ਦੇਹਰਾਦੂਨ: ਭਾਰਤੀ ਮਿਲਟਰੀ ਅਕਾਦਮੀ ਦੇਹਰਾਦੂਨ ਵਿੱਚ ਸ਼ਨੀਵਾਰ ਨੂੰ ਪਾਸਿੰਗ ਆਊਟ ਪਰੇਡ ਕਰਵਾਈ ਗਈ। ਇਸ ਦੌਰਾਨ 377 ਜੇਂਟਲਮੈਨ ਕੈਡੇਟਸ ਪਾਸ ਆਊਟ ਹੋਏ। ਇਸ ਸਮਾਗਮ ਵਿੱਚ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਪਰੇਡ ਦੀ ਸਲਾਮੀ ਲਈ ਤੇ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਮੁੱਖ ਮੰਤਰੀ ਤ੍ਰਿਵੇਂਦਰ ਸਿੰਘ ਰਾਵਤ ਵੀ ਇਸ ਪ੍ਰੋਗਰਾਮ ਵਿੱਚ ਮੌਜੂਦ ਹਨ। ਬੀਤੀ 29 ਨਵੰਬਰ ਤੋਂ ਹੀ IMA ਵਿਖੇ ਪ੍ਰੋਗਰਾਮ ਸ਼ੁਰੂ ਹੋ ਗਏ ਹਨ।
ਇਸ ਦੌਰਾਨ ਰੱਖਿਆ ਮੰਤਰੀ ਨੇ ਕਿਹਾ ਕਿ ਮੈਨੂੰ ਅੱਜ ਪਾਸਿੰਗ ਆਊਟ ਪਰੇਡ ਦੇ ਗੌਰਵਸ਼ਾਲੀ ਸਮੇਂ ਦਾ ਅਨੁਭਵ ਪ੍ਰਾਪਤ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਰੱਖਿਆ ਤੇ ਮਜ਼ਬੂਤੀ ਲਈ ਜਿੱਥੇ ਵੀ ਫੌਜ ਨੂੰ ਮੇਰੀ ਜ਼ਰੂਰਤ ਪਵੇਗੀ, ਮੈਂ ਖੜਾ ਮਿਲਾਂਗਾ। ਉਨ੍ਹਾਂ ਕਿਹਾ ਕਿ ਫੌਜ ਦੇ ਪਰਿਵਾਰਾਂ ਦੀ ਜ਼ਿੰਮੇਵਾਰੀ ਰੱਖਿਆ ਮੰਤਰੀ ਦੀ ਹੈ, ਜਿਨ੍ਹਾਂ ਨੂੰ ਉਹ ਹਰ ਹਾਲ ਵਿੱਚ ਪੂਰਾ ਕਰਨਗੇ।
377 ਜੇਂਟਲਮੈਨ ਹੋਏ ਪਾਸ ਆਊਟ
ਆਈਐਮਏ ਪਾਸਿੰਗ ਆਊਟ ਪਰੇਡ ਵਿੱਚ ਕੁੱਲ 377 ਜੇਂਟਲਮੈਨ ਕੈਡੇਟਸ ਪਾਸ ਆਊਟ ਹੋ ਕੇ ਫੌਜ ਵਿੱਚ ਅਧਿਕਾਰੀ ਬਣੇ, ਜਿਸ ਵਿੱਚ 306 ਕੈਡੇਟਸ ਭਾਰਤੀ ਫੌਜ ਵਿੱਚ ਸ਼ਾਮਲ ਹੋਏ। ਜਦਕਿ, ਮਿੱਤਰ ਦੇਸ਼ਾਂ 71 ਕੈਡੇਟਸ ਪਾਸਿੰਗ ਆਊਟ ਪਰੇਡ ਤੋਂ ਆਪੋਂ-ਆਪਣੇ ਦੇਸ਼ ਵਿੱਚ ਫੌਜ ਦੀ ਕਮਾਨ ਸੰਭਾਲਣਗੇ। ਪਾਸਿੰਗ ਆਊਟ ਪਰੇਡ ਵਿੱਚ ਇਸ ਵਾਰ ਉੱਤਰਾਖੰਡ ਸੂਬੇ ਦੇ 19 ਯੁਵਾ ਜੇਂਟਲਮੈਨ ਕੈਡੇਟਸ ਪਾਸ ਹੋ ਕੇ ਭਾਰਤੀ ਫੌਜ ਦੇ ਬਤੌਰ ਅਫ਼ਸਰ ਸ਼ਾਮਲ ਹੋਏ। ਇਸ ਵਾਰ ਦੀ ਪਾਸਿੰਗ ਆਊਟ ਪਰੇਡ ਵਿੱਚ ਸੱਭ ਤੋਂ ਵੱਧ ਫੌਜ ਅਫ਼ਸਰ ਉੱਤਰ ਪ੍ਰਦੇਸ਼ ਚੋਂ ਨਿਕਲੇ। ਉੱਤਰ ਪ੍ਰਦੇਸ਼ ਮੂਲ ਦੇ ਇਸ ਵਾਰ 56 ਕੈਡੇਟਸ ਪਾਸ ਆਊਟ ਹੋ ਕੇ ਫੌਜ ਅਧਿਕਾਰੀ ਬਣੇ।
IMA ਪਾਸਿੰਗ ਆਊਟ ਪਰੇਡ 'ਚ ਇਨ੍ਹਾਂ ਕੈਡੇਟਸ ਨੂੰ ਮਿਲਿਆ ਮੈਡਲ
- ਸਵਾਰਡ ਆਫ਼ ਆਨਰ ਤੇ ਗੋਲਡ ਮੈਡਲ ਕੈਡੇਟ ਵਿਨੈ ਗਰਗ ਨੂੰ ਦਿੱਤਾ ਗਿਆ।
- ਜੇਂਟਲਮੈਨ ਕੈਡੇਟ, ਸਿਲਵਰ ਮੈਡਲ ਆਫ਼ ਆਨਰ ਮੇਰਿਟ ਦਾ ਪੁਰਸਕਾਰ ਸੀਨੀਅਰ ਅੰਡਰ ਅਫ਼ਸਰ ਪਿਕੇਂਦਰ ਸਿੰਘ ਨੂੰ ਦਿੱਤਾ ਗਿਆ।
- ਆਰਡਰ ਆਫ਼ ਮੇਰਿਟ ਵਿੱਚ ਤੀਜੇ ਥਾਂ 'ਤੇ ਰਹੇ ਬਟਾਲਿਅਨ ਦੇ ਅੰਡਰ ਅਫ਼ਸਰ ਧਰੁਵ ਮੇਹਲਾ ਨੂੰ ਬ੍ਰਾਂਜ਼ ਪਦਕ ਪ੍ਰਦਾਨ ਕੀਤਾ ਗਿਆ।
- ਤਕਨੀਕੀ ਡ੍ਰੈਗ ਰੇਸ ਕੋਰਸ ਵਿੱਚ ਪਹਿਲੇ ਕ੍ਰਮ ਵਿੱਚ ਜੇਂਟਲਮੈਨ ਕੈਡੇਟ ਲਈ ਜੂਨੀਅਰ ਅੰਡਰ ਅਫ਼ਸਰ ਸ਼ਿਵਰਾਜ ਸਿੰਘ ਸਿਲਵਰ ਮੈਡਲ (ਟੀਜੀ) ਦਿੱਤਾ ਗਿਆ।
- ਭੂਟਾਨ ਦੇ ਕੁਏਂਜਾਂਗ ਵਾਂਗਚੁਕ ਸਰਬਓਤਮ ਵਿਦੇਸ਼ੀ ਕੈਡੇਟ ਚੁਣੇ ਗਏ।
- ਚੀਫ਼ ਆਫ਼ ਆਰਮੀ ਸਟਾਰ ਬੈਨਰ ਕੇਰਨ ਕੰਪਨੀ ਨੂੰ ਮਿਲਿਆ।