ਜੈਪੁਰ ਬਣਿਆ ਵਿਸ਼ਵ ਦਾ ਵਿਰਾਸਤੀ ਸ਼ਹਿਰ

ਜੈਪੁਰ ਯੂਨੈਸਕੋ ਦੀ ਆਲਮ ਵਿਰਾਸਤੀ ਥਾਂਵਾਂ ਦੀ ਸੂਚੀ 'ਚ ਸ਼ਾਮਿਲ ਹੋ ਗਿਆ ਹੈ ਇਹ ਫੈ਼ਸਲਾ ਬਾਕੂ(ਅਜ਼ਰਬੈਜਾਨ) 'ਚ ਯੂਨੈਸਕੋ ਦੀ 30 ਜੂਨ ਤੋਂ 10 ਜੁਲਾਈ ਤਕ ਚੱਲਣ ਵਾਲੀ ਬੈਠਕ 'ਚ ਲਿਆ ਹੈ।

ਨਵੀ ਦਿੱਲੀ: ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ ਯੂਨੈਸਕੋ ਦੀ ਆਲਮੀ ਵਿਰਾਸਤੀ ਥਾਂਵਾਂ ਦੀ ਸੂਚੀ 'ਚ ਸ਼ਾਮਿਲ ਹੋ ਗਿਆ ਹੈ। ਜੈਪੁਰ ਨੂੰ ਸਨਿਚਰਵਾਰ ਨੂੰ ਇਹ ਖਾਸ ਪਛਾਣ ਮਿਲੀ ਹੈ ਇਹ ਫੈ਼ਸਲਾ ਬਾਕੂ (ਅਜ਼ਰਬੈਜਾਨ) 'ਚ ਯੂਨੈਸਕੋ ਦੀ 30 ਜੂਨ ਤੋਂ 10 ਜੁਲਾਈ ਤਕ ਚੱਲਣ ਵਾਲੀ ਬੈਠਕ 'ਚ ਲਿਆ ਹੈ।
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਜੈਪੁਰ ਨੂੰ ਗਲੋਬਲ ਹੈਰੀਟੇਜ ਦੀ ਲਿਸਟ 'ਚ ਸ਼ਾਮਿਲ ਕਰਨ 'ਤੇ ਖੁਸ਼ੀ ਜ਼ਾਹਿਰ ਕੀਤੀ ਹੈ। ਇਸ ਬਾਰੇ ਉਨ੍ਹਾਂ ਨੇ ਟਵੀਟ ਕਰਦੇ ਹੋਏ ਕਿਹਾ, "ਜੈਪੁਰ ਸੱਭਿਆਚਾਰ ਅਤੇ ਬਹਾਦਰੀ ਨਾਲ ਜੁੜਿਆ ਸ਼ਹਿਰ ਹੈ। ਮੈਨੂੰ ਖੁਸ਼ੀ ਹੈ ਕਿ ਯੂਨੈਸਕੋ ਨੇ ਜੈਪੁਰ ਨੂੰ ਆਲਮੀ ਵਿਰਾਸਤ ਥਾਂ ਦੇ ਤੌਰ 'ਤੇ ਚੁਣਿਆ ਹੈ।

ਯੂਨੈਸਕੋ ਦੀ ਗਲੋਬਲ ਹੈਰੀਟੇਜ਼ ਕਮੇਟੀ ਦੇ 43ਵੇਂ ਸੈਸ਼ਨ ਦੀ ਬੈਠਕ 'ਚ ਜੈਪੁਰ ਨੂੰ ਇਹ ਸਨਮਾਨ ਦਿੱਤਾ ਗਿਆ ਹੈ। ਬੈਠਕ ਤੋਂ ਬਾਅਦ ਯੂਨੇਸਕੋ ਨੇ ਵੀ ਟਵੀਟ ਕਰ ਇਸ ਦੀ ਜਾਣਕਾਰੀ ਦਿੱਤੀ।