ਰਿਸ਼ੀਕੇਸ਼ ਨੇੜੇ ਖੱਡ 'ਚ ਡਿੱਗੀ JCB ਤੇ ਪੋਕਲੇਨ, 2 ਪੰਜਾਬਵਾਸੀਆਂ ਸਣੇ 3 ਦੀ ਮੌਤ

ਰਿਸ਼ੀਕੇਸ਼ ਨੇੜੇ ਕੌਡੀਆਲਾ ਵਿੱਚ ਇੱਕ ਵੱਡਾ ਹਾਦਸਾ ਹੋਇਆ ਹੈ। ਇਥੇ ਇਕ ਜੇਸੀਬੀ ਅਤੇ ਇਕ ਪੋਕਲੇਨ ਖੱਡ ਵਿਚ ਡਿੱਗ ਗਏ ਹਨ। ਇਸ ਹਾਦਸੇ ਵਿੱਚ ਜੇਸੀਬੀ ਦੇ ਡਰਾਈਵਰ ਅਤੇ ਪੋਕਲੇਨ ਦੇ ਆਪਰੇਟਰ ਸਣੇ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਹੈ।

ਰਿਸ਼ੀਕੇਸ਼: ਕੌਡੀਆਲਾ ਨੇੜੇ ਭਾਰੀ ਚੱਟਾਨਾਂ ਖਿਸਕਣ ਕਾਰਨ ਇੱਕ ਜੇਸੀਬੀ ਤੇ ਪੋਕਲੇਨ ਖੱਡ ਵਿੱਚ ਡਿੱਗ ਗਈ ਹੈ। ਹਾਦਸੇ ਵਿੱਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਹੈ ਜਿਸ ਵਿੱਚ 2 ਪੰਜਾਬ ਦੇ ਲੋਕ ਸ਼ਾਮਲ ਹਨ। ਰਾਹਤ ਤੇ ਬਚਾਅ ਕਾਰਜ ਜਾਰੀ ਹੈ।

ਦੱਸਿਆ ਜਾ ਰਿਹਾ ਹੈ ਕਿ ਮਜ਼ਦੂਰ ਕੰਮ ਖ਼ਤਮ ਕਰਕੇ ਵਾਪਸ ਆ ਰਹੇ ਸੀ ਅਤੇ ਇਸੇ ਦੌਰਾਨ ਅਚਾਨਕ ਢਿੱਗਾਂ ਡਿੱਗ ਗਈਆਂ ਜਿਸ ਕਾਰਨ ਇਹ ਸਾਰੇ ਲੋਕ ਮਲਬੇ ਹੇਠ ਦੱਬ ਗਏ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਐਸਡੀਆਰਐਫ ਦੀ ਟੀਮ ਮੌਕੇ ਉੱਤੇ ਪਹੁੰਚੀ।

ਫ਼ੋਟੋ।

ਟੀਮ ਨੂੰ ਤਿੰਨ ਲੋਕਾਂ ਨੇ ਮਲਬੇ ਹੇਠ ਦੱਬੇ ਹੋਣ ਦੀ ਜਾਣਕਾਰੀ ਮਿਲੀ ਹੈ। ਮਜ਼ਦੂਰ ਅਤੇ ਚਾਲਕ ਭਾਰੀ ਚੱਟਾਨਾ ਹੇਠ ਦੱਬੇ ਸੀ। ਪੋਕਲੇਨ ਤੋਂ ਵੀ ਪੈਟਰੋਲ ਲੀਕ ਹੋਇਆ ਹੈ। ਇਸੇ ਕਾਰਨ ਕਟਿੰਗ ਦੇ ਕੰਮ ਵਿੱਚ ਮੁਸ਼ਕਲ ਆ ਰਹੀ ਹੈ।

ਹਾਦਸਾਗ੍ਰਸਤ ਜੇਸੀਬੀ ਨੰਬਰ- ਐਚਆਰ 06 ਏਵੀ 0924 ਆਪਰੇਟਰ 32 ਸਾਲ ਪ੍ਰਭਾਤ ਰਾਜੇਸ਼ ਮਾਜਰਾ ਤਾਰਾਗੜ ਪਠਾਨਕੋਟ ਦਾ ਰਹਿਣ ਵਾਲਾ ਹੈ। ਪੋਕਲੇਨ ਦੇ 40 ਸਾਲਾ ਡਰਾਈਵਰ ਸੰਜੀਵ ਕੁਮਾਰ ਮਾਜਰਾ ਖਿਆਲਾ,ਪਠਾਨਕੋਟ ਦਾ ਰਹਿਣ ਵਾਲਾ ਹੈ।