ਚਮਕੀ ਨੇ ਲਈਆਂ 2 ਹੋਰ ਜਾਨਾਂ, ਮੌਤ ਦਰ ਹੋਈ 180

ਬਿਹਾਰ ਦੇ ਮੁਜ਼ੱਫ਼ਰਪੁਰ ਵਿਖੇ ਚਮਕੀ ਬੁਖ਼ਾਰ ਨਾਲ 2 ਹੋਰ ਬੱਚਿਆਂ ਦੀ ਮੌਤ ਹੋ ਗਈ ਹੈ, ਜਿਸ ਨਾਲ ਮੌਤ ਦਰ 180 ਤੱਕ ਪਹੁੰਚ ਗਈ ਹੈ। SKMCH ਤੋਂ ਇਲਾਵਾ, ਮੁਜ਼ੱਫ਼ਪੁਰ ਦੇ ਕੇਜਰੀਵਾਲ ਹਸਪਤਾਲ ਵਿੱਚ ਹੁਣ ਤੱਕ 162 ਕੇਸ ਚਮਕੀ ਦੇ ਅਤੇ 20 ਜਖ਼ਮੀਆਂ ਦੇ ਆਏ ਹਨ।

ਨਵੀਂ ਦਿੱਲੀ : ਬਿਹਾਰ ਦੇ ਮੁਜ਼ੱਫ਼ਰਪੁਰ ਜ਼ਿਲ੍ਹੇ ਵਿੱਚ ਐਤਵਾਰ ਨੂੰ ਐਂਸੇਫਲਾਈਟਿਸ ਸਿੰਡਰੋਮ ਕਾਰਨ 2 ਹੋਰ ਬੱਚਿਆਂ ਦੀ ਮੌਤ ਹੋ ਗਈ ਹੈ ਜਦ ਕਿ ਅਧਿਕਾਰੀਆਂ ਨੇ ਕਿਹਾ ਕਿ ਬੀਮਾਰੀਆਂ ਅਤੇ ਜਾਨੀ ਨੁਕਸਾਨ ਮੀਂਹ ਦੀ ਸ਼ੁਰੂਆਤ ਕਾਰਨ ਘਟਣਾ ਸ਼ੁਰੂ ਹੋ ਗਿਆ ਹੈ।

ਦੋਵੇਂ ਬੱਚਿਆਂ ਦੀਆਂ ਮੌਤਾਂ ਐੱਸ ਕੇ ਕਾਲਜ ਅਤੇ ਹਸਪਤਾਲ ਵਿਖੇ ਹੋਈਆਂ ਹਨ, ਜਿੱਥੇ 431 ਬੱਚਿਆਂ ਨੂੰ ਚਮਕੀ ਦੇ ਇਲਾਜ਼ ਵਾਸਤੇ ਭਰਤੀ ਕਰਵਾਇਆ ਗਿਆ ਹੈ। SKMCH ਵਿਖੇ ਚਮਕੀ ਨਾਲ ਮਰਨ ਵਾਲੇ ਮਰੀਜ਼ਾਂ ਦੀ ਗਿਣਤੀ 110 ਹੋ ਗਈ ਹੈ।

ਵੱਖ-ਵੱਖ ਜ਼ਿਲ੍ਹਿਆਂ ਤੋਂ ਆ ਰਹੇ ਹਨ ਮਰੀਜ਼
ਜਾਣਕਾਰੀ ਮੁਤਾਬਕ ਛਪਰਾ, ਵੈਸ਼ਾਲੀ ਅਤੇ ਗੋਪਾਲਗੰਜ ਤੋਂ AES 'ਚ ਮਰੀਜ਼ ਆ ਰਹੇ ਹਨ। 2 ਮਰੀਜ਼ ਹਸਪਤਾਲ ਵਿੱਚ ਭਰਤੀ ਹੋਏ ਹਨ। PMCH ਪ੍ਰਸ਼ਾਸਨ ਨੇ ਦੱਸਿਆ ਕਿ ਗੰਭੀਰ ਮਰੀਜਾਂ ਦਾ ਇਲਾਜ ਚੱਲ ਰਿਹਾ ਹੈ। ਮਰੀਜ ਦੇ ਆਉਣ ਸਾਰ ਹੀ ਹਸਪਤਾਲ ਪ੍ਰਸ਼ਾਸਨ ਗੰਭੀਰਤਾ ਨਾਲ ਇਲਾਜ ਵਿੱਚ ਲੱਗ ਗਿਆ ਹੈ।