ਨਵੀਂ ਦਿੱਲੀ: ਅੱਤਵਾਦੀ ਸਮੂਹ ਸਿੱਖ ਫਾਰ ਜਸਟਿਸ ਵੱਲੋਂ 5 ਨਵੰਬਰ ਨੂੰ ਦਿੱਲੀ ਤੋਂ ਲੰਡਨ ਜਾਣ ਵਾਲੀਆਂ ਏਅਰ ਇੰਡੀਆ ਦੀਆਂ ਉਡਾਨਾਂ ਦੇ ਸੰਚਾਲਨ ਵਿੱਚ ਮੁਸ਼ਕਿਲਾਂ ਖੜ੍ਹੀਆਂ ਕਰਨ ਦੀ ਜਾਣਕਾਰੀ ਮਿਲੀ ਹੈ। ਜਾਣਕਾਰੀ ਮਿਲਣ ਤੋਂ ਬਾਅਦ ਦਿੱਲੀ ਵਿੱਚ ਹਾਈਅਲਰਟ ਉੱਤੇ ਹੈ।
ਸਮੂਹ ਨੇ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਕਤਲ ਤੋਂ ਬਾਅਦ 30,000 ਤੋਂ ਵੱਧ ਸਿੱਖਾਂ ਦੇ ਕਤਲ ਦਾ ਕੌਮਾਂਤਰੀਕਰਨ ਕਰਨ ਲਈ ਐਸਐਫਜੇ ਨੇ 5 ਨਵੰਬਰ ਨੂੰ ਸਿੱਖ ਕਤਲੇਆਮ ਦੀ 36ਵੀਂ ਵਰ੍ਹੇਗੰਢ ਮੌਕੇ ਆਪਣੇ ਇਸ ਕਦਮ ਦਾ ਐਲਾਨ ਕੀਤਾ ਹੈ।
ਇੱਕ ਵੀਡੀਓ ਸੰਦੇਸ਼ ਰਾਹੀਂ ਐਸਐਫਜੇ ਦੇ ਜਨਰਲ ਕੌਂਸਲਰ ਗੁਰਪਤਵੰਤ ਸਿੰਘ ਪੰਨੂੰ ਨੇ ਕਿਹਾ ਕਿ ਇੰਦਰਾ ਗਾਂਧੀ ਤੋਂ ਲੈ ਮੋਦੀ ਦੀ ਪ੍ਰਧਾਨਗੀ ਵਾਲੀ ਸਰਕਾਰ ਤੱਕ ਲਗਾਤਾਰ ਭਾਰਤੀ ਸਾਸ਼ਨ ਰਾਹੀਂ ਸਿੱਖ ਕਤਲੇਆਮ ਉੱਤੇ ਲਗਾਤਾਰ ਪਰਦਾ ਪਾਉਣ ਦੀ ਗੱਲ ਨੂੰ ਉਜਾਗਰ ਕਰਨਾ ਸਾਡਾ ਮਨੁੱਖੀ ਕਰਤੱਬ ਹੈ। ਇਸ ਲਈ ਉਨ੍ਹਾਂ 5 ਨਵੰਬਰ ਨੂੰ ਉਡਾਨ ਨੰਬਰ ਏਆਈ-111 ਅਤੇ ਏਆਈ-531 ਦਾ ਬਾਈਕਾਟ ਕਰ ਹਿੰਸਾ ਪੀੜਤਾਂ ਦਾ ਸਮੱਰਥਨ ਕਰਨ ਦਾ ਐਲਾਨ ਕੀਤਾ ਹੈ।