ਨਵੀਂ ਦਿੱਲੀ: ਅਜੀਮ ਪ੍ਰੇਮਜੀ ਦੇ ਵਿਪਰੋ ਸਮੂਹ ਨੇ ਕੋਰੋਨਾ ਨਾਲ ਨਜਿੱਠਣ ਲਈ 1125 ਕਰੋੜ ਰੁਪਏ ਖਰਚ ਕਰਨ ਦਾ ਐਲਾਨ ਕੀਤਾ ਹੈ, ਪਰ ਸਮੂਹ ਨੇ ਇਹ ਰਕਮ ਪ੍ਰਧਾਨ ਮੰਤਰੀ ਕੇਅਰਜ਼ ਫੰਡ ਨੂੰ ਦਾਨ ਕਰਨ ਲਈ ਨਹੀਂ ਕਿਹਾ ਹੈ। ਇਹ ਸਮੂਹ ਆਪਣੀ ਫਾਉਂਡੇਸ਼ਨ ਦੁਆਰਾ ਇਹ ਰਾਸ਼ੀ ਖਰਚ ਕਰੇਗਾ। ਵਿਪਰੋ ਗਰੁੱਪ ਨੇ ਬੁੱਧਵਾਰ ਨੂੰ ਇੱਕ ਬਿਆਨ ਜਾਰੀ ਕਰਦਿਆਂ ਕਿਹਾ, “ਵਿਪਰੋ ਲਿਮਟਿਡ, ਵਿਪਰੋ ਐਂਟਰਪ੍ਰਾਈਜਜ਼ ਅਤੇ ਅਜ਼ੀਮਪ੍ਰੇਮਜੀ ਫਾਉਂਡੇਸ਼ਨ ਮਿਲ ਕੇ ਕੋਵਿਡ- 19 ਤੋਂ ਪੈਦਾ ਹੋਏ ਸਿਹਤ ਅਤੇ ਮਨੁੱਖਤਾਵਾਦੀ ਸੰਕਟ ਦੇ ਮੱਦੇਨਜ਼ਰ 1125 ਕਰੋੜ ਰੁਪਏ ਖਰਚ ਕਰੇਗੀ।
ਇਸ ਪੈਸੇ ਦੀ ਵਰਤੋਂ ਪ੍ਰਭਾਵਿਤ ਇਲਾਕਿਆਂ ਵਿੱਚ ਮਾਨਵਤਾਵਾਦੀ ਸਹਾਇਤਾ, ਸਿਹਤ ਸਹੂਲਤਾਂ ਵਧਾਉਣ ਲਈ ਕੀਤੀ ਜਾਵੇਗੀ। ਇਸ ਨੂੰ ਅਜ਼ੀਮ ਪ੍ਰੇਮਜੀ ਫਾਉਂਡੇਸ਼ਨ ਦੇ 1600 ਕਰਮਚਾਰੀਆਂ ਦੀ ਟੀਮ ਦੁਆਰਾ ਲਾਗੂ ਕੀਤਾ ਜਾਵੇਗਾ।