ਮਾਸੂਮ ਬੱਚੀ ਦੇ ਇਲਾਜ ਲਈ ਡਾਕਟਰਾਂ ਨੇ ਵਰਤਿਆ ਅਨੋਖਾ ਤਰੀਕਾ

11 ਮਹੀਨੇ ਦੀ ਇੱਕ ਮਾਸੂਮ ਬੱਚੀ ਦੇ ਇਲਾਜ ਲਈ ਡਾਕਟਰਾਂ ਨੂੰ ਪਹਿਲਾਂ ਉਸ ਦੀ ਗੁੱਡੀ ਦੀ ਪੱਟੀ ਕਰਨੀ ਪਈ। ਦਰਅਸਲ ਬੱਚੀ ਨੂੰ ਆਪਣੀ ਇਸ ਗੁੱਡੀ ਨਾਲ ਇਨ੍ਹਾਂ ਪਿਆਰ ਸੀ ਕਿ ਉਸ ਨੇ ਗੁੱਡੀ ਦਾ ਇਲਾਜ ਹੋਣ ਤੋਂ ਬਾਅਦ ਹੀ ਆਪਣਾ ਇਲਾਜ ਕਰਵਾਇਆ।

ਨਵੀਂ ਦਿੱਲੀ : ਰਾਜਧਾਨੀ ਦੇ ਲੋਕਨਾਇਕ ਜੈਪ੍ਰਕਾਸ਼ ਹਸਪਤਾਲ ਵਿੱਚ ਅਨੋਖਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਨੂੰ ਸੁਣ ਤੇ ਵੇਖ ਕੇ ਹਰ ਕੋਈ ਹੈਰਾਨ ਹੈ। ਇਥੇ ਇੱਕ 11 ਮਹੀਨੇ ਦੀ ਬੱਚੀ ਨੂੰ ਇਲਾਜ ਲਈ ਲਿਆਂਦਾ ਗਿਆ। ਬੱਚੀ ਦੇ ਪੈਰ 'ਚ ਫ੍ਰੈਕਚਰ ਹੋਣ ਕਾਰਨ ਪਲਾਸਟ ਕੀਤਾ ਜਾਣਾ ਸੀ ਪਰ ਡਾਕਟਰਾਂ ਨੂੰ ਪਹਿਲਾਂ ਉਸ ਦੀ ਗੁੱਡੀ ਦਾ ਪਲਾਸਟਰ ਕਰਨਾ ਪਿਆ। ਗੁੱਡੀ ਦਾ ਪਲਾਸਟਰ ਹੋਣ ਤੋਂ ਬਾਅਦ ਹੀ ਬੱਚੀ ਦਾ ਪਲਾਸਟਰ ਹੋ ਸਕੀਆ।

11 ਮਹੀਨੇ ਦੀ ਇਸ ਮਾਸੂਮ ਬੱਚੀ ਨੂੰ ਆਪਣੀ ਗੁੱਡੀ ਨਾਲ ਖ਼ਾਸ ਲਗਾਵ ਸੀ। ਜਦੋਂ ਡਾਕਟਰਾਂ ਨੇ ਗੁੱਡੀ ਦਾ ਪਲਾਸਟਰ ਕੀਤਾ ਉਸ ਤੋਂ ਬਾਅਦ ਮਾਸੂਮ ਬੱਚੀ ਆਪਣੇ ਪੈਰ 'ਚ ਪਲਾਸਟਰ ਕਰਵਾਉਣ ਲਈ ਤਿਆਰ ਹੋਈ। ਡਾਕਟਰਾਂ ਨੇ ਗੁੱਡੀ ਨੂੰ ਵੀ ਉਸੇ ਤਰੀਕੇ ਨਾਲ ਪਲਾਸਟਰ ਕੀਤਾ ਹੈ ਜਿਵੇਂ ਕਿ ਬੱਚੀ ਦੇ ਪੈਰਾਂ ਵਿੱਚ ਕੀਤਾ ਹੈ।

ਫੋਟੋ

ਡਾਕਟਰਾਂ ਨੇ ਕਿੰਝ ਕੀਤਾ ਅਨੋਖੇ ਤਰੀਕੇ ਨਾਲ ਇਲਾਜ :

ਹੱਡੀਆਂ ਦੇ ਮਾਹਿਰ ਡਾ. ਅੱਤੁਲ ਗੁਪਤਾ ਨੇ ਦੱਸਿਆ ਕਿ ਬੱਚੀ ਦਾ ਪਰਿਵਾਰ ਦਰਿਆਗੰਜ ਦਾ ਵਸਨੀਕ ਹੈ। 11 ਮਹੀਨੇ ਦੀ ਮਾਸੂਮ ਬੱਚੀ ਫਰੀਨ ਨੂੰ ਖੇਡਦੇ ਹੋਏ ਬੈਡ ਤੋਂ ਹੇਠਾਂ ਡਿੱਗ ਗਈ ਸੀ, ਜਿਸ ਤੋਂ ਬਾਅਦ ਉਸ ਦੇ ਦੋਹਾਂ ਪੈਰਾਂ ਵਿੱਚ ਫ੍ਰੈਕਚਰ ਹੋ ਗਿਆ। ਇਲਾਜ ਦੇ ਦੌਰਾਨ ਬੱਚੀ ਕਾਫੀ ਰੋ ਰਹੀ ਸੀ। ਜਿਸ ਕਾਰਨ ਡਾਕਟਰੀ ਟੀਮ ਨੂੰ ਉਸ ਦੇ ਪੈਰ ਵਿੱਚ ਪਲਾਸਟਰ ਕਰਨ ਵਿੱਚ ਮੂਸ਼ਕਲ ਆ ਰਹੀ ਸੀ। ਇਸ ਵਿਚਾਲੇ ਬੱਚੀ ਨੇ ਗੁੱਡੀ ਦੀ ਮੰਗ ਕੀਤੀ। ਪਰਿਵਾਰ ਵੱਲੋਂ ਗੁੱਡੀ ਲਿਆ ਕੇ ਦੇਣ 'ਤੇ ਬੱਚੀ ਖੁਸ਼ ਹੋ ਗਈ।

ਡਾਕਟਰੀ ਟੀਮ ਨੇ ਬੱਚੀ ਦਾ ਗੁੱਡੀ ਨਾਲ ਲਗਾਵ ਵੇਖ ਕੇ ਪਹਿਲਾਂ ਗੁੱਡੀ ਨੂੰ ਟੀਕਾ ਲਗਾਇਆ ਅਤੇ ਫੇਰ ਬੱਚੀ ਨੂੰ ਟੀਕਾ ਲਗਾਇਆ ਗਿਆ। ਡਾਕਟਰ ਨੇ ਪਹਿਲਾਂ ਗੁੱਡੀ ਦੇ ਪੈਰ ਵਿੱਚ ਪਲਾਸਟਰ ਕੀਤਾ ਅਤੇ ਬਾਅਦ ਵਿੱਚ ਬੱਚੀ ਦੇ ਪੈਰ ਵਿੱਚ ਪਲਾਸਟਰ ਕਰਕੇ ਉਸ ਦੀ ਪੱਟੀ ਕੀਤੀ। ਡਾਕਟਰ ਨੇ ਦੱਸਿਆ ਕਿ ਜਦ ਬੱਚੀ ਨੇ ਵੇਖਿਆ ਕਿ ਉਸ ਦੀ ਗੁੱਡੀ ਦਾ ਵੀ ਇਲਾਜ ਹੋ ਰਿਹਾ ਹੈ ਤਾਂ ਉਹ ਬਿਲਕੁੱਲ ਨਹੀਂ ਰੋਈ ਅਤੇ ਅਸਾਨੀ ਨਾਲ ਉਸ ਦਾ ਇਲਾਜ ਕੀਤਾ ਜਾ ਸਕੀਆਂ।

ਬੱਚੀ ਲਈ ਖ਼ਾਸ ਹੈ ਗੁੱਡੀ :

ਬੱਚੀ ਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਬੱਚੀ ਨੂੰ ਆਪਣੀ ਇਸ ਗੁੱਡੀ ਨਾਲ ਬੇਹਦ ਲਗਾਵ ਹੈ। ਉਨ੍ਹਾਂ ਦੱਸਿਆ ਕਿ ਫਰੀਨ ਜਦ ਦੋ ਮਹੀਨੇ ਦੀ ਸੀ ਉਸ ਵੇਲੇ ਉਸ ਦੀ ਦਾਦੀ ਨੇ ਉਸ ਨੂੰ ਇਸ ਗੁੱਡੀ ਤੋਹਫੇ ਵਜੋਂ ਦਿੱਤੀ ਸੀ। ਗੁੱਡੀ ਨਾਲ ਅਹਿਜਾ ਲਗਾਵ ਦੇਖ ਕੇ ਪਰਿਵਾਰਕ ਲੋਕ ਵੀ ਹੈਰਾਨ ਹਨ ਪਰ ਉਹ ਇਸ ਗੱਲ ਤੋਂ ਖੁਸ਼ ਵੀ ਹਨ ਕਿ ਗੁੱਡੀ ਨੂੰ ਵੇਖ ਕੇ ਫਰੀਨ ਨੇ ਇਲਾਜ ਕਰਵਾ ਲਿਆ। ਫਿਲਹਾਲ ਬੱਚੀ ਦਾ ਇਲਾਜ ਜਾਰੀ ਹੈ ਅਤੇ ਬੱਚੀ ਦਾ ਪਰਿਵਾਰ ਅਤੇ ਡਾਕਟਰ ਬੇਹਦ ਖੁਸ਼ ਹਨ।