ਉੱਤਰਕਾਸ਼ੀ ਦੇ ਬੰਗਾਣ 'ਚ ਭਾਰੀ ਤਬਾਹੀ, ਵੇਖਦੇ ਹੀ ਵੇਖਦੇ ਨਦੀ 'ਚ ਡਿੱਗੇ ਵਾਹਨ

ਉੱਤਰਾਖੰਡ ਦੇ ਉੱਤਰਕਾਸ਼ੀ ਵਿੱਚ ਲਗਾਤਾਰ ਪੈ ਰਹੇ ਮੀਂਹ ਕਾਰਨ ਚੱਲਦੇ ਭੂ-ਖੋਰ ਦੀਆਂ ਘਟਨਾਵਾਂ ਸਾਹਮਣੇ ਆਉਣ ਲੱਗੀਆਂ ਹਨ। ਜ਼ਿਲ੍ਹੇ ਦੇ ਬੰਗਾਣ ਵਿੱਚ ਭੂ-ਖੋਰ ਕਾਰਨ ਕਈ ਵਾਹਨ ਨਦੀ ਵਿੱਚ ਡਿੱਗ ਗਏ।

ਉੱਤਰਕਾਸ਼ੀ: ਇੱਥੇ ਬੰਗਾਣ ਵਿੱਚ ਦਿਲ ਦਹਿਲਾ ਦੇਣ ਵਾਲਾ ਮੰਜ਼ਰ ਵੇਖਣ ਨੂੰ ਮਿਲਿਆ ਹੈ। ਪਹਾੜ ਖਿਸਕਣ ਕਾਰਨ ਗੱਡੀਆਂ ਖਿਡੌਣੇ ਵਾਂਗ ਨਦੀ ਵਿੱਚ ਡਿੱਗ ਰਹੀਆਂ ਹਨ। ਲੋਕਾਂ ਨੇ ਗੱਡੀਆਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਵੀ ਕੀਤੀ, ਪਰ ਕਾਮਯਾਬ ਨਾ ਹੋ ਸਕੇ।

ਤਸਵੀਰਾਂ ਵਿੱਚ ਸਾਫ਼ ਵੇਖਿਆ ਜਾ ਸਕਦਾ ਹੈ ਕਿ ਕਿਨ੍ਹਾਂ ਭਿਆਨਕ ਮੰਜ਼ਰ ਹੋਵੇਗਾ, ਜਦੋਂ ਲੋਕਾਂ ਨੂੰ ਆਪਣੇ ਵਾਹਨ ਛੱਡ ਦੂਰ ਭੱਜਣਾ ਪਿਆ ਹੋਵੇਗਾ ਅਤੇ ਜੇ ਉਹ ਵਾਹਨਾਂ ਤੋਂ ਨਾ ਉਤਰਦੇ ਤਾਂ ਜਾਨੀ ਨੁਕਸਾਨ ਵੀ ਹੋ ਸਕਦਾ ਸੀ। ਲੋਕਾਂ ਦੀਆਂ ਅੱਖਾਂ ਦੇ ਸਾਹਮਣੇ ਵੇਖਦੇ ਹੀ ਵੇਖਦੇ ਉਨ੍ਹਾਂ ਦੇ ਸਾਰੇ ਵਾਹਨ ਨਦੀ ਵਿੱਚ ਡਿੱਗ ਪਏ।ਉੱਥੇ ਹੀ, ਲੋਕਾਂ ਦਾ ਕਹਿਣਾ ਹੈ ਉਨ੍ਹਾਂ ਨੇ ਤਬਾਹੀ ਦਾ ਇਹ ਮੰਜ਼ਰ ਆਪਣੀ ਅੱਖਾਂ ਨਾਲ ਵੇਖਿਆ ਹੈ। ਕਿਵੇਂ ਤਾਸ਼ ਦੇ ਪੱਤਿਆਂ ਵਾਂਗ ਗੱਡੀਆਂ ਨਦੀ ਵਿੱਚ ਚਲੀਆਂ ਗਈਆਂ। ਹਾਲਾਂਕਿ, ਸਰਕਾਰ ਵਲੋਂ ਇਸ ਕੁਦਰਤੀ ਆਫ਼ਤ ਦੇ ਪੀੜਤਾਂ ਲਈ ਮੁਆਵਜ਼ੇ ਦਾ ਐਲਾਨ ਹੋ ਗਿਆ ਹੈ। ਪਰ, ਇਹ ਮੁਆਵਜ਼ੇ ਦੀ ਰਕਮ ਪੀੜਤਾਂ ਲਈ ਕਾਫ਼ੀ ਨਹੀਂ ਹੈ।