ਨਵੀਂ ਦਿੱਲੀ: ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿੱਚ ਧਰਨਾ ਪ੍ਰਦਰਸ਼ਨ ਕਰ ਰਹੇ ਕਿਸਾਨਾਂ ਨੂੰ ਦਿੱਲੀ ਦੇ ਬਾਰਡਰ ਪੁੱਜੇ ਲਗਭਗ ਤਿੰਨ ਹਫ਼ਤੇ ਤੋਂ ਉੱਪਰ ਦਾ ਸਮਾਂ ਹੋ ਗਿਆ ਹੈ। ਕਿਸਾਨਾਂ ਦੀ ਮਦਦ ਲਈ ਹੁਣ ਡਾਕਟਰ ਵੀ ਅੱਗੇ ਆ ਰਹੇ ਹਨ। ਕਿਸਾਨਾਂ ਦੀ ਸਹੂਲਤ ਵਾਸਤੇ ਥਾਂ-ਥਾਂ 'ਤੇ ਮੈਡੀਕਲ ਕੈਂਪ ਅਤੇ ਮੁਫ਼ਤ ਦਵਾਈਆਂ ਦੇ ਕੈਂਪ ਲਗਾਏ ਗਏ ਹਨ। ਮੋਹਾਲੀ ਤੋਂ ਦੰਦਾਂ ਦੇ ਡਾਕਟਰਾਂ ਦਾ ਇੱਕ ਜੱਥਾ ਸਿੰਧੂ ਬਾਰਡਰ ਵਿਖੇ ਪੁੱਜਾ ਹੈ ਜੋ ਕਿਸਾਨਾਂ ਦਾ ਇਲਾਜ ਦਿਨ ਰਾਤ ਕਰ ਰਿਹਾ ਹੈ।
ਇਸ ਜਥੇ ਵਿੱਚ ਮੌਜੂਦ ਮੋਹਾਲੀ ਤੋਂ ਆਏ ਡਾ. ਸਨੀ ਆਹਲੂਵਾਲੀਆ ਨੇ ਦੱਸਿਆ ਕਿ ਹਰ ਰੋਜ਼ 100 ਦੇ ਕਰੀਬ ਕਿਸਾਨ ਦੰਦਾਂ ਦੇ ਇਲਾਜ ਲਈ ਆਉਂਦੇ ਹਨ ਅਤੇ ਕੁੱਲ 300 ਦੇ ਕਰੀਬ ਕਿਸਾਨ ਹਰ ਰੋਜ਼ ਚੈੱਕਅੱਪ ਕਰਵਾਉਂਦੇ ਹਨ। ਇਨ੍ਹਾਂ ਵਿੱਚ ਸਰਦੀ, ਜ਼ੁਕਾਮ, ਬੁਖਾਰ, ਸਿਰ ਦਰਦ, ਢਿੱਡ ਪੀੜ, ਜੋੜਾਂ ਦੇ ਦਰਦ, ਬਲੱਡ ਪ੍ਰੈਸ਼ਰ ਆਦਿ ਦੇ ਮਰੀਜ਼ ਸ਼ਾਮਲ ਹਨ।
ਅੰਦੋਲਨ 'ਚ ਕਿਸਾਨਾਂ ਦੀ ਮਦਦ ਲਈ ਅੱਗੇ ਆਏ ਡਾਕਟਰ, ਥਾਂ-ਥਾਂ ਲੱਗੇ ਮੈਡੀਕਲ ਕੈਂਪ