ਦਿਲੀਪ ਘੋਸ਼ ਦਾ ਵਿਵਾਦਿਤ ਬਿਆਨ, ਕਿਹਾ-ਸ਼ਾਹੀਨ ਬਾਗ ਵਿੱਚ ਕੋਈ ਪ੍ਰਦਰਸ਼ਨਕਾਰੀ ਮਰ ਕਿਉ ਨਹੀ ਰਿਹਾ

ਸ਼ਾਹੀਨ ਬਾਗ ਵਿੱਚ ਸੀਏੇਏ ਨੂੰ ਲੈ ਕੇ ਕਈ ਦਿਨਾਂ ਤੋਂ ਪ੍ਰਦਰਸ਼ਨ ਚੱਲ ਰਿਹਾ ਹੈ। ਵਿਰੋਧ ਨੂੰ ਲੈ ਕੇ ਪੱਛਮੀ ਬੰਗਾਲ ਦੇ ਭਾਜਪਾ ਪ੍ਰਧਾਨ ਨੇ ਕਿਹਾ ਕਿ ਸ਼ਾਹੀਨ ਬਾਗ ਵਿੱਚ ਕੋਈ ਪ੍ਰਦਰਸ਼ਨਕਾਰੀ ਮਰ ਕਿਉ ਨਹੀ ਰਿਹਾ ਹੈ।

ਕੋਲਕਾਤਾ:ਪੱਛਮੀ ਬੰਗਾਲ ਦੇ ਭਾਜਪਾ ਪ੍ਰਧਾਨ ਦਿਲੀਪ ਘੋਸ਼ ਮੰਗਲਵਾਰ ਨੂੰ ਉਸ ਸਮੇਂ ਵਿਵਾਦ ਵਿੱਚ ਘਿਰ ਗਏ, ਜਦੋ ਉਨ੍ਹਾਂ ਨੇ ਪੁੱਛਿਆ ਕਿ ਸ਼ਾਹੀਨ ਬਾਗ ਵਿੱਚ ਪ੍ਰਦਰਸ਼ਨਕਾਰੀਆਂ ਨੂੰ ਕੁਝ ਕਿਉ ਨਹੀ ਹੋ ਰਿਹਾ। ਜਦੋਕਿ ਉਹ ਦਿੱਲੀ ਵਿੱਚ ਭਿਆਨਕ ਠੰਡ ਵਿੱਚ ਪ੍ਰਦਰਸ਼ਨ ਕਰ ਰਹੇ ਹਨ।

ਘੋਸ਼ ਨੇ ਕਿਹਾ ਕਿ ਜੇ ਨੋਟਬੰਦੀ ਦੌਰਾਨ 100 ਲੋਕ ਮਰ ਸਕਦੇ ਹਨ ਤਾਂ ਹੁਣ ਸ਼ਾਹੀਨ ਬਾਗ ਵਿੱਚ ਪ੍ਰਦਰਸ਼ਨ ਕਰ ਰਹੇ ਕਿਉ ਨਹੀ ਮਰ ਰਹੇ।

ਘੋਸ਼ ਨੇ ਕਿਹਾ ਕਿ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਦਾਅਵਾ ਕੀਤਾ ਸੀ ਕਿ ਤਿੰਨ ਸਾਲ ਪਹਿਲਾਂ ਹੋਈ ਨੋਟਬੰਦੀ ਦੌਰਾਨ ਬੈਂਕਾਂ ਤੋਂ ਪੈਸੇ ਕਢਵਾਉਣ ਲਈ ਲਾਇਨਾਂ ਵਿੱਚ ਖੜ੍ਹੇ 100 ਵਿਅਕਤੀਆਂ ਨੇ ਆਪਣੀ ਜਾਨ ਗੁਆ ਦਿੱਤੀ ਸੀ।

ਘੋਸ਼ ਨੇ ਇਸ ਗੱਲ 'ਤੇ ਹੈਰਾਨੀ ਪ੍ਰਗਟਾਈ ਕਿ ਔਰਤਾਂ ਅਤੇ ਬੱਚੇ ਸਮੇਤ ਪ੍ਰਦਰਸ਼ਨ ਵਿੱਚ ਸ਼ਾਮਲ ਲੋਕ ਬਿਮਾਰ ਕਿਉ ਨਹੀ ਹੋ ਰਹੇ ਜਾ ਮਰ ਕਿਉ ਨਹੀ ਰਹੇ ਹਨ। ਜਦੋਕਿ ਉਹ ਹਫਤੇ ਤੋਂ ਖੁੱਲ੍ਹੇ ਆਸਮਾਨ ਦੇ ਥੱਲੇ ਪ੍ਰਦਰਸ਼ਨ ਕਰ ਰਹੇ ਹਨ।
ਭਾਜਪਾ ਸੰਸਦ ਮੈਂਬਰ ਨੇ ਇਹ ਵੀ ਕਿਹਾ ਕਿ ਅਖਿਰਕਾਰ ਇਸ ਪ੍ਰਦਰਸ਼ਨ ਦੇ ਲਈ ਪੈਸਾ ਕਿਥੋ ਆ ਰਿਹਾ ਹੈ?

ਦੱਖਣੀ ਦਿੱਲੀ ਦੇ ਸ਼ਾਹੀਨ ਬਾਗ ਵਿੱਚ ਨਾਗਰਿਕਤਾ ਸੋਧ ਕਾਨੂੰਨ ਦੇ ਵਿਰੁੱਧ ਸੈਕੜੇ ਔਰਤਾਂ ਪ੍ਰਦਰਸ਼ਨ ਕਰ ਰਹੀਆਂ ਹਨ। ਇਹ ਕਰੀਬ ਇੱਕ ਮਹੀਨੇ ਤੋਂ ਜ਼ਿਆਦਾ ਸਮੇਂ ਤੋਂ ਪ੍ਰਦਰਸ਼ਨ ਚੱਲ ਰਿਹਾ ਹੈ।

ਘੋਸ਼ ਨੇ ਕਿਹਾ, "ਸਾਨੂੰ ਪਤਾ ਚੱਲਿਆ ਹੈ ਕਿ ਸੀਏਏ ਦੇ ਵਿਰੁੱਧ ਪ੍ਰਦਰਸ਼ਨ ਕਰ ਰਹੀਆਂ ਔਰਤਾਂ ਅਤੇ ਬੱਚੇ ਦਿੱਲੀ ਵਿੱਚ ਠੰਡੀਆਂ ਰਾਤਾਂ ਵਿੱਚ ਖੁੱਲ੍ਹੇ ਆਸਮਾਨ ਦੇ ਥੱਲੇ ਬੈਠੇ ਹਨ। ਮੈ ਹੈਰਾਨ ਹਾਂ ਕਿ ਉਨ੍ਹਾਂ ਵਿੱਚੋਂ ਕੋਈ ਬਿਮਾਰ ਕਿਉ ਨਹੀ ਹੋ ਰਿਹਾ? ਉਨ੍ਹਾਂ ਨੂੰ ਕੁਝ ਕਿਉ ਨਹੀ ਹੋ ਰਿਹਾ? ਇੱਕ ਵੀ ਪ੍ਰਦਰਸ਼ਕਾਰੀ ਦੀ ਮੌਤ ਕਿਉ ਨਹੀ ਹੋਈ?

ਉਨ੍ਹਾਂ ਨੇ ਕਿਹਾ, "ਇਹ ਬੇਹੱਦ ਹੈਰਾਨ ਕਰਨ ਵਾਲਾ ਹੈ। ਕੀ ਉਨ੍ਹਾਂ ਨੇ ਕੋਈ ਅ੍ਰਮਿਤ ਪੀ ਲਿਆ ਹੈ ਕੀ ਉਨ੍ਹਾਂ ਨੂੰ ਕੁਝ ਨਹੀ ਹੋ ਰਿਹਾ ਪਰ ਬੰਗਾਲ ਵਿੱਚ ਕੁਝ ਲੋਕਾਂ ਵੱਲੋਂ ਘਬਰਾਹਟ ਨਾਲ ਖੁਦਕੁਸ਼ੀ ਕਰਨ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ।