ਨਵੀਂ ਦਿੱਲੀ: ਕੇਂਦਰੀ ਮੰਤਰੀ ਮੰਡਲ ਨੇ ਬੁੱਧਵਾਰ ਨੂੰ ਮੈਡੀਕਲ ਗਰਭਪਾਤ ਸੋਧ ਬਿੱਲ 2020 ਨੂੰ ਮਨਜ਼ੂਰੀ ਦੇ ਦਿੱਤੀ, ਜਿਸ ਵਿੱਚ ਗਰਭਪਾਤ ਦੀ ਹੱਦ 20 ਹਫ਼ਤਿਆਂ ਤੋਂ ਵਧਾ ਕੇ 24 ਹਫ਼ਤੇ ਕਰਨ ਦੀ ਵਿਵਸਥਾ ਕੀਤੀ ਗਈ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਹੋਈ ਮੰਤਰੀ ਮੰਡਲ ਦੀ ਬੈਠਕ ਵਿੱਚ ਇਸ ਬਾਰੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ ਗਈ। ਗਰਭਪਾਤ ਐਕਟ (ਗਰਭ ਅਵਸਥਾ ਦਾ ਮੈਡੀਕਲ ਟਰਮੀਨੇਸ਼ਨ) 1971 ਇਸ ਮਕਸਦ ਲਈ ਸੋਧਿਆ ਜਾਵੇਗਾ। ਇਸ ਦੇ ਲਈ ਬਿੱਲ ਸੰਸਦ ਦੇ ਅਗਲੇ ਸੈਸ਼ਨ ਵਿੱਚ ਲਿਆਂਦਾ ਜਾਵੇਗਾ।
ਗਰਭਪਾਤ ਦੀ ਹੱਦ 20 ਹਫ਼ਤਿਆਂ ਤੋਂ 24 ਹਫ਼ਤੇ ਤੱਕ ਵਧਾਈ, ਕੇਂਦਰੀ ਕੈਬਨਿਟ ਨੇ ਦਿੱਤੀ ਮਨਜ਼ੂਰੀ - ਮੈਡੀਕਲ ਗਰਭਪਾਤ ਸੋਧ ਬਿੱਲ 2020
ਗਰਭਪਾਤ ਦੀ ਹੱਦ 20 ਹਫ਼ਤਿਆਂ ਤੋਂ ਵਧਾ ਕੇ 24 ਹਫ਼ਤੇ ਕਰਨ ਦੀ ਵਿਵਸਥਾ ਕੀਤੀ ਗਈ ਹੈ। ਗਰਭਪਾਤ ਦੀ ਹੱਦ 20 ਹਫ਼ਤਿਆਂ ਤੋਂ ਵਧਾ ਕੇ 24 ਹਫ਼ਤੇ ਕਰਨ ਦੀ ਵਿਵਸਥਾ ਕੀਤੀ ਗਈ ਹੈ।
ਗਰਭਪਾਤ ਦੀ ਹੱਦ 'ਚ ਵਾਧਾ
ਇਸ ਦੇ ਲਈ 2 ਡਾਕਟਰਾਂ ਦੀ ਇਜਾਜ਼ਤ ਲੈਣੀ ਪਵੇਗੀ, ਜਿਸ ਵਿੱਚ ਇੱਕ ਡਾਕਟਰ ਸਰਕਾਰੀ ਹੋਵੇਗਾ। ਜੇ ਗਰਭ ਵਿੱਚ ਕੋਈ ਰੋਗ ਹੈ, ਤਾਂ ਇਸ ਲਈ ਮੈਡੀਕਲ ਬੋਰਡ ਦਾ ਵੀ ਪ੍ਰਬੰਧ ਹੈ।
ਬੈਠਕ ਤੋਂ ਬਾਅਦ ਕੇਂਦਰੀ ਮੰਤਰੀ ਪ੍ਰਕਾਸ਼ ਜਾਵਡੇਕਰ ਨੇ ਮੀਡੀਆ ਨੂੰ ਦੱਸਿਆ ਕਿ ਮੰਤਰੀ ਮੰਡਲ ਨੇ ਗਰਭਪਾਤ ਕਰਵਾਉਣ ਦੀ ਆਗਿਆ ਦੀ ਵੱਧ ਤੋਂ ਵੱਧ ਸੀਮਾ ਵਧਾ ਕੇ 20 ਹਫ਼ਤਿਆਂ ਤੋਂ 24 ਹਫ਼ਤੇ ਕਰਨ ਦੀ ਪ੍ਰਵਾਨਗੀ ਦੇ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ 20 ਹਫਤਿਆਂ ਵਿੱਚ ਗਰਭਪਾਤ ਕਰਨ ਤੇ ਮਾਂ ਦੀ ਮੌਤ ਦੇ ਬਹੁਤ ਸਾਰੇ ਕੇਸ ਹੋਏ ਹਨ, 24 ਹਫ਼ਤਿਆਂ ਵਿੱਚ ਗਰਭਪਾਤ ਕਰਵਾਉਣਾ ਸੁਰੱਖਿਅਤ ਰਹੇਗਾ। ਜਾਵਡੇਕਰ ਨੇ ਕਿਹਾ ਕਿ ਗਰਭਪਾਤ ਦੀ ਹੱਦ 24 ਹਫ਼ਤਿਆਂ ਤੱਕ ਲੈਣ ਤੋਂ ਬਾਅਦ ਇਹ ਕਦਮ ਬਲਾਤਕਾਰ ਪੀੜਤਾਂ ਅਤੇ ਨਾਬਾਲਗਾਂ ਦੀ ਸਹਾਇਤਾ ਕਰੇਗਾ।