਲ ਜੁੜੋ।