ਫਿਰੋਜ਼ਪੁਰ: ਆਸਟ੍ਰੇਲੀਆ ਤੋਂ ਵਾਇਆ ਮਲੇਸ਼ੀਆ ਭਾਰਤ ਆ ਰਹੇ 530 ਭਾਰਤੀ ਪਿਛਲੇ ਦੋ ਦਿਨਾਂ ਤੋਂ ਕੁਆਲਾਮਪੁਰ ਹਵਾਈ ਅੱਡੇ 'ਤੇ ਭੁੱਖੇ ਪਿਆਸੇ ਫ਼ਸੇ ਹੋਏ ਹਨ। ਉੱਥੇ ਹੀ ਫਿਲੀਪੀਂਸ ਵਿੱਚ ਪੜਣ ਗਏ ਭਾਰਤੀ ਵਿਦਿਆਰਥੀ ਵੀ ਹਵਾਈ ਅੱਡੇ ਉੱਤੇ ਖੜੇ ਮਦਦ ਦੀ ਗੁਹਾਰ ਲਗਾ ਰਹੇ ਹਨ। ਕੋਰੋਨਾ ਵਾਇਰਸ ਦੇ ਚੱਲਦੇ ਭਾਰਤ ਨੇ ਏਸ਼ੀਆਈ ਦੇਸ਼ਾਂ ਤੋਂ ਭਾਰਤ ਵੱਲ ਨੂੰ ਸਾਰੀਆਂ ਉਡਾਣਾਂ ਨੂੰ ਭਾਰਤ ਦੇ ਅੰਦਰ ਆਣ ਦੀ ਮਨਾਹੀ ਕੀਤੀ ਗਈ ਹੈ ਜਿਸ ਕਾਰਨ ਯਾਤਰੀ ਪਰੇਸ਼ਾਨ ਹੋ ਰਹੇ ਹਨ।
ਵੇਖੋ ਵੀਡੀਓ
ਫ਼ਸੇ ਹੋਏ ਯਾਤਰੀਆਂ ਵਿੱਚ ਮਹਿਲਾਵਾਂ, ਪੁਰਸ਼, ਵਿਦਿਆਰਥੀ, ਬੱਚੇ ਤੇ ਬਜ਼ੁਰਗ ਵੀ ਸ਼ਾਮਲ ਹਨ। ਪਿਛਲੇ 2 ਦਿਨ ਤੋਂ ਅੱਡੇ ਉੱਤੇ ਰਹਿਣ ਕਾਰਨ ਬਜ਼ੁਰਗਾਂ ਤੇ ਬੱਚਿਆਂ ਨੂੰ ਬਹੁਤ ਤੰਗ ਪਰੇਸ਼ਾਨ ਹੋਣਾ ਪੈ ਰਿਹਾ ਹੈ। ਇਨ੍ਹਾਂ ਵਿੱਚ ਕਈ ਯਾਤਰੀ ਪੰਜਾਬ, ਰਾਜਸਥਾਨ ਆਦਿ ਸੂਬਿਆਂ ਤੋਂ ਹਨ।