ਅੰਬਾਲਾ: ਹਰਿਆਣਾ ਸਰਕਾਰ ਕੋਰੋਨਾ ਵਾਇਰਸ ਵਰਗੀ ਜਾਨਲੇਵਾ ਮਹਾਂਮਾਰੀ ਤੋਂ ਲੋਕਾਂ ਨੂੰ ਬਚਾਉਣ ਲਈ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ। ਇਸ ਲੜੀ ਵਿੱਚ, ਸੂਬਾ ਸਰਕਾਰ ਨੇ ਹਰਿਆਣਾ ਵਿੱਚ 5 ਨਵੇਂ ਕੋਰੋਨਾ ਟੈਸਟਿੰਗ ਸੈਂਟਰ ਸਥਾਪਤ ਕਰਨ ਦਾ ਫੈਸਲਾ ਕੀਤਾ ਹੈ, ਜਿੱਥੇ ਇਕ ਜਾਂ ਦੋ ਦਿਨਾਂ ਵਿੱਚ ਕੋਰੋਨਾ ਟੈਸਟ ਸ਼ੁਰੂ ਕੀਤੇ ਜਾਣਗੇ।
24 ਘੰਟਿਆਂ 'ਚ 400 ਨਮੂਨੇ ਕੀਤੇ ਜਾਣਗੇ ਟੈਸਟ
ਅਨਿਲ ਵਿਜ ਨੇ ਦੱਸਿਆ ਕਿ ਰੋਹਤਕ ਪੀਜੀਆਈ, ਈਐਸਆਈ ਹਸਪਤਾਲ ਫ਼ਰੀਦਾਬਾਦ ਅਤੇ ਮੈਡੀਕਲ ਕਾਲਜ ਖਾਨਪੁਰ ਵਿਖੇ ਕੋਰੋਨਾ ਟੈਸਟਿੰਗ ਸੈਂਟਰ ਸਥਾਪਤ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ 5 ਨਿੱਜੀ ਅਦਾਰਿਆਂ ਨੂੰ ਵੀ ਕੋਰੋਨਾ ਨਮੂਨੇ ਦੀ ਜਾਂਚ ਕਰਨ ਦੀ ਆਗਿਆ ਦਿੱਤੀ ਗਈ ਹੈ। ਇਨ੍ਹਾਂ ਵਿਚੋਂ ਤਿੰਨ ਨਿਜੀ ਟੈਸਟਿੰਗ ਕੇਂਦਰ ਵਜੋਂ ਕੰਮ ਕਰ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਕੋਰੋਨਾ ਕੇਂਦਰਾਂ ਵਿੱਚ 24 ਘੰਟਿਆਂ ਵਿੱਚ 400 ਨਮੂਨੇ ਟੈਸਟ ਕੀਤੇ ਜਾਂਦੇ ਹਨ।