ਚੰਡੀਗੜ੍ਹ: ਕੋਰੋਨਾ ਵਾਇਰਸ ਦਾ ਕਹਿਰ ਪੂਰੀ ਦੁਨੀਆਂ ਵਿੱਚ ਵਧਦਾ ਜਾ ਰਿਹਾ ਹੈ। ਵਾਇਰਸ ਕਾਰਨ ਪੂਰੀ ਦੁਨੀਆਂ ਵਿੱਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ। ਵਾਇਰਸ ਦੇ ਚੱਲਦੇ ਹੁਣ ਇੰਡੀਗੋ ਨੇ ਚੰਡੀਗੜ੍ਹ ਤੋਂ ਦੁਬਈ ਜਾਣ ਵਾਲੀਆਂ ਉਡਾਣਾਂ 30 ਮਾਰਚ ਤੱਕ ਰੱਦ ਕਰ ਦਿੱਤੀਆਂ ਹਨ।
ਉੱਥੇ ਹੀ ਅੰਮ੍ਰਿਤਸਰ ਤੋਂ ਦੁਬਈ ਵਿਚਾਲੇ ਚੱਲਣ ਵਾਲੀ ਸਪਾਈਸ ਜੈੱਟ ਦੀ ਉਡਾਣ 22 ਅਪ੍ਰੈਲ ਤੱਕ ਰੱਦ ਕਰ ਦਿੱਤੀ ਗਈ ਹੈ। ਕੋਰੋਨਾ ਵਾਇਰਸ ਕਾਰਨ ਅੰਮ੍ਰਿਤਸਰ ਤੋਂ ਦੁਬਈ ਵਿਚਾਲੇ ਚੱਲਣ ਵਾਲੀ ਸਪਾਈਸ ਜੈੱਟ ਦੀ ਉਡਾਣ ਅੱਜ 6 ਯਾਤਰੀਆਂ ਸਮੇਤ ਦੁਬਈ ਨੂੰ ਰਵਾਨਾ ਹੋਈ। ਜਦੋਂ ਕਿ ਇੰਡੀਅਨ ਪਾਸਪੋਰਟ ਵਾਲੇ ਸਾਰੇ ਯਾਤਰੀਆਂ ਨੂੰ ਇਸ ਵਿੱਚ ਸਫ਼ਰ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ। ਜਿਹੜੇ 6 ਯਾਤਰੀ ਲੈ ਕੇ ਰਵਾਨਾ ਹੋਈ ਹੈ। ਉਹ ਯੂਕੇ ਜਾਣ ਵਾਲੇ ਹਨ। ਪਤਾ ਲਗਾ ਹੈ ਕਿ ਇਨ੍ਹਾਂ 6 ਯਾਤਰੀਆਂ ਨੂੰ ਇਸ ਉਡਾਣ ਤੋਂ ਉਤਾਰ ਕੇ ਦੁਬਈ ਵਿਖੇ ਦੂਜੀ ਉਡਾਣ ਵਿਚ ਬੈਠਾ ਦਿੱਤਾ ਜਾਵੇਗਾ ਤੇ ਹਵਾਈ ਅੱਡੇ ਅੰਦਰ ਪ੍ਰਵੇਸ਼ ਨਹੀਂ ਕਰਨ ਦਿੱਤਾ ਜਾਵੇਗਾ। ਇਸ ਤਰ੍ਹਾਂ ਇਹ ਉਡਾਣ 22 ਅਪ੍ਰੈਲ ਤੱਕ ਰੱਦ ਹੋ ਗਈ ਹੈ।