ਘਰੇਲੂ ਏਅਰਲਾਈਨਾਂ ਨੂੰ ਮਿਲੀ 45 ਫੀਸਦੀ ਤੱਕ ਉਡਾਣ ਭਰਨ ਦੀ ਮੰਜ਼ੂਰੀ

ਭਾਰਤੀ ਏਅਰਲਾਈਨਸ ਨੂੰ ਸਰਕਾਰ ਵੱਲੋਂ ਏਅਰਲਾਈਨਾਂ ਦੀ ਕੁੱਲ ਸਮਰੱਥਾ ਦੀ 45 ਫੀਸਦੀ ਤੱਕ ਉਡਾਣ ਭਰਨ ਦੀ ਮਨਜ਼ੂਰੀ ਮਿਲ ਗਈ ਹੈ। ਹਵਾਬਾਜ਼ੀ ਮੰਤਰਾਲੇ ਨੇ 25 ਮਈ ਤੋਂ ਘਰੇਲੂ ਯਾਤਰੀ ਸੇਵਾਵਾਂ ਦੇ ਕੰਮ ਨੂੰ ਮਨਜ਼ੂਰੀ ਦੇ ਦਿੱਤੀ ਸੀ। ਹਾਲਾਂਕਿ, ਵਾਇਰਸ ਦੇ ਫੈਲਣ ਨੂੰ ਰੋਕਣ ਲਈ, ਸਿਰਫ ਇੱਕ ਤਿਹਾਈ ਉਡਾਣਾਂ ਨੂੰ ਮਨਜ਼ੂਰੀ ਦਿੱਤੀ ਗਈ ਸੀ।

ਨਵੀਂ ਦਿੱਲੀ : ਕੇਂਦਰ ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਭਾਰਤੀ ਏਅਰਲਾਈਨਸ ਨੂੰ ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਦੌਰ ਤੋਂ ਪਹਿਲਾਂ ਉਨ੍ਹਾਂ ਦੀ ਘਰੇਲੂ ਉਡਾਣ ਸੇਵਾਵਾਂ ਦੀ ਕੁੱਲ ਸਮਰਥਾ ਦੇ ਹਿਸਾਬ ਨਾਲ 45 ਫੀਸਦੀ ਤੱਕ ਉਡਾਣ ਭਰਨ ਦੀ ਮਨਜ਼ੂਰੀ ਦੇ ਦਿੱਤੀ ਹੈ।

ਕੋਰੋਨਾ ਵਾਇਰਸ ਮਹਾਂਮਾਰੀ ਨੂੰ ਕੰਟਰੋਲ ਕਰਨ ਲਈ ਲਾਗੂ ਕੀਤੇ ਗਏ ਲੌਕਡਾਊਨ ਦੌਰਾਨ ਤਕਰੀਬਨ ਦੋ ਮਹੀਨੇ ਤੱਕ ਏਅਰਲਾਈਨ ਸੇਵਾਵਾਂ ਬੰਦ ਰਹੀਆਂ। ਇਸ ਤੋਂ ਬਾਅਦ ਨਾਗਰਿਕ ਹਵਾਬਾਜ਼ੀ ਮੰਤਰਾਲਾ ਨੇ 25 ਤੋਂ ਘਰੇਲੂ ਉਡਾਣ ਸੇਵਾ ਸ਼ੁਰੂ ਕਰਨ ਦੀ ਮਨਜ਼ੂਰੀ ਦੇ ਦਿੱਤੀ। ਹਾਲਾਂਕਿ ਏਅਰਲਾਈਨਸ ਨੂੰ ਕੋਰੋਨਾ ਵਾਇਰਸ ਮਹਾਂਮਾਰੀ ਤੋਂ ਪਹਿਲਾਂ ਦੇ ਹਿਸਾਬ ਨਾਲ ਮਹਿਜ ਇੱਕ ਤਿਹਾਈ ਉਡਾਣਾਂ ਭਰਨ ਦੀ ਮੰਜੂਰੀ ਦਿੱਤੀ ਗਈ ਸੀ।

ਮੰਤਰਾਲੇ ਨੇ 21 ਮਈ ਨੂੰ ਜਾਰੀ ਕੀਤੇ ਗਏ ਆਪਣੇ ਆਦੇਸ਼ਾਂ 'ਚ ਸੋਧ ਕਰਦਿਆਂ ਸ਼ੁੱਕਰਵਾਰ ਨੂੰ ਕਿਹਾ, "ਇੱਕ ਤਿਹਾਈ ਸਮਰਥਾ ਨੂੰ 45 ਫੀਸਦੀ ਸਮਰਥਾ ਪੜ੍ਹਿਆ ਜਾਵੇ। "ਨਾਗਰਿਕ ਹਵਾਬਾਜ਼ੀ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਸ਼ੁੱਕਰਵਾਰ ਨੂੰ ਟਵੀਟ ਕਰਕੇ ਦੱਸਿਆ ਕਿ ਦੇਸ਼ 'ਚ ਘਰੇਲੂ ਸੇਵਾਵਾਂ ਨੂੰ ਮੰਜੂਰੀ ਦਿੱਤੇ ਜਾਣ ਮਗਰੋਂ ਇੱਕ ਮਹੀਨੇ ਵਿੱਚ 18,92,581 ਯਾਤਰੀਆਂ ਨੇ 21,316 ਉਡਾਨਾਂ ਰਾਹੀਂ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਯਾਤਰਾ ਕੀਤੀ ਹੈ।

ਪੁਰੀ ਨੇ ਇਸ ਤੋਂ ਪਹਿਲਾਂ ਕਿਹਾ ਸੀ ਕਿ ਘਰੇਲੂ ਉਡਾਨਾਂ ਦੇ ਪਰਿਚਾਲਨ ਨੂੰ 55 ਫੀਸਦੀ ਪਹੁੰਚਾਉਣ ਲਈ ਅੰਤਰ ਰਾਸ਼ਟਰੀ ਉਡਾਨਾਂ ਨੂੰ ਮੁੜ ਤੋਂ ਸ਼ੁਰੂ ਕਰਨ ਬਾਰੇ ਵਿਚਾਰ ਕੀਤਾ ਜਾ ਸਕਦਾ ਹੈ।