ਦਿੱਲੀ ਹਵਾਈ ਅੱਡੇ 'ਤੇ ਜੋੜਾ 40 ਲੱਖ ਦੇ ਸੋਨੇ ਨਾਲ ਕਾਬੂ

ਆਈਜੀਆਈ ਹਵਾਈ ਅੱਡੇ ਦੀ ਕਸਟਮ ਟੀਮ ਨੇ ਦੁਬਈ ਤੋਂ ਆਏ ਇੱਕ ਜੋੜੇ ਨੂੰ ਸਾਢੇ 39 ਲੱਖ ਰੁਪਏ ਦੇ ਸੋਨੇ ਸਮੇਤ ਕਾਬੂ ਕੀਤਾ ਹੈ।

ਨਵੀਂ ਦਿੱਲੀ : ਰਾਜਧਾਨੀ ਦੇ ਆਈਜੀਆਈ ਹਵਾਈ ਅੱਡੇ ਉੱਤੇ ਦੁਬਈ ਤੋਂ ਆਏ ਇੱਕ ਜੋੜੇ ਨੂੰ ਕਸਟਮ ਟੀਮ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਜਿੰਨ੍ਹਾਂ ਦੇ ਸਮਾਨ ਦੀ ਚੈਕਿੰਗ ਦੌਰਾਨ ਕਸਟਮ ਵਿਭਾਗ ਦੀ ਟੀਮ ਨੇ ਲਗਭਗ ਸਾਢੇ 39 ਲੱਖ ਰੁਪਏ ਦਾ ਸੋਨਾ ਬਰਾਮਦ ਕੀਤਾ ਹੈ।

ਬ੍ਰੀਫਕੇਸ ਵਿੱਚ ਸੋਨਾ
ਬ੍ਰੀਫਕੇਸ ਦੇ ਅੰਦਰ ਫ਼ਿੱਟ ਕਰ ਕੇ ਸੋਨਾ ਲੁਕਾ ਕੇ ਲਿਆਂਦਾ ਗਿਆ ਸੀ। ਉੱਪਰੋਂ ਪਤਾ ਨਾ ਚੱਲੇ ਇਸ ਲਈ ਸੋਨੇ ਦੇ ਲੰਬੀਆਂ-ਲੰਬੀਆਂ ਤੇ ਮੋਟੀਆਂ ਤਾਰਾਂ ਦੇ ਉੱਪਰ ਚਾਂਦੀ ਦਾ ਕੋਟ ਕਰ ਦਿੱਤਾ ਗਿਆ ਸੀ।

ਐਡੀਸ਼ਨਲ ਕਮਿਸ਼ਨਰ ਅਮਨਦੀਪ ਸਿੰਘ ਮੁਤਾਬਕ ਸਟ੍ਰਿਪ ਅਤੇ ਚਾਂਦੀ ਕੋਟੇਡ ਮੋਟਾ ਪਲੇਟ ਬਰਾਮਦ ਕੀਤਾ ਹੈ। ਇਸ ਮਾਮਲੇ ਵਿੱਚ ਕਸਟਮ ਵਿਭਾਗ ਦੀ ਟੀਮ ਨੇ ਗ੍ਰੀਨ ਚੈਨਲ ਪਾਰ ਕਰਨ ਤੋਂ ਬਾਅਦ ਜਦ ਇਸ ਜੋੜੇ ਦੇ ਸਮਾਨ ਨੂੰ ਚੈੱਕ ਕੀਤਾ ਅਤੇ ਤਲਾਸ਼ੀ ਲਈ ਤਾਂ ਇਹ ਖ਼ੁਲਾਸਾ ਹੋਇਆ।

ਜਾਣਕਾਰੀ ਮੁਤਾਬਕ ਬਰਾਮਦ ਕੀਤੇ ਸੋਨੇ ਦਾ ਭਾਰ 1 ਕਿਲੋ 100 ਗ੍ਰਾਮ ਤੋਂ ਵੀ ਜ਼ਿਆਦਾ ਹੈ।