CAA ਪ੍ਰਦਰਸ਼ਨਾਂ 'ਤੇ ਫ਼ੌਜ ਮੁੁਖੀ ਦੇ ਬਿਆਨ 'ਤੇ ਭੜਕੇ ਓਵੈਸੀ-ਦਿਗਵਿਜੇ

ਸੈਨਾ ਮੁਖੀ ਜਨਰਲ ਬਿਪਿਨ ਰਾਵਤ ਦੇ ਇੱਕ ਬਿਆਨ 'ਤੇ ਸਿਆਸਤ ਭਖ ਗਈ ਹੈ। ਕਾਂਗਰਸ ਦੇ ਉਘੇ ਨੇਤਾ ਦਿਗਵਜੇ ਸਿੰਘ ਅਤੇ ਏਆਈਐਮਆਈਐਮ ਸੰਸਦ ਮੈਂਬਰ ਅਸਦੁਦੀਨ ਓਵੈਸੀ ਨੇ ਉਨ੍ਹਾਂ ਦੀ ਤਿੱਖੀ ਅਲੋਚਨਾ ਕੀਤੀ ਹੈ।

ਨਵੀਂ ਦਿੱਲੀ: ਸੈਨਾ ਮੁਖੀ ਜਨਰਲ ਬਿਪਿਨ ਰਾਵਤ ਦੇ ਇੱਕ ਬਿਆਨ 'ਤੇ ਸਿਆਸਤ ਭਖ ਗਈ ਹੈ। ਕਾਂਗਰਸੀ ਆਗੂ ਦਿਗਵਜੇ ਸਿੰਘ ਅਤੇ ਏਆਈਐਮਆਈਐਮ ਸੰਸਦ ਮੈਂਬਰ ਅਸਦੁਦੀਨ ਓਵੈਸੀ ਨੇ ਉਨ੍ਹਾਂ ਦੀ ਤਿੱਖੀ ਅਲੋਚਨਾ ਕੀਤੀ ਹੈ। ਦਰਅਸਲ ਸੈਨਾ ਮੁਖੀ ਨੇ ਯੂਨੀਵਰਸਿਟੀ ਕੈਂਪਸ 'ਚ ਹੋਈ ਹਿੰਸਕ ਪ੍ਰਦਰਸ਼ਨ 'ਤੇ ਨਾਰਾਜ਼ਗੀ ਪ੍ਰਗਟ ਕੀਤੀ ਹੈ।

ਦਿਗਵਜੇ ਸਿੰਘ ਨੇ ਟਵੀਟ ਕਰਕੇ ਕਿਹਾ, "ਲੀਡਰ ਉਹ ਨਹੀ ਹੁੰਦਾ, ਜੋ ਲੋਕਾਂ ਨੂੰ ਹਥਿਆਰ ਚੱਕਣ ਲਈ ਪ੍ਰੇਰਿਤ ਕਰੇ। ਆਰਮੀ ਚੀਫ਼, ਨਾਗਰਿਕਤਾ ਕਾਨੂੰਨ ਦੇ ਵਿਰੋਧ ਵਿੱਚ ਪ੍ਰਦਰਸ਼ਨ 'ਤੇ ਮੈਂ ਤੁਹਾਡੇ ਨਾਲ ਸਹਿਮਤ ਹਾਂ,ਪਰ ਨੇਤਾ ਉਹ ਵੀ ਨਹੀਂ ਹੋ ਸਕਦਾ, ਜੋ ਆਪਣੇ ਵਰਕਰਾਂ ਨੂੰ ਫਿਰਕੂ ਆਧਾਰ 'ਤੇ ਨਸਲਕੁਸ਼ੀ ਲਈ ਭੜਕਏ, ਕਿ ਜਨਰਲ ਸਾਹਿਬ ਤੁਸੀਂ ਇਸ 'ਤੇ ਮੇਰੇ ਨਾਲ ਸਹਿਮਤ ਹੋ?"

ਅਸਦੁਦੀਨ ਓਵੈਸੀ ਨੇ ਆਪਣੇ ਟਵੀਟ ਵਿੱਚ ਲਿਖਿਆ ਹੈ, ਆਪਣੇ ਆਫਿਸ ਦੇ ਪ੍ਰਭਾਵ ਖੇਤਰ ਨੂੰ ਸਮਝਣਾ ਵੀ ਲੀਡਰਸ਼ਿਪ ਹੈ। ਇਹ ਲੀਡਰਸ਼ਿਪ ਨਾਗਰਿਕ ਨੂੰ ਸਰਬੋਤਮ ਸਮਝਣਾ ਅਤੇ ਜਿਸ ਸੰਸਥਾ ਦੇ ਤੁਸੀਂ ਮੁਖੀ ਹੋ, ਉਸ ਸੰਸਥਾ ਦੀ ਸ਼ਾਨ ਨੂੰ ਜਾਣਨਾ ਵੀ ਮਹੱਤਵਪੂਰਣ ਹੈ।