ਨਵੀਂ ਦਿੱਲੀ: ਪੂਰਬੀ ਲੱਦਾਖ ਦੀ ਗਲਵਾਨ ਘਾਟੀ 'ਚ ਸਰਹੱਦੀ ਵਿਵਾਦ 'ਤੇ ਅੱਜ ਭਾਰਤੀ ਅਤੇ ਚੀਨੀ ਫੌਜਾਂ ਵਿਚਕਾਰ ਕੋਰ ਕਮਾਂਡਰ ਪੱਧਰ 'ਤੇ ਗੱਲਬਾਤ ਹੋ ਰਹੀ ਹੈ। ਇਹ ਗੱਲਬਾਤ ਅਸਲ ਕੰਟਰੋਲ ਰੇਖਾ 'ਤੇ ਚੀਨੀ ਕੰਟਰੋਲ ਖੇਤਰ ਮੋਲਦੋ 'ਚ ਹੋ ਰਹੀ ਹੈ। ਫੌਜੀ ਸੂਤਰਾਂ ਨੇ ਦੱਸਿਆ ਕਿ ਬੈਠਕ ਸਵੇਰੇ 11 ਵਜੇ ਸ਼ੁਰੂ ਹੋਈ, ਜਿਸ ਵਿੱਚ ਭਾਰਤੀ ਪੱਖ ਵੱਲੋਂ ਉਂਗਲੀ ਖੇਤਰ ਤੋਂ ਚੀਨ ਵੱਲੋਂ ਪੂਰਾ ਵਿਘਟਨ ‘ਤੇ ਜ਼ੋਰ ਦਿੱਤਾ ਜਾਵੇਗਾ।
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ‘ਡਿਸਇੰਗੇਜਮੇਂਟ ਅਤੇ ਡੀ-ਐਸਕੇਲੇਸ਼ਨ ਪ੍ਰਕਿਰਿਆ’ ਨੂੰ ਲੈ ਕੇ ਹੋਣ ਵਾਲੀ ਕੋਰ ਕਮਾਂਡਰ ਪੱਧਰ ਦੀ ਗੱਲਬਾਤ ਮੁਲਤਵੀ ਕਰ ਦਿੱਤੀ ਗਈ ਸੀ। ਕੋਰ ਕਮਾਂਡਰ ਪੱਧਰ ਦੀ ਬੈਠਕ ਹੋਣ ਦੇ ਬਾਵਜੂਦ ਚੀਨੀ ਫੌਜ ਨਾਲ ਸਮਝੌਤਾ ਨਹੀਂ ਹੋ ਸਕਿਆ ਸੀ।