ਨਵਜਾਤ ਬੱਚਿਆਂ ਦੀ ਮੌਤ 'ਤੇ ਗਹਿਲੋਤ ਦਾ ਬੇਤੁੱਕਾ ਬਿਆਨ, ਸਿਹਤ ਮੰਤਰੀ ਨੂੰ ਜਾਣ ਦੀ ਜ਼ਰੂਰਤ ਨਹੀਂ ਸੀ

ਸਿਹਤ ਮੰਤਰੀ ਦਾ ਪੱਖ ਲੈਂਦੇ ਹੋਏ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਿਹਤ ਮੰਤਰੀ ਨੂੰ ਕੋਟਾ ਜਾਣ ਦੀ ਲੋੜ ਨਹੀ ਸੀ।

ਜੋਧਪੁਰ: ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਫਿਰ ਤੋਂ ਪ੍ਰਦੇਸ਼ ਦੀ ਰਾਜਨੀਤਿਕ ਹਲਚਲ ਤੇਜ਼ ਕਰ ਦਿੱਤੀ ਹੈ। ਉਨ੍ਹਾਂ ਨੇ ਸੂਬੇ ਦੇ ਕੋਟਾ ਜ਼ਿਲ੍ਹੇ ਦੇ ਸਰਕਾਰੀ ਹਸਪਤਾਲ 'ਚ ਨਵਜਾਤ ਬੱਚਿਆਂ ਦੀ ਮੌਤ ਦੇ ਮਾਮਲੇ ਵਿੱਚ ਸਿਹਤ ਮੰਤਰੀ ਦਾ ਪੱਖ ਲੈਂਦੇ ਹੋਏ ਕਿਹਾ, ਕਿ ਉਨ੍ਹਾਂ ਨੂੰ ਕੋਟਾ ਜਾਣ ਦਾ ਜ਼ਰੂਰਤ ਨਹੀ ਸੀ। ਹੁਣ ਉਹ ਚਲੇ ਗਏ ਤਾਂ ਚੰਗੀ ਗੱਲ ਹੈ। ਜਦੋ ਘਟਨਾ ਹੋਈ ਤਾਂ ਉਸ ਦੀ ਪੁਰੀ ਜਾਂਚ ਹੋ ਗਈ ਸੀ। ਇਲਾਜ ਦੌਰਾਨ ਕਿਤੇ ਵੀ ਕੋਈ ਲਾਪਰਵਾਹੀ ਸਾਹਮਣੇ ਨਹੀ ਆਈ ਸੀ।

ਗਹਿਲੋਤ ਕੋਲੋ ਪੁੱਛਿਆ ਗਿਆ ਕਿ, ਕਿਉ ਇਸ ਘਟਨਾ ਦੇ ਇਨ੍ਹੇ ਦਿਨਾਂ ਬਾਅਦ ਸਿਹਤ ਮੰਤਰੀ ਕੋਟਾ ਜਾ ਰਹੇ ਹਨ, ਕਾਂਗਰਸ ਨੇਤਾ ਵੀ ਨਾਰਾਜ਼ਗੀ ਜਤਾ ਚੁੱਕੇ ਹਨ, ਕਿ ਉਨ੍ਹਾਂ ਦਾ ਅਸਤੀਫਾ ਲਿਆ ਜਾਵੇਗਾ? ਜਵਾਬ ਵਿੱਚ ਗਹਿਲੋਤ ਨੇ ਰਘੂ ਸ਼ਰਮਾ ਦਾ ਬਚਾਅ ਕਰਦੇ ਹੋਏ ਉਨ੍ਹਾਂ ਨੂੰ ਕਲੀਨ ਚਿੱਟ ਦੇ ਦਿੱਤੀ ਹੈ।

ਗਹਿਲੋਤ ਨੇ ਸਿਹਤ ਮੰਤਰੀ ਦਾ ਬਚਾਅ ਕਰਦੇ ਹੋਏ ਕਿਹਾ, ਕਿ 2003 ਵਿੱਚ ਉਨ੍ਹਾਂ ਦੀ ਸਰਕਾਰ ਦੇ ਸਮੇਂ ਹੀ ਪ੍ਰਦੇਸ਼ ਦੇ ਹਸਪਤਾਲਾਂ ਵਿੱਚ ਸ਼ਿਸ਼ੂ ਰੋਗ ਵਿਭਾਗ ਦੇ ਆਈਸੀਯੂ ਵਿਕਸਤ ਕੀਤੇ ਗਏ ਸੀ। ਗਹਿਲੋਤ ਨੇ ਕਿਹਾ ਕਿ ਇੱਕ ਵੀ ਬੱਚੇ ਦੀ ਮੌਤ ਨਹੀ ਹੋਣੀ ਚਾਹੀਦੀ ਸੀ, ਇਹ ਬਹੁਤ ਸੰਵੇਦਨਸ਼ੀਲ ਮਾਮਲਾ ਹੈ। ਇਸ ਨੂੰ ਮੀਡੀਆ ਨੇ ਤੁਲ ਦੇ ਦਿੱਤੀ ਹੈ ਅਤੇ ਇਸ 'ਤੇ ਹੁਣ ਰਾਜਨੀਤੀ ਹੋਣ ਲੱਗੀ ਹੈ।