ਹੈਦਰਾਬਾਦ 'ਚ ਸੜਕ ਹਾਦਸਾ, ਤੇਲੰਗਾਨਾ ਪੁਲਿਸ ਅਕੈਡਮੀ ਦੇ ਡਾਇਰੈਕਟਰ ਸ੍ਰੀਨਿਵਾਸ ਜ਼ਖਮੀ

ਹੈਦਰਾਬਾਦ ਦੇ ਆਊਟਰ ਰਿੰਗ ਰੋਡ 'ਤੇ ਹੋਏ ਇੱਕ ਸੜਕ ਹਾਦਸੇ ਵਿੱਚ ਸੀਨੀਅਰ ਆਈਪੀਐਸ ਅਧਿਕਾਰੀ ਵੀਵੀ ਸ਼੍ਰੀਨਿਵਾਸ ਸਣੇ 2 ਲੋਕ ਜ਼ਖਮੀ ਹੋ ਗਏ ਹਨ।

ਹੈਦਰਾਬਾਦ : ਤੇਲੰਗਾਨਾ ਦੀ ਰਾਜਧਾਨੀ ਹੈਦਰਾਬਾਦ ਦੇ ਆਊਟਰ ਰਿੰਗ ਰੋਡ 'ਤੇ ਭਿਆਨਕ ਸੜਕ ਹਾਦਸਾ ਵਾਪਰਿਆ। ਇਸ ਹਾਦਸੇ ਵਿੱਚ ਸੀਨੀਅਰ ਆਈਪੀਐਸ ਅਧਿਕਾਰੀ ਵੀਵੀ ਸ੍ਰੀਨਿਵਾਸ ਸਣੇ 2 ਲੋਕ ਗੰਭੀਰ ਜ਼ਖਮੀ ਹੋ ਗਏ।

ਦੱਸ ਦਈਏ ਕਿ ਸ੍ਰੀਨਿਵਾਸ ਤੇਲੰਗਾਨਾ ਪੁਲਿਸ ਅਕੈਡਮੀ ਦੇ ਡਾਇਰੈਕਟਰ ਵੀ ਹਨ। ਪ੍ਰਾਪਤ ਜਾਣਕਾਰੀ ਮੁਤਾਬਕ ਆਊਟਰ ਰਿੰਗ ਰੋਡ ਉੱਤੇ ਉਨ੍ਹਾਂ ਦੀ ਗੱਡੀ ਪਲਟ ਗਈ। ਇਸ ਹਾਦਸੇ ਵਿੱਚ ਆਈਪੀਐਸ ਅਧਿਕਾਰੀ ਵੀਵੀ ਸ੍ਰੀਨਿਵਾਸ ਅਤੇ ਉਨ੍ਹਾਂ ਦੇ ਡਰਾਈਵਰ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ।

ਵੀਵੀ ਸ੍ਰੀਨਿਵਾਸ ਅਤੇ ਉਨ੍ਹਾਂ ਦੇ ਡਰਾਈਵਰ ਨੂੰ ਇਲਾਜ ਲਈ ਗਾਚੀਬੋਲੀ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਭੇਜਿਆ ਗਿਆ ਹੈ। ਇਥੇ ਉਨ੍ਹਾਂ ਦੀ ਹਾਲਤ ਸਥਿਰ ਬਣੀ ਹੋਈ ਹੈ।

ਵੀਵੀ ਸ੍ਰੀਨਿਵਾਸ ਰਾਓ ਸਾਲ 1987 ਦੇ ਆਈਪੀਐਸ ਬੈਚ ਨਾਲ ਸਬੰਧਤ ਹਨ ਅਤੇ ਉਹ ਤੇਲੰਗਾਨਾ ਸੂਬਾ ਪੁਲਿਸ ਭਰਤੀ ਬੋਰਡ ਦੇ ਚੇਅਰਮੈਨ ਅਤੇ ਸੂਬਾ ਪੁਲਿਸ ਅਕੈਡਮੀ ਦੇ ਇੰਚਾਰਜ ਡਾਇਰੈਕਟਰ ਹਨ।