ਲਖਨਊ: ਉੱਤਰ ਪ੍ਰਦੇਸ਼ ਦੀ ਸਿੱਖਿਆ ਵਿਵਸਥਾ ਇਸ ਵੇਲੇ ਕਿਹੋ ਜਿਹੀ ਹੈ ਇਸ ਦਾ ਅੰਦਾਜ਼ਾ ਤੁਸੀਂ ਓਨਾਵ ਜ਼ਿਲ੍ਹੇ ਦੇ ਸਕੂਲ ਤੋਂ ਲਾ ਸਕਦੇ ਹੋ। ਜ਼ਿਲ੍ਹਾ ਅਧਿਕਾਰੀ ਦੇਵੇਂਦਰ ਕੁਮਾਰ ਪਾਂਡੇ ਜਦੋਂ ਸਰਕਾਰੀ ਸਕੂਲ ਵਿੱਚ ਜਾਂਚ ਲਈ ਪਹੁੰਚੇ ਤਾਂ ਉਦੋਂ ਉਨ੍ਹਾਂ ਇੱਕ ਅਧਿਆਪਕ ਨੂੰ ਅੰਗਰੇਜ਼ੀ ਦਾ ਇੱਕ ਪੈਰਾਗ੍ਰਾਫ਼ ਪੜ੍ਹਨ ਲਈ ਕਿਹਾ, ਜਿਸ ਨੂੰ ਉਹ ਅਧਿਆਪਕ ਪੜ੍ਹ ਨਹੀਂ ਸਕੀ।
ਜਦੋਂ ਅਧਿਆਪਕ ਅੰਗਰੇਜ਼ੀ ਦਾ ਇੱਕ ਪੈਰਾ ਵੀ ਨਹੀਂ ਪੜ੍ਹ ਸਕੀ ਤਾਂ ਡੀਐਮ ਨੇ ਉਸ ਅਧਿਆਪਕ ਨੂੰ ਤੁਰੰਤ ਹੀ ਨੌਕਰੀ ਤੋਂ ਕੱਢਣ ਦਾ ਹੁਕਮ ਦੇ ਦਿੱਤਾ। ਇਸ ਦੀ ਵੀਡੀਓ ਸਮਾਚਾਰ ਏਜੰਸੀ ਨੇ ਸਾਂਝੀ ਕੀਤੀ ਹੈ। ਇਸ ਵੀਡੀਓ ਵਿੱਚ ਸਾਫ-ਸਾਫ ਵੇਖਿਆ ਜਾ ਸਕਦਾ ਹੈ ਕਿ ਡੀਐਮ ਕਲਾਸ ਵਿੱਚ ਬੈਠਾ ਹੈ ਅਤੇ ਉਸ ਨੇ ਅਧਿਆਪਕ ਨੂੰ ਕਿਤਾਬ ਪੜ੍ਹਨ ਲਈ ਕਿਹਾ ਜਿਸ ਤੋਂ ਉਹ ਅਧਿਆਪਕ ਪੜ੍ਹ ਨਹੀਂ ਸਕੀ।