ਅਯੁੱਧਿਆ ਦੀ ਮਸਜਿਦ ਦਾ ਨਾਂਅ 'ਸੂਫੀ ਮਸਜਿਦ' ਰੱਖਣ ਦੀ ਅਪੀਲ

ਬਾਬਰੀ ਮਸਜਿਦ ਦੀ ਥਾਂ ਅਯੁੱਧਿਆ ਦੇ ਧਨੀਪੁਰ ਪਿੰਡ ਵਿੱਚ ਦਿੱਤੀ ਗਈ ਜ਼ਮੀਨ 'ਤੇ ਬਨਣ ਵਾਲੀ ਜ਼ਮੀਨ ਦਾ ਨਾਂਅ ਸੂਫੀ ਮਸਜਿਦ ਰੱਖਣ ਦੀ ਅਪੀਲ ਕੀਤੀ ਗਈ ਹੈ।

ਕਾਨਪੁਰ: ਮਦਾਰੀਆ ਸੂਫੀ ਫਾਊਂਡੇਸ਼ਨ ਨੇ ਯੂਪੀ ਸੈਂਟਰਲ ਵਕਫ ਬੋਰਡ ਨੂੰ ਚਿੱਠੀ ਲਿਖ ਕੇ ਸਰਕਾਰ ਵੱਲੋਂ ਬਾਬਰੀ ਮਸਜਿਦ ਦੀ ਥਾਂ ਅਯੁੱਧਿਆ ਦੇ ਧਨੀਪੁਰ ਪਿੰਡ ਵਿੱਚ ਦਿੱਤੀ ਗਈ ਜ਼ਮੀਨ 'ਤੇ ਬਨਣ ਵਾਲੀ ਜ਼ਮੀਨ ਦਾ ਨਾਂਅ ਸੂਫੀ ਮਸਜਿਦ ਰੱਖਣ ਦੀ ਅਪੀਲ ਕੀਤੀ ਹੈ।

ਮਦਾਰੀਆ ਸੂਫੀ ਫਾਊਂਡੇਸ਼ਨ ਦੇ ਮੁਖੀ ਹਾਜੀ ਮੁਹੰਮਦ ਸਮੀਰ ਅਜ਼ੀਜ਼ ਬੋਘਾਨੀ ਨੇ ਕਿਹਾ, "ਮਸਜਿਦ ਦਾ ਨਾਂਅ ਸੂਫੀ ਮਸਜਿਦ ਰੱਖਣ ਨਾਲ ਸਦਭਾਵਨਾ ਵਧੇਗੀ ਅਤੇ ਇਹ ਗੰਗਾ-ਜਮੂਨੀ ਤਹਿਜ਼ੀਬ ਨੂੰ ਅੱਗੇ ਵਧਾਏਗੀ। ਸੂਫੀ ਨੇਤਾਵਾਂ ਦੀ ਤਰਫੋਂ, ਦਰਗਾਹਾਂ ਦੇ ਸੱਜਾਦਾ ਨਸੀਨ, ਇਸਲਾਮਿਕ ਵਿਧਵਾਨ ਅਤੇ ਸਾਡੇ ਦੇਸ਼ ਦੇ ਸ਼ਾਂਤੀ ਪਸੰਦ ਲੋਕ, ਅਸੀਂ ਸਾਰੇ ਸੁੰਨੀ ਬੋਰਡ ਨੂੰ ਅਪੀਲ ਕਰਦੇ ਹਾਂ ਕਿ ਇਸ ਦਾ ਦੇਸ਼ ਵਿਆਪੀ ਸਕਾਰਾਤਮਕ ਪ੍ਰਭਾਵ ਪਵੇਗਾ।"

ਬੋਘਾਨੀ ਨੇ ਕਿਹਾ, “ਭਾਰਤ ਵੱਖ-ਵੱਖ ਧਰਮਾਂ, ਸੰਪਰਦਾਵਾਂ ਦੇ ਸ਼ਾਂਤਮਈ ਸਹਿ-ਮੌਜੂਦਗੀ ਦੀ ਇੱਕ ਉਦਾਹਰਣ ਹੈ। ਸੂਫੀ ਲੋਕ ਧਾਰਮਿਕ ਸੰਘਰਸ਼ ਤੋਂ ਦੂਰ ਰਹਿਣ ਵਾਲੇ ਅਤੇ ਸਮਾਜ ਦੇ ਸ਼ਾਂਤਮਈ ਮੈਂਬਰਾਂ ਵਜੋਂ ਜਾਣੇ ਜਾਂਦੇ ਹਨ। ਰੂਹਾਨੀਅਤ, ਸਹਿਣਸ਼ੀਲਤਾ ਅਤੇ ਵਿਸ਼ਵਵਿਆਪੀ ਸਦਭਾਵਨਾ ਨਾਲ ਸਬੰਧਤ ਸੂਫੀ ਦੀ ਸਿੱਖਿਆਵਾਂ ਅੱਜ ਵੀ ਆਮ ਲੋਕਾਂ ਨਾਲ ਸਬੰਧ ਰੱਖਦੀਆਂ ਹਨ। ਸੂਫੀਵਾਦ ਅੱਤਵਾਦ ਦਾ ਤੋੜ ਹੈ।"