ਵਕੀਲ ਬਨਾਮ ਪੁਲਿਸ: ਲੀਡਰਸ਼ਿਪ ਦਾ ਭਾਵ ਸਖ਼ਤ ਫ਼ੈਸਲੇ ਲੈਣਾ: ਕਿਰਨ ਬੇਦੀ

ਦਿੱਲੀ ਪੁਲਿਸ ਮੁਲਾਜ਼ਮਾਂ ਦੇ ਵੱਲੋਂ ਕੀਤੇ ਜਾ ਰਹੇ ਪ੍ਰਦਰਸ਼ਨ ਵਿੱਚ ਪੁਲਿਸ ਕਰਮਚਾਰਿਆਂ ਦੇ ਨਾਅਰਿਆਂ ਦੇ ਵਿੱਚ ਪੁਡੂਚੇਰੀ ਉੱਪ ਰਾਜਪਾਲ ਤੇ ਸਾਬਕਾ ਆਈ.ਏ.ਐਸ ਕਿਰਨ ਬੇਦੀ ਦਾ ਨਾਂਅ ਬੁਲੰਦ ਸੀ। ਇਸ ਘਟਨਾ ਤੇ ਕਿਰਨ ਬੇਦੀ ਨੇ ਟਵੀਟ ਕਰ ਕਿਹਾ ਕਿ "ਲੀਡਰਸ਼ਿਪ ਦਾ ਭਾਵ ਸਖ਼ਤ ਫੈਸਲੇ ਲੈਣਾ"।

ਨਵੀਂ ਦਿੱਲੀ: ਦਿੱਲੀ ਪੁਲਿਸ ਅਤੇ ਵਕੀਲਾਂ ਦਰਮਿਆਨ ਹੋਈ ਝੜਪ ਨੂੰ ਲੈ ਕੇ ਮੰਗਲਵਾਰ ਨੂੰ ਦਿੱਲੀ ਪੁਲਿਸ ਮੁਲਾਜ਼ਮਾਂ ਨੇ ਪੁਲਿਸ ਹੈਡਕੁਆਟਰ ਦੇ ਬਾਹਰ ਪ੍ਰਦਰਸ਼ਨ ਕੀਤਾ। ਪੁਲਿਸ ਮੁਲਾਜ਼ਮਾਂ ਨੇ ਉਨ੍ਹਾਂ ‘ਤੇ ਹੋਏ ਹਮਲੇ ਲਈ ਇਨਸਾਫ਼ ਦੀ ਮੰਗ ਕੀਤੀ। ਇਸ ਘਟਨਾ ਨੂੰ ਲੈ ਕੇ ਦਿੱਲੀ ਪੁਲਿਸ ਦੇ ਜਵਾਨ ਕਿੰਨੇ ਨਰਾਜ਼ ਹਨ ਇਸ ਗੱਲ ਦਾ ਅੰਦਾਜਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਉਨ੍ਹਾਂ ਨੇ ਆਪਣੇ ਉੱਚ ਅਧਿਕਾਰੀਆਂ ਦੀ ਬੇਨਤੀ ਦੇ ਬਾਵਜੂਦ ਡਿਊਟੀ 'ਤੇ ਪਰਤਣ ਤੋਂ ਇਨਕਾਰ ਕਰ ਦਿੱਤਾ।

ਇਸ ਪ੍ਰਦਰਸ਼ਨ ਵਿੱਚ ਦਿੱਲੀ ਪੁਲਿਸ ਕਰਮਚਾਰਿਆਂ ਦੇ ਨਾਅਰਿਆਂ ਦੇ ਵਿੱਚ ਪੁਡੂਚੇਰੀ ਉਪ ਰਾਜਪਾਲ ਤੇ ਸਾਬਕਾ ਆਈ.ਏ.ਐਸ ਕਿਰਨ ਬੇਦੀ ਦਾ ਨਾਂਅ ਬੁਲੰਦ ਸੀ। ਕਰਮਚਾਰਿਆਂ ਦੇ ਇਸ ਪ੍ਰਦਸ਼ਨ 'ਤੇ ਬੇਦੀ ਨੇ ਟਵੀਟ ਰਾਹੀਂ ਕਿਹਾ ਕਿ "ਲੀਡਰਸ਼ਿਪ ਇਕ ‘ਚਰਿੱਤਰ’ ਹੈ ਜੋ ਜ਼ਿੰਮੇਵਾਰੀ ਤੇ ਸਖ਼ਤ ਫੈਸਲੇ ਲੈਂਦੀ ਹੈ। ਇਹ ‘ਜ਼ਿੰਦਗੀ’ ਦਾ ‘ਕਰਮ’ ਹੈ, ਮੁਸ਼ਕਿਲ ਸਮਾਂ ਤਾਂ ਲੰਘ ਜਾਂਦਾ ਹੈ ਪਰ ਮੁਸ਼ਕਲਾਂ ਸਮੇਂ ਦੀਆਂ ਯਾਦਾਂ ਯਾਦ ਰਹਿ ਜਾਂਦੀਆਂ ਹਨ।

ਬੇਦੀ ਨੇ 17 ਫਰਵਰੀ 1988 ਨੂੰ ਤੀਸ ਹਜ਼ਾਰੀ ਕੋਰਟ ਕੰਪਲੈਕਸ ਵਿਖੇ ਵਾਪਰੀ ਘਟਨਾ 'ਤੇ ਪੁਲਿਸ ਫੋਰਸ ਦੀ ਹਮਾਇਤ ਕੀਤੀ ਸੀ। ਇਥੇ ਵਕੀਲ ਵੱਲੋਂ ਇੱਕ ਵਕੀਲ ਦੇ ਹੱਥਕੜੀ ਲਗਾਉਣ ਦਾ ਤੀਸ ਹਜ਼ਾਰੀ ਕੋਰਟ ਕੰਪਲੈਕਸ ਵਿਖੇ ਵਿਰੋਧ ਕਰ ਰਹੇ ਸਨ।

ਉਨ੍ਹਾਂ ਨੇ ਦੁਜੇ ਟਵੀਟ ਵਿੱਚ ਲਿਖਿਆ, "ਅਧਿਕਾਰ ਅਤੇ ਜ਼ਿੰਮੇਵਾਰੀਆਂ ਇਕੋ ਸਿੱਕੇ ਦੇ ਦੋ ਪਹਿਲੂ ਹਨ। ਸਾਨੂੰ ਨਾਗਰਿਕਾਂ ਨੂੰ ਇਹ ਕਦੇ ਨਹੀਂ ਭੁੱਲਣਾ ਚਾਹੀਦਾ ਪਾਵੇ ਅਸੀਂ ਜੋ ਵੀ ਅਤੇ ਜਿੱਥੇ ਵੀ ਹਾਂ। ਸਾਨੂੰ ਇਸ ਸੰਬੰਧ ਵਿਚ ਆਪਣੇ ਜ਼ੋਰ ਵਿਚ ਇਕ ਵੱਡੀ ਤਬਦੀਲੀ ਦੀ ਲੋੜ ਹੈ। ਜਦੋਂ ਅਸੀਂ ਸਾਰੇ ਕਾਨੂੰਨ ਦੀ ਪਾਲਣਾ ਕਰਨ ਦੀ ਆਪਣੀ ਜ਼ਿੰਮੇਵਾਰੀ ਨੂੰ ਸਮਝਦੇ ਹਾਂ ਤਾਂ ਕੋਈ ਵਿਵਾਦ ਨਹੀਂ ਪੈਦਾ ਹੁੰਦਾ।"