ਨਵੀਂ ਦਿੱਲੀ: 20 ਅਕਤੂਬਰ ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਕੰਟਰੋਲ ਰੇਖਾ (ਐਲਓਸੀ) 'ਤੇ ਸਭ ਤੋਂ ਵੱਡੇ ਖੂਨੀ ਦਿਨਾਂ ਵਿਚੋਂ ਇੱਕ ਹੈ। ਇਸ ਦਿਨ 9 ਫ਼ੌਜੀਆਂ ਤੇ ਆਮ ਨਾਗਰਿਕਾਂ ਦੀ ਸਹੀਦੀ ਦੀ ਪੁਸ਼ਟੀ ਕੀਤੀ ਗਈ ਸੀ ਤੇ ਦੋਵਾਂ ਦੇਸ਼ਾਂ ਨੇ ਇਸ ਨਾਲ ਵੱਡਾ ਨੁਕਸਾਨ ਹੋਣ ਦਾ ਦਾਅਵਾ ਕੀਤਾ ਸੀ।
ਇੰਡੀਅਨ ਆਰਮੀ ਦੇ ਤੋਪਖਾਨਾ ਬੈਰਾਜ ਨੇ ਪਾਕਿਸਤਾਨੀ ਚੌਕੀਆਂ, ਬੰਦੂਕ ਦੀਆਂ ਥਾਵਾਂ ਅਤੇ ਅੱਤਵਾਦੀ ਲਾਂਚ ਪੈਡਾਂ ਨੂੰ ਉਡਾ ਦਿੱਤਾ ਸੀ। ਇਸ ਬਾਰੇ ਦੱਸਦਿਆਂ ਜਨਰਲ ਬਿਪਿਨ ਰਾਵਤ ਨੇ ਕਿਹਾ ਕਿ "6 ਤੋਂ 10 ਪਾਕਿਸਤਾਨੀ ਫ਼ੌਜੀ ਮਾਰੇ ਗਏ ਸਨ ਅਤੇ ਤਿੰਨ ਅੱਤਵਾਦੀ ਕੈਂਪ ਨਸ਼ਟ ਹੋ ਗਏ ਹਨ।" ਉਥੇ ਹੀ ਪਾਕਿ ਆਰਮੀ ਨੇ ਮੀਡੀਆ ਵਿੰਗ ਦੇ ਭਾਰਤੀ ਬਿਆਨਾਂ ਨੂੰ ਖਾਰਜ ਕਰਦਿਆਂ, 9 ਭਾਰਤੀ ਸੈਨਿਕਾਂ ਮਾਰਨ ਦਾ ਦਾਅਵਾ ਕੀਤਾ ਹੈ।
2016 ਦੇ ਸਰਜੀਕਲ ਦੀ ਨਿਗਰਾਨੀ ਕਰਨ ਵਾਲੇ ਲੈਫਟੀਨੈਂਟ ਜਨਰਲ (ਸੇਵਾਮੁਕਤ) ਡੀਐਸ ਹੁੱਡਾ ਨੇ ਲਿਖਿਆ ਕਿ ਸਰਹੱਦ ਨਾਲ ਚੱਲ ਰਹੀ ਹਿੰਸਾ ਦੇ ਮੌਜੂਦਾ ਚੱਕਰ ਦਾ ਹੱਲ ਸਿਧਾਂਤਕ ਤੌਰ 'ਤੇ ਅਸਾਨ ਹੈ ਪਰ ਇਸ ਨੂੰ ਚਲਾਉਣਾ ਮੁਸ਼ਕਲ ਹੈ ਕਿਉਂਕਿ ਪਾਕਿਸਤਾਨ ਨੇ ਘੁਸਪੈਠ 'ਤੇ ਰੋਕ ਲਗਾ ਦਿੱਤੀ। ਆਮ ਤੌਰ 'ਤੇ ਸਵੀਕਾਰੇ ਗਏ ਇਸ ਵਿਚਾਰ ਨਾਲ ਕਿ ਪਾਕਿਸਤਾਨੀ ਫੌਜਾਂ ਨੇ ਘੁਸਪੈਠ ਕਰਨ ਵਾਲੇ ਅੱਤਵਾਦੀਆਂ ਨੂੰ ਕਵਰ ਕਰਨ ਲਈ ਭਾਰਤੀ ਚੌਕੀਆਂ 'ਤੇ ਗੋਲੀਬਾਰੀ ਸ਼ੁਰੂ ਕਰ ਦਿੰਦੀ ਹੈ। ਹਿੰਸਕ ਘਟਨਾਵਾਂ ਆਪਣੇ ਆਪ ਘਟੇਗੀ ਅਤੇ ਇਸ ਨਾਲ ਹੀ ਭਾਰਤੀ ਫ਼ੌਜ ਦੀ ਜਵਾਬੀ ਕਾਰਵਾਈ ਵੀ ਘੱਟ ਹੋਵੇਗੀ।